ఉత్తరాయణం
ఖాతాదారుల కష్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
తెలుగు రాష్ట్రాల్లో ఏటీఎంలలో చాలాచోట్ల విత్‌డ్రా చేద్దామంటే నో క్యాష్ బోర్డులు దర్శనమిస్తున్నాయి. ముఖ్యంగా స్టేట్‌బ్యాంకు ఏటిఎంలకు వెళితే కార్డు స్వైప్ చేసినవెంటనే ఆధార్ లింక్ చేస్తావా, ఇంకేం చేయాలి అన్న వివరాలు వస్తాయి, ట్రాన్‌సాక్షన్ స్లిప్ కావాలా అన్న ప్రశ్న వస్తుంది. అన్నీ అయ్యాక నో క్యాష్, చింతిస్తున్నామంటూ ఓ బొమ్మ స్క్రీన్‌పై డిస్‌ప్లే అవుతుంది. వేరే ఏటీఎంకు వెళ్లి నగదు విత్ డ్రా చేస్తే, వస్తే సంతోషమే. అయినా మొబైల్‌కు ఓ సందేశం వస్తుంది. అవకతవకలు జరగకూడదనుకుంటే స్టేట్‌బ్యాంకు ఏటీఎంలోనే నగదు విత్‌డ్రా చేయమని. ఏం చెప్పాలి? ఐదారు నెలలుగా ఇదే తంతు. బ్యాంకులు ఖాతాదారులతో ఎందుకు ఇలా ఆడుకుంటున్నాయో అర్థంగాదు.
-వి.ఆర్.ఆర్.ఎ.రాజు, హైదరాబాద్
నత్తనడకన మిషన్ భగీరథ
తెలంగాణలోని ప్రతీ ఇంటికీ 2018నాటికి మంచినీరు అందిస్తామని ముఖ్యమంత్రి కేసీఆర్ చేసిన ప్రకటన ఇంకా కార్యరూపందాల్చలేదు. ఇప్పటికి 80 శాతం పనులు మాత్రమే ఆ పథకం కింద పూర్తయ్యాయి. కనీసం వచ్చేఏడు శాసనసభ ఎన్నికల నాటికైనా ఇంటింటికీ మంచినీరు అందుతుందో లేదో చెప్పలేని పరిస్థితి నెలకొంది. ఈ పనులు పూర్తికావన్న అనుమానం లేదు. కానీ, ఇప్పటికీ పూర్తి కావలసినవి ఎందువల్ల జాప్యమవుతున్నాయన్నది సందేహం. ముఖ్యమంత్రి స్వీయ పర్యవేక్షణ జరిపితే వాస్తవాలు బయటకు వస్తాయి. నిధుల కొరత లేదా అధికారుల అలసత్వంవల్ల ఇలా జరుగుతోందన్నది తేల్చాలి. మొదట ఫ్లోరైడ్ సమస్య అధికంగా ఉన్న నల్గొండ జిల్లాలో త్వరితగతిన ఈ పథకం పనులు పూర్తి చేస్తే మేలు.
-్ధళిపాళ మోహనశర్మ, కుక్కడం
దారితప్పిన చర్చలు
ఈ రోజుల్లో పార్లమెంటు సమావేశాలు నిరాశానిస్పృహలను మిగుల్చుతున్నాయి. అర్థవంతమైన చర్చలకు అవకాశమే దొరకడం లేదు. అభిజాత్యాలు, రాజకీయాలు ఎక్కువై ప్రజాసమస్యలపై దీటైన చర్చలు సాగడం లేదు. పార్టీ విభేదాలు తప్ప జాతిశ్రేయస్సు ఎవరికీ పట్టడం లేదు. గతంలో అలాంటి పరిస్థితులు ఉండేవికావు. మన భూబాగాన్ని చైనా ఆక్రమించినప్పుడు పార్లమెంటులో అలజడి రేగింది. ‘అది గడ్డికూడా మొలవని చవిటి పర్ర. దానికోసం అంత ఆందోళన ఎందుకు?’ అని ప్రధాని నెహ్రూ ప్రశ్నించగా ‘మీ తలమీద కూడా గడ్డి (జుట్టు) మొలవదు. అదీ చవిటి పర్రే?’ అని పీలూమోదీ వ్యాఖ్యానించడం సభలో నవ్వులు విరియడం గొప్పగా చెప్పుకునేవారు. మరో సందర్భంలో పీలూమోదీని సీఐఎ ఏజెంట్ అని విమర్శించడం, ఆయన మర్నాడు ‘నేను సీఐఏ ఏజెంట్’ను అన్న బ్యాడ్జ్ తగిలించుకుని సభలోకి అడుగుపెట్టడం, స్పీకరం అభ్యంతరం చెప్పడంతో ‘చూశారా నేను సీఐఏ ఏజెంట్‌ను కాను’’ అనడం, మళ్లీ నవ్వులు విరయడం అప్పటి పార్లమెంటు నిర్వహణ తీరుకు నిదర్శనం. ఇప్పుడు అలాంటి వాతావరణం ఉందా?
-సంపూర్ణ, సాంబమూర్తి నగర్
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.