తెలంగాణ
ఆయనే సామాజిక ఉగ్రవాది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 17: ‘సామాజిక స్మగ్లర్లు కోమటోళ్లు’ పేరుతో పుస్తకం రచించిన ప్రొఫెసర్ కంచె ఐలయ్యను సామాజిక ఉగ్రవాదిగా టిఆర్‌ఎస్ శాసనసభాపక్షం అభివర్ణించింది. ప్రతి ఒక్కరికీ భావ ప్రకటన స్వేచ్ఛను ప్రసాదించిన రాజ్యాంగం ఒక వ్యక్తిని కానీ, ఒక కులాన్ని కానీ, ఒక మతాన్ని కానీ కించపర్చే హక్కు ఎవరికీ ఇవ్వలేదని టిఆర్‌ఎస్ గుర్తు చేసింది. సామాజిక సేవలో ప్రజలకు తలలో నాలుకలా పెనవేసుకున్న అనుబంధం వైశ్యులదని టిఆర్‌ఎస్ పేర్కొంది. టిఆర్‌ఎస్ ఎల్పీ కార్యాలయంలో ఆదివారం పెద్దపల్లి ఎంపి బాల్క సుమన్, ఎమ్మెల్యేలు శ్రీనివాస్ గౌడ్, గువ్వల బాల్‌రాజు, బిగాల గణేశ్ మీడియాతో మాట్లాడుతూ కంచె ఐలయ్య తమ గురించి రాసిన పుస్తకం వల్ల ఆర్యవైశ్యులంతా ఎంతో వేదనకు గురవుతున్నారని అన్నారు. ఐలయ్య తాను చేసిన తప్పును గుర్తించి తక్షణమే ఆ వివాదాస్పద పుస్తకాన్ని ఉప సంహరించుకోవాలని టిఆర్‌ఎస్ ఎల్పీ డిమాండ్ చేసింది. పుస్తకాన్ని ఉప సంహరించుకోకుండా ఐలయ్య ఇంకా రెచ్చగొట్టే విధంగా వ్యాఖ్యలు చేస్తే వైశ్యుల తరఫున టిఆర్‌ఎస్ పోరాడుతుందని హెచ్చరించారు. ఈ పుస్తకాన్ని రచించడానికి ప్రాతిపదిక ఏమిటని బాల్క సుమన్ ప్రశ్నించారు. ఐలయ్య ఒక సామాజిక ఉగ్రవాది అని ఎమ్మెల్యే శ్రీనివాస్‌గౌడ్ ధ్వజమెత్తారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.