తెలంగాణ
14న ‘అఖండ భారత దివస్’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ చార్మినార్, ఆగస్టు 11: ఈ నెల 14న భారతదేశం ముక్కలైన రోజని, ఆ రోజును ఖండిస్తూ అఖండ భారతావనిని మళ్లీ సాధించాలని పిలుపునిచ్చాయి బజరంగ్‌దళ్, విశ్వహిందూ పరిషత్‌లు. బజరంగ్‌దళ్ రాష్ట్ర కన్వీనర్ భానుప్రకాష్ గురువారం హైదర్‌గూడా ఎన్‌ఎస్‌ఎస్ కార్యాలయంలో ఏర్పాటు చేసిన విలేఖర్ల సమావేశంలో మాట్లాడుతూ ఇప్పటికే ముక్కలైన భారతదేశాన్ని మరిన్ని ముక్కలు చేయాలని కొందరు కుట్రలు చేస్తున్నారని, వాటిని తిప్పికొట్టాల్సిన బాధ్యత మనందరిపై ఉందన్నారు. అఫ్గానిస్తాన్, నేపాల్, భూటాన్, టిబెట్, మయన్మార్, బంగ్లాదేశ్, పాకిస్తాన్ దేశాలు భారతదేశం నుండి విడిపోయిన విషయాన్ని ఆయన ఈ సందర్భంగా గుర్తుచేశారు. ముక్కలుగా విడిపోయిన భారతదేశ ప్రాంతాలన్నిటిని మళ్లీ ఏకం చేయాలని బజరంగ్‌దళ్ సంకల్పిస్తోందన్నారు. 14న నారాయణగూడ కేశవ మెమోరియల్ విద్యాసంస్థ ఆవరణలో ‘అఖండ భారత దివస్’ పేరిట బహిరంగ సభ నిర్వహించనున్నట్లు తెలిపారు.ఈ బహిరంగ సభలో విశ్వహిందూ పరిషత్ అంతర్జాతీయ కార్యాధ్యక్షుడు ప్రవీణ్ తొగాడియా ముఖ్య వక్తగా, ముఖ్య అతిథిగా రాఘవరెడ్డి పాల్గొంటారని తెలిపారు. భారతదేశం మళ్లీ అఖండ భారతావనిగా విరాజిల్లాలని ఆకాంక్షిస్తూ నిర్వహించే ఈ సభలో కులాలు, మతాలకతీతంగా అత్యధిక సంఖ్యలో పాల్గొనాలని ఆయన పిలుపునిచ్చారు. ఈ కార్యక్రమంలో బజరంగ్‌దళ్ భాగ్యనగర్ విభాగ్ కన్వీనర్ వీరేశలింగం, రాష్ట్ర విశ్వహిందూ పరిషత్ కార్యాధ్యక్షుడు సురేందర్, సహకార్యదర్శి పూల్లా సత్యనారాయణ, సభాష్‌చందర్, మీడియా కన్వీనర్ కైలాష్ పాల్గొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.