తెలంగాణ
ఆర్టీసీ బస్సును ఢీకొన్న టిప్పర్
S ,7 à 8 RSCA (si SASPAS) et 6 cialis pharmacie cialis rapports de stage.
వికారాబాద్, ఏప్రిల్ 24: రంగారెడ్డి జిల్లా వికారాబాద్ పట్టణ సమీపంలో ఆదివారం సాయంత్రం ఘోర రోడ్డు ప్రమాదం జరిగింది. వికారాబాద్ నుండి హైదరాబాద్ వెళ్తున్న తాండూర్ డిపోకు చెందిన టిఎస్ 07ఎ 5288 ఎక్స్‌ప్రెస్ బస్సును వికారాబాద్ వైపు నుంచి వస్తున్న టిప్పర్ ఎపి 22 డబ్ల్యు 5243 టిప్పర్ ఢీకొంది. ఈ ఘటనలో ముగ్గురు అక్కడిక్కడే మృతిచెందగా, ఆరుగురికి తీవ్రగాయాలు కాగా మరో 24 మంది స్వల్పంగా గాయపడ్డారు. ఆర్టీసి బస్సులో సీట్లు నిండిపోగా, కొంత మంది ప్రయాణికులు నిలబడి ఉన్నారు. రాంగ్‌రూట్లో వచ్చిన టిప్పర్.. బస్సును బలంగా ఢీకొట్టింది. నవాబ్‌పేట మండలం మీనెపల్లికలాన్ గ్రామానికి చెందిన దస్తారెడ్డి(35), పూడూర్ మండలం కడ్మూర్ గ్రామానికి చెందిన జొన్నాడ మల్లయ్య(60) అక్కడిక్కడే మృతిచెందారు. మరో వ్యక్తి వికారాబాద్ ఏరియా ఆసుపత్రికి తరలిస్తుండగా మార్గమధ్యలో మృతిచెందాడు. తీవ్రంగా గాయపడిన అమృతమ్మ(60), ధారూర్‌కు చెందిన చంద్రకళ(35), చేవెళ్లకు చెందిన వినోద(45), కమలమ్మ(45), హైదరాబాద్‌కు చెందిన మజర్(30), రయేసాబేగం(35)కు ఏరియా ఆసుపత్రిలో చికిత్స జరిపి మెరుగైన చికిత్స కోసం హైదరాబాద్‌కు తరలించారు. అదేవిధంగా స్వల్పంగా గాయపడిన వెల్చాల్‌కు సయ్యద్ జాఫర్(60), ఆసిఫ్‌నగర్‌కు చెందిన విజయలక్ష్మి(50), దామరగిద్దకు చెందిన లక్ష్మి(50), షాద్‌నగర్‌కు చెందిన నిరంజన్(28), చేవెళ్లకు చెందిన అనంతయ్య(48), స్వామి(35), లక్ష్మి(40), శ్రీనివాస్(9), కమలమ్మ(35), నిర్మల(36), పావని(10), పద్మమ్మ(40), సుమిత(25), యాదమ్మ(50), చందు(10), జస్వంత్(4), స్వప్న(30), బస్సు డ్రైవర్ శాణప్ప(40), జానప్ప(30), రాజు(20) ఉన్నారు. వీరిని వికారాబాద్ ఏరియా ఆసుపత్రికి తరలించి చికిత్స చేస్తున్నారు. కేసు నమోదు చేసుకొని దర్యాప్తు జరుపుతున్నట్టు వికారాబాద్ పోలీసులు తెలిపారు.
chitram,,,
వేగంగా ఢీకొట్టడంతో నుజ్జునుజ్జయన బస్సు, టిప్పర్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.