తెలంగాణ
9న కాంగ్రెస్ పవర్ పాయింట్ ప్రజెంటేషన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 4: నీటి పారుదల ప్రాజెక్టులపై తెలంగాణ ప్రదేశ్ కాంగ్రెస్ కమిటీ (టి.పిసిసి) కూడా పవర్ పాయింట్ ప్రజెంటేషన్ ఇచ్చేందుకు సమాయత్తమవుతున్నది. ముఖ్యమంత్రి కె. చంద్రశేఖర్ రావు అసెంబ్లీలో గత నెల 31న పవర్ పాయింట్ ప్రజెంటేషన్ ఇచ్చిన సంగతి తెలిసిందే. అయితే అసెంబ్లీలో పవర్ పాయింట్ ప్రజెంటేషన్ ఇవ్వడాన్ని నిరసిస్తూ కాంగ్రెస్, టిడిపిలు బహిష్కరించాయి. తాము అధికారంలో ఉన్నప్పుడు జలయజ్ఞం పేరిట అనేక ప్రాజెక్టులకు 85 శాతం వరకు పనులు పూర్తి చేస్తే, ఇప్పుడు ముఖ్యమంత్రి కెసిఆర్ అన్నీ తామే చేశామని చెప్పుకుంటున్నారని టి.పిసిసి నేతలు విమర్శిస్తున్నారు. ఈ నేపథ్యంలో తాము చేపట్టిన ప్రాజెక్టులు, బడ్జెట్ కేటాయింపులు, పురోగతిపై పవర్ పాయింట్ ప్రజెంటేషన్ ఇవ్వనున్నట్లు టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి తెలిపారు. ఈ నెల 9న గాంధీ భవన్‌లో లేదా మాసాబ్ ట్యాంక్‌లోని హోటల్ గోల్కండలో నిర్వహించేందుకు సన్నాహాలు చేస్తున్నామని అన్నారు. ఇలాఉండగా పవర్ పాయింట్ ప్రజెంటేషన్‌ను కేవలం మీడియా ద్వారా ప్రజలకు చూపించడమే కాకుండా టిఆర్‌ఎస్‌ను, ఇతర ప్రతిపక్షాలనూ ఆహ్వానించే విషయం ఆలోచిస్తున్నట్లు పార్టీ వర్గాలు తెలిపాయి.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.