తెలంగాణ
విద్యుత్ కొనుగోలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 18: నేషనల్ థర్మల్ పవర్ కార్పొరేషన్ (ఎన్‌టిపిసి), సింగరేణి కాలరీస్‌తో తెలంగాణ ట్రాన్స్‌కో సోమవారం వేర్వేరుగా విద్యుత్ కొనుగోలు ఒప్పందాలు చేసుకుంది. సిఎం కె చంద్రశేఖర్‌రావు సమక్షంలో ట్రాన్స్‌కో చైర్మన్ అండ్ మేనేజింగ్ డైరెక్టర్ డి ప్రభాకర్‌రావు, ఎన్టీపీసీ జనరల్ మేనేజర్లు సివి ఆనంద్, ఎస్‌కె ఖర్, అడిషనల్ జనరల్ మేనేజర్ కె సుదర్శన్ ఒప్పంద పత్రాలను మార్చుకున్నారు. రామగుండంలోని ఎన్టీపీసీ కేంద్రం నుంచి 1600 మెగావాట్ల విద్యుత్‌ను ట్రాన్స్‌కో కొనుగోలు చేయడానికి ఒప్పందాన్ని కుదుర్చుకుంది. సెంట్రల్ విద్యుత్ నియంత్రణ మండలి సిఫారసుల ప్రకారం రేటు చెల్లించడానికి ట్రాన్స్‌కో అంగీకరించింది. అలాగే సింగరేణి కాలరీస్ జైపూర్ కేంద్రం నుంచి 1200 మెగావాట్ల విద్యుత్ కొనుగోలు చేయడానికి సిఎండి ప్రభాకర్‌రావు, సింగరేణి సిఎండి ఎన్ శ్రీ్ధర్‌ల మధ్య కుదిరిన ఒప్పంద పత్రాలను పరస్పరం మార్చుకున్నారు. ఈ ఏడాది ఏప్రిల్‌నాటికి 1200 మెగావాట్ల విద్యుత్ అందించడానికి సింగరేణి అంగీకరించింది. తెలంగాణ రాష్ట్ర విద్యుత్ నియంత్రణ మండలి సిఫారసుల మేరకు రేటు చెల్లించే విధంగా విద్యుత్ కొనుగోలుకు ట్రాన్స్‌కో అంగీకరించింది. కార్యక్రమంలో విద్యుత్‌శాఖ మంత్రి జగదీశ్‌రెడ్డి, ట్రాన్స్‌కో కార్యదర్శి అరవింద్ కుమార్, ఎన్‌పిడిసిఎల్ సిఎండి వెంకటనారాయణ, ఎస్‌పిడిసిఎల్ సిఎండి రఘుమారెడ్డి, కరీంనగర్ ఎంపీ బి వినోద్‌కుమార్, సింగరేణి డైరెక్టర్ బి రమేశ్‌బాబు తదితరులు పాల్గొన్నారు.
చిత్రం... సిఎం సమక్షంలో ఒప్పంద పత్రాలు మార్చుకుంటున్న సింగరేణి, ట్రాన్స్‌కో అధికారులు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.