రాష్ట్రీయం
రాష్ట్ర విభజన దంపతులను విడదీసేందుకు కాదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 27: ప్రభుత్వ కళాశాలలో ప్రిన్సిపాల్‌గా బాధ్యతలు నిర్వహిస్తున్న డాక్టర్ ఎస్.శోభారాణిని ఆంధ్రప్రదేశ్‌కు బదిలీ చేయాలని హైదరాబాద్ హైకోర్టు సంబంధిత అధికారులను ఆదేశించింది. ఉమ్మడి ఆంధ్రప్రదేశ్‌ను విభజించింది భార్యా, భర్తలనువిడదీసేందుకు కాదని హైకోర్టు అభిప్రాయపడింది. జోన్-4లోని కర్నూలులో 1992 సంవత్సరం జూలై 20న డాక్టర్ ఎస్. శోభారాణి లెక్చరర్‌గా నియమితులయ్యారు. ఆమె భర్త విశాఖపట్నంలోని బిహెచ్‌ఇఎల్‌లో ఉద్యోగం చేస్తున్నారు. భర్త/్భర్య (స్పౌస్) కేసు కింద ఆమె తనను విశాఖపట్నానికి బదిలీ చేయాల్సిందిగా కోరారు. అనంతరం ఆమెను బదిలీ చేశారు. రాష్ట్ర విభజన తర్వాత ఆమెను తెలంగాణకు కేటాయించారు. తెలంగాణకు తనను బదిలీ చేయడాన్ని ఆమె కోర్టులో సవాల్ చేశారు.
జస్టిస్ పివి.సంజయ్ కుమార్, జస్టిస్ ఎన్.బాలయోగితో కూడిన డివిజన్ బెంచ్ ఈ కేసును విచారణకు స్వీకరించి ఇరుపక్షాల వాదనలు విన్నది. బిహెచ్‌ఇఎల్ కేంద్ర ప్రభుత్వ రంగ సంస్ధ అని కేంద్రం తెలిపింది. రాష్ట్ర పునర్విభజన తర్వాత స్పౌస్ కేసులు తెలంగాణ, ఆంధ్రప్రదేశ్ ప్రభుత్వ ఉద్యోగులకే వర్తిస్తాయని ప్రభుత్వం తెలిపింది. రాష్ట్ర పునర్విభజనతో తెలంగాణ, ఆంధ్రప్రదేశ్ రాష్ట్ర ప్రభుత్వ ఉద్యోగులను మాత్రమే క్లాజ్(1) కింద పరిగణలోకి తీసుకుంటామని, కేంద్ర ప్రభుత్వ ఉద్యోగులను, ప్రభుత్వ రంగ ఉద్యోగులను పరిగణలోకి తీసుకోలేమని చెప్పడం సరైంది కాదని పేర్కొంది. ఈ కేసులో ఆమె భర్త బిహెచ్‌ఇఎల్‌లో బదిలీ కానటువంటి ఉద్యోగంలో ఉన్నారని, ఇంకా ఆమె పిల్లలు కూడా విశాఖపట్నంలోనే చదువుకుంటున్నారని కోర్టు తెలిపింది. పైగా ఆమె కుటుంబంతో కలిసి ఉండేందుకు సీనియారిటీని పొగొట్టుకున్నట్లు వివరించింది. భార్య-్భర్తలు కలిసి ఒకే చోట ఉద్యోగం చేసుకునేలా చూడాలని, ఇందుకు అనుగుణంగా నియమ, నిబంధనలు ఉండాలని ధర్మాసనం అభిప్రాయపడింది. డాక్టర్ శోభా రాణిని ఆంధ్రకు బదిలీ చేయాల్సిందిగా సంబంధిత అధికారులను ఆదేశించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.