తెలంగాణ
మార్చి 15న అమిత్‌షా రాక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కేంద్ర హోం మంత్రి అమిత్ షా మార్చి 15వ తేదీన హైదరాబాద్ రానున్నారు. హైదరాబాద్ ఎల్‌బీ స్టేడియంలో నిర్వహించే భారీ బహిరంగ సభలో అమిత్ షా పాల్గొంటారని బీజేపీ రాష్ట్ర అధ్యక్షుడు డాక్టర్ కే లక్ష్మణ్ గురువారం నాడు చెప్పారు. పౌరసత్వ సవరణ చట్టంపై ఉన్న అన్ని అనుమానాలను అమిత్ షా నివృత్తి చేస్తారని ఆయన చెప్పారు. ఈ మేరకు ఇప్పటికే ఎల్‌బీ స్టేడియం అధికారులతో కూడా సంప్రదించినట్టు ఆయన తెలిపారు. సభలో జనసేన అధినేత పవన్‌కళ్యాణ్ కూడా హాజరయ్యే అవకాశం ఉందని పార్టీ వర్గాలు పేర్కొన్నారు. ఎంఐఎంతో చెట్టాపటాలువేసుకుంటున్న టీఆర్‌ఎస్ సీఏఏకు వ్యతిరేకంగా
మాట్లాడటం సరికాదని అన్నారు. ఈ రెండు పార్టీలూ కలిపి సీఏఏ , ఎన్‌సీఆర్, ఎన్‌పీఆర్‌లకు వ్యతిరేకంగా అసత్యాలను ప్రచారం చేస్తున్నాయని ఆరోపించారు. వాస్తవాలను బీజేపీ ఇప్పటికే ఇంటింటికీ తిరిగి ప్రచారం చేస్తోందని, అయితే ఎలాంటి గందరగోళం లేకుండా ఉండేందుకే అమిత్ షా బహిరంగ సభ నిర్వహిస్తున్నామని పేర్కొన్నారు. ఈ సందర్భంగా లక్ష్మణ్ అధికారపార్టీపై తీవ్రమైన ఆరోపణలు చేశారు. ఎన్నికల ముందు అనేక హామీలు ఇస్తున్న సీఎం ఎన్నికల తర్వాత వాటన్నింటినీ మరిచిపోతున్నారని పేర్కొన్నారు.
ఎంఎస్‌ఎంఈల కీలక పాత్ర
తెలంగాణ దిశా దశ మార్చడంలో ఎంఎస్‌ఎంఈలు కీలకపాత్ర పోషిస్తున్నాయని బీజేపీ రాష్ట్ర అధ్యక్షుడు డాక్టర్ కే లక్ష్మణ్ పేర్కొన్నారు. ఎంఎస్‌ఎంఈల ఆధ్వర్యంలో గురువారం నాడు హైదరాబాద్‌లో నిర్వహించిన ‘ ఒక జిల్లా - ఒక ఉత్పత్తి’ సదస్సులో ఆయన మాట్లాడారు. ఉద్యోగాల కోసం పట్టిణాలకు వలస వెళ్లే పరిస్థితి మారాలని అన్నారు. పెందుర్తి, నిర్మల్, తాండూరు, ఖమ్మం, సిరిసిల్ల, గద్వాలలో ఎంఎస్‌ఎంఈ ప్రాజెక్టులకు అనేక అవకాశాలున్నాయని అన్నారు. ప్రభుత్వ ప్రోత్సాహం లేకపోవడంతో చిన్న పరిశ్రమలు ఏర్పాటు కావడం లేదని అన్నారు. పది మంది కలిసి క్లస్టర్‌గా ఏర్పడి చిన్న పరిశ్రమలను ఏర్పాటు చేసుకోవాలని చెప్పారు. తెలంగాణ రాష్ట్రంలో మూడు లక్షలకు పైగా ఉద్యోగాలు ఖాళీగా ఉన్నాయని అన్నారు.
ఉద్యోగులకు అండ
ఏపీలో ఉద్యోగులకు ఐఆర్ ఇచ్చి ముఖ్యమంత్రి వైఎస్ రాజశేఖరరెడ్డి వారికి అండగా నిలిచారని లక్ష్మణ్ పేర్కొన్నారు. తెలంగాణలో ఉద్యోగ సంఘాల నేతలు పదవులకు లోబడి ఉద్యోగులను మోసం చేస్తున్నారని అన్నారు. ఉద్యోగ సంఘాల నేతలు పదవులు దక్కించుకున్నారని, టీఆర్‌ఎస్ ప్రభుత్వం వారిపై బెదిరింపులకు దిగుతోందని అన్నారు. టీఆర్‌ఎస్, ఎంఐఎంలు కుమ్మక్కై సీఏఏపై అనవసర రాద్దాంతం చేస్తున్నారని అన్నారు.
ఆరు జిల్లాలపై ఏకాభిప్రాయం
పార్టీ జిల్లా అధ్యక్షుల ఎంపికపై చర్చించేందుకు బీజేపీ నేతలు దశల వారీ సమావేశమై ఏకాభిప్రాయాన్ని సాధిస్తున్నారు. మంచిర్యాల ,కరీంనగర్, వేములవాడ, మెదక్, రంగారెడ్డి, గద్వాల జిల్లాల అధ్యక్షుల ఎంపికపై ఏకాభిప్రాయం వ్యక్తమైందని తెలిసింది.
*చిత్రం... సమావేశంలో మాట్లాడుతున్న బీజేపీ రాష్ట్ర అధ్యక్షుడు డాక్టర్ లక్ష్మణ్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.