తెలంగాణ
ఆత్మహత్య చేసుకునేంత పిరికివాడు కాదు
S ,7 à 8 RSCA (si SASPAS) et 6 cialis pharmacie cialis rapports de stage.
మిర్యాలగూడ, మార్చి 9: మారుతీరావు ఆత్మహత్య చేసుకొని మృతి చెందేంత పిరికివాడు కాదని ఆయన కుమార్తె అమృతప్రణయ్ అన్నారు.
సోమవారం ఆమె విలేఖరులతో మాట్లాడుతూ శ్రవణ్ వల్లే మారుతీరావు ఆత్మహత్య చేసుకున్నారని ఆరోపించారు. మారుతీరావును శ్రవణ్ కొట్టినట్టు తనకు తెలిసిందని ఆమె పేర్కొన్నారు. మారుతీరావును తండ్రి అని సంబోధించక పలుమార్లు మారుతీరావు అంటూ అమృత పేర్కొంది. కొంతకాలంగా నాన్నకు బాబాయ్ శ్రవణ్‌కు ఆస్తి గొడవలు జరిగాయని, మారుతీరావు తమ్ముడు శ్రవణ్ అంటే భయపడతాడని ఆమె పేర్కొంది. డబ్బుల విషయంలో సుఫారీ గ్యాంగ్ బెదిరింపులు కూడా ఒక కారణం కావొచ్చని ఆమె తెలిపింది. ‘బాబు పుట్టాక అమ్మనాతో మాట్లాడింది. బాబును చూపించాలని కోరితే నేనే నిరాకరించా. నాన్నకు కోర్టుపరంగా శిక్ష పడాలని కోరుకున్నా. కాని ఆయన ఆత్మహత్య చేసుకోవడం తప్పే. అమ్మ దగ్గరికి వెళ్లలేను. దగ్గరికొస్తే వద్దనుకోను. బాబాయ్ శ్రవణ్‌తో అమ్మకు ప్రాణహాని ఉంది. అమ్మతో వెళ్లమన్న నాన్న కోరిక నెరవేరుస్తా. అలా అని అత్త, మామలను వీడాలంటే ఒప్పుకోను.
తల్లి దగ్గరకు వెళ్లే ప్రసక్తి లేదు.. ఆమె నా దగ్గరకు వస్తే చూసుకుంటా’ అని అమృత అన్నారు. భర్త చనిపోతే కలిగే బాధ ఆమెకు తెలుస్తుందని అమృత వ్యాఖ్యానించింది. మారుతీరావు ఆస్తిపై తనకు ఎలాంటి ఆశ లేదని, అవసరం కూడా లేదన్నారు. నాన్న ఆత్మహత్య చేసుకోవడం కూతురిగా బాధ పడుతున్నానన్నారు. ఆస్తి కోసమే తాను వచ్చానని శ్రవణ్ చెప్పడం సరి కాదంది. తాను వేరే ఉండి అమ్మను, అత్తామామలను చక్కగా చూసుకుంటానని ఆమె పేర్కొంది.
*చిత్రం... విలేఖరుల సమావేశంలో మాట్లాడుతున్న అమృత ప్రణయ్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.