రాష్ట్రీయం
జీనోమ్ వ్యాలీ రెండో దశకు 350 ఎకరాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 10: జీవశాస్త్ర సాంకేతిక పరిజ్ఞానానికి నిలయంగా మారిన జీనోమ్ వ్యాలీకి మహర్దశ పట్టింది. జీనోమ్ వ్యాలీ 2.0కు మాస్టర్ ప్లాన్‌ను రాష్ట్రప్రభుత్వం రూపొందించింది. ఈ వ్యాలీ విస్తరణకు అదనంగా 350 ఎకరాలను సేకరించాలని రాష్ట్రప్రభుత్వం నిర్ణయించింది. దీనివల్ల జీవశాస్త్ర రంగంలో పరిశోధనలు ఊపందుకుంటాయి. ఫార్మాసూటికల్, బయోటెక్నాలజీ పరిశోధనలు, వినయోగదారుల ఉత్పత్తులను తయారుచేసే కంపెనీలు పెద్ద ఎత్తున నెలకొల్పేందుకు అనేక సంస్థలు ముందుకు వస్తున్నాయి. ఇక్కడ వౌలిక సదుపాయాల కల్పనకు బ్లూప్రింట్‌ను కూడా ఖరారు చేశారు. 350 ఎకరాల సేకరణకు సంబంధించి సర్వే పనులు కూడా పూర్తయ్యాయి. బయోటెక్ పార్కులు, ఐకేపీ నాలెడ్జ్ పార్కుల సంస్థలు కోరితే అదనంగా భూములను కేటాయించేందుకు రాష్ట్రప్రభుత్వం సంసిద్ధతను వ్యక్తం చేసింది. సామాజిక వౌలిక సదుపాయాల ఏర్పాటులో కంపెనీలను భాగస్వాములను చేయనున్నారు. చిన్న, మధ్య తరహా జీవశాస్త్ర పరిశోధన సంస్థలకు ప్రోత్సాహం ఇచ్చే విధంగా ప్రణాళికను రూపొందించారు. వాస్తవానికి 1999లో
జీనోమ్ వ్యాలీకి అంకురార్పణ జరిగింది. శామీర్‌పేట ప్రాంతంలో జీనోమ్ వ్యాలీని నెలకొల్పారు. ప్రస్తుతం ఈ ప్రాంతానికి రియాల్టీపరంగా మహర్దశ పట్టింది. ప్రస్తుతం జీనోమ్ వ్యాలీలో 18 దేశాలకు చెందిన 200 కంపెనీలు పనిచేస్తున్నాయి. దాదాపు పదివేల మంది శాస్తవ్రేత్తలు పనిచేస్తున్నారు. హైదరాబాద్‌లో మొత్తం 56 ఇంక్యుబేటర్లు ఉన్నాయి. ఇందులో 18 ఇంక్యుబేటర్లు జీనోమ్ వ్యాలీలో ఉన్నాయి. దేశంలో జీవశాస్త్ర విభాగంలో జీనోమ్ వ్యాలీ అతి పెద్ద క్లస్టర్‌గా పేరు తెచ్చుకుంది. బయాలజీ శాస్త్ర కంపెనీలకు జీనోమ్ వ్యాలీ లక్ష్యంగా మారింది. జీఈ హెల్త్‌కేర్ సంస్థ ఫ్లిక్ ఫ్యాక్టరీ క్లినికల్ డెవలప్‌మెంట్ వ్యవస్థను ఏర్పాటు చేస్తోంది. దీనివల్ల వ్యాక్సిన్ల పరిశోధనలు ఊపందుకుంటాయి. అగ్రిటెక్, క్లినికల్ రీసెర్చి మేనేజిమెంట్, బయోఫార్మా, వ్యాక్సిన్ మానుఫ్యాక్చరింగ్, రెగ్యులేటరీ అండ్ టెస్టింగ్ ఇతర అంశాలపై ఇక్కడ శాస్తవ్రేత్తలు పరిశోధనలు చేస్తున్నారు. ప్రభుత్వ, ప్రైవేట్‌రంగ సంస్థల భాగస్వామ్యంతో పరిశోధన, అభివృద్ధి నిమిత్తం వౌలిక సదుపాయాలను తెలంగాణ పారిశ్రామిక వౌలిక సదుపాయాల సంస్థ ఏర్పాటు చేస్తోంది.
*ఫైల్‌ఫొటో
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.