రాష్ట్రీయం
తగ్గిన అమెరికా వీసా దరఖాస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 20: అమెరికాలో ఉద్యోగాల్లో పనిచేసే విదేశీ వృత్తివిద్యా నిపుణులకు జారీ చేసే హెచ్-1బి వీసా దరఖాస్తులు ఈసారి గణనీయంగా తగ్గిపోయాయి. గత కొద్ది కాలంగా ట్రంప్ ప్రభుత్వం తీసుకుంటున్న చర్యలతో విదేశీ వృత్తివిద్యానిపుణుల నుండి వీసా కోరుతూ వచ్చిన దరఖాస్తులు తగ్గడం 2014 తర్వాత ఇదే మొదటిసారి. రాను రాను కఠినమైన నిబంధనలను చేర్చడంతో దరఖాస్తులు తగ్గినట్టు నిపుణులు అంచనా వేస్తున్నారు. గత ఏడాది వీసా కోసం 2.36 లక్షల దరఖాస్తులు రాగా, ఈ ఏడాది హెచ్-1బి వీసా కోరుతూ 1.99 లక్షల దరఖాస్తులు మాత్రమే వచ్చాయి. 2013 నుండి వరుసగా దరఖాస్తుల సంఖ్య పెరగ్గా ఈ ఏడాది తొలిసారి దరఖాస్తులు గణనీయంగా తగ్గాయి. అమెరికాలో నిపుణులపై వివక్ష చూపరాదని, తొలి ప్రాధాన్యం వారికే ఇవ్వాలని ట్రంప్ ప్రభుత్వం ఆదేశించడంతో రిక్రూటింగ్ ఏజన్సీలు సైతం విదేశీ నిపుణులకు ప్రాధాన్యత తగ్గించే ముప్పు ఉందనే ప్రచారంతో దరఖాస్తులు తగ్గాయి. హెచ్-1బి వీసా పొందినా రాను రాను అమలులోకి వచ్చే కఠిన నిబంధనలను ప్రతి ఒక్కరూ పాటించాల్సి ఉంటుంది. అనిశ్చిత స్థితిలో దరఖాస్తులు తగ్గడం ఆశ్చర్యకరం కాదని అమెరికా ఇమిగ్రేషన్ లాయర్స్ అసోసియేషన్ సంచాలకురాలు బెట్‌సి లారెన్స్ వ్యాఖ్యానించారు. తక్కువ నైపుణ్యం , అనుభవం ఉన్న ఉద్యోగులను భారత్‌లోని చాలా ఐటి కంపెనీలు తగ్గించుకుంటున్నాయి. వారందరినీ గతంలో అమెరికా పంపించిన ఈ సంస్థలు ఇపుడు వారికి స్వస్తి పలుకుతున్నాయి అని బెట్‌సి విశే్లషించారు. ప్రతి ఏటా అత్యధికంగా టిసిఎస్, ఇన్ఫోసిస్, విప్రో తదితర సంస్థల నుండే ఎక్కువ మంది నిపుణులు అమెరికా హెచ్-1బి వీసా పొందుతున్నారు. ఈ ఏడాది అమెరికా 85వేల మందికి వీసా జారీ చేయనుంది. అందులో 20వేల వీసాలు మాస్టర్స్ డిగ్రీ ఉన్న వారికి కేటాయిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.