రాష్ట్రీయం
నీటి వాడకంపై శాటిలైట్ నిఘా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 17: కృష్ణా జలాల పంపకంపై ఆంధ్ర, తెలంగాణ రాష్ట్రాల మధ్య తలెత్తుతున్న తగాదాల పరిష్కారానికి టెలిమెట్రీ వ్యవస్ధ ఏర్పాటు చేస్తామని కృష్ణా జలాల యాజమాన్య బోర్డు ప్రతిపాదించింది. ఈ ప్రతిపాదనలను అమలు చేస్తున్నట్టు రెండు రాష్ట్రాలకూ బోర్డు లేఖ రాసింది. టెలిమెట్రీ పరికరాల ఏర్పాటుపై తమకు అభ్యంతరం లేదని రెండు రాష్ట్రాలూ సూత్రప్రాయంగా అంగీకారం తెలపనున్నట్టు సమాచారం. కానీ తాము చెప్పినచోట్ల టెలిమెట్రీ పరికరాలు ఏర్పాటు చేయాలని తెలంగాణ, ఆంధ్ర రాష్ట్రాలు కృష్ణా బోర్డును కోరనున్నాయి. నీటి ప్రవాహాన్ని అంచనా వేసేందుకు టెలిమెట్రీ వ్యవస్ధను ప్రపంచవ్యాప్తంగా నీటి తగాదాలున్న దేశాలు అమలు చేస్తున్నాయి. భారత్- పాక్ మధ్య సింధూ నది బేసిన్‌లో 23చోట్ల టెలిమెట్రీ వ్యవస్ధను ఏర్పాటు చేశారు. దీనివల్ల ఎంత పరిమాణంలో ఎవరు నీటిని వాడుకున్నారనేది తెలుస్తుంది. శాటిలైట్ వ్యవస్ధ ద్వారా టెలిమెట్రీ విధానం పనిచేస్తుంది.
ఆంధ్ర, తెలంగాణ మధ్య కృష్ణా జలాలపై వివాదం రోజురోజుకు ముదురుతోంది. కృష్ణా బోర్డు ఈ రెండు రాష్ట్రాల పరిధిలోని ప్రాజెక్టులను తన పరిధిలోకి తీసుకుంటామని పేర్కొంటూ అభిప్రాయాలు తెలియచేయాలని గత నెలలోనే ముసాయిదా నోటిఫికేషన్ జారీ చేసింది. ఈ నోటిఫికేషన్‌ను తెలంగాణ వ్యతిరేకించగా, ఆంధ్ర స్వాగతించింది. దీనిపై కేంద్రం త్రిసభ్య కమిటీని నియమించి సమస్యను పరిష్కరిస్తామని తెలంగాణకు హామీ ఇచ్చింది. ఈ కమిటీ ఇంకా పర్యటించలేదు. ఈలోగానే కృష్ణా బోర్డు టెలిమెట్రీ విధానాన్ని తెరపైకి తెచ్చింది.
ప్రస్తుతం ఆల్మట్టి నుంచి నీటి ప్రవాహం విడుదల పెరిగింది. కాని దీనివల్ల శ్రీశైలం, నాగార్జునసాగర్‌కు వచ్చే ఉపయోగం అంతంతమాత్రమే. ఈ రెండు ప్రాజెక్టుల పరివాహక ప్రాంతంలోనూ ఏకకాలంలో భారీ వర్షాలు నమోదైతే తప్ప శ్రీశైలంలో 215 టిఎంసి, నాగార్జునసాగర్‌లో 312 టిఎంసి నీరు రాదు. ప్రస్తుతం శ్రీశైలంలో 23 టిఎంసి, నాగార్జునసాగర్‌లో 122 టిఎంసి నీరు ఉంది.
ఈ నేపథ్యంలో ఆలస్యంగా ప్రారంభమయ్యే ఖరీఫ్‌కు నీటి విడుదల కోసం రెండు రాష్ట్రాల మధ్య గొడవ తప్పని పరిస్ధితులు కనిపిస్తున్నాయని రెండు రాష్ట్రాల సాగునీటి నిపుణులు అంచనా వేస్తున్నారు. గత ఏడాది ఆంధ్ర 14 టిఎంసి నీటిని అదనంగా వాడుకుందని తెలంగాణ కేంద్రానికి ఫిర్యాదు చేసిన విషయం విదితమే. రెండు రాష్ట్రాల మధ్య ప్రస్తుతం మాన్యువల్‌గా నీటి విడుదలను పర్యవేక్షిస్తున్నారు. దీనివల్ల రెండు రాష్ట్రాలకు అపనమ్మకం పెరుగుతోందని కృష్ణా బోర్డు గుర్తించి టెలిమెట్రీ విధానాన్ని తెరపైకి తెచ్చింది.
ప్రకాశం బ్యారేజీ, పులిచింతల, పోతిరెడ్డిపాడు, శ్రీశైలం ప్రాజెక్టు వద్ద ఆంధ్ర వైపున టెలిమెట్రీని ఏర్పాటు చేయాలని తెలంగాణ కోరనుంది. కాగా తెలంగాణలో జూరాల, కల్వకుర్తి, కోయిలసాగర్, నెట్టెంపాడు, ఎలిమినేటి మాధవరెడ్డి ప్రాజెక్టు, తెలంగాణవైపునున్న శ్రీశైలం, నాగార్జునసాగర్ ప్రాజెక్టుల వద్ద టెలిమెట్రీ ఏర్పాటు చేయాలని ఏపి ప్రతిపాదించనుంది. టెలిమెట్రీ వ్యవస్ధను ఏర్పాటు చేస్తూనే, కృష్ణా నదిపై ఉన్న అన్ని ప్రాజెక్టులను తన పరిధిలోకి తీసుకురావాలని కృష్ణా బోర్డు చేసిన తాజా ప్రతిపాదనపై ఈ నెలలో సమావేశం నిర్వహించి ఆగస్టు మొదటి వారంలోగా ఒక నిర్ణయం తీసుకోవాలని కేంద్రాన్ని బోర్డు కోరనుంది. ఈమేరకు బోర్డు కార్యదర్శి సమీర్ చటర్జీ కేంద్రానికి లేఖ రాసినట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.