ఉత్తరాయణం
నీటి సమస్యపై నిర్లక్ష్యం తగదు
S ,7 à 8 RSCA (si SASPAS) et 6 cialis pharmacie cialis rapports de stage.
మనిషి మనుగడకు నీరు ఎంత ముఖ్యమో చెప్పాల్సిన పని లేదు. ప్రతి వ్యక్తి రోజుకు ఆరు లీటర్ల పరిశుభ్రమైన మంచినీళ్ళు తాగాలని ప్రపంచ ఆరోగ్య సంస్థ ఏనాడో సూచించింది. వేసవికాలం ఆరంభంలోనే తెలంగాణలో మంచినీటికి కటకట ఏర్పడి ప్రజలు ఇబ్బందులెదుర్కొంటున్నారు. ఇప్పుడే నీటికొరత ఈ విధంగా ఉంటే మే, జూన్‌లలో పరిస్థితి ఏమిటి? తాగునీటి సమస్య పట్ల ప్రభుత్వం ఉదాసీనత ప్రదర్శించడం క్షంతవ్యం కాదు. మరోవైపు కలుషిత జలాలతో అతిసార వ్యాధి వ్యాపిస్తోంది. భూగర్భ జలాలు అడుగంటడంతో బావులు, బోర్లు ఎండిపోతున్నాయి. ఈసారి ఉత్తర తెలంగాణ జిల్లాల్లో మంచినీటి కొరత దారుణంగా ఉంది. పల్లెల్లో, పట్టణాల్లో ప్రజలు మినరల్ వాటర్, ప్యూరిఫైడ్ నీళ్ళను కొనుక్కోవలసిన దుస్థితి ఏర్పడింది. రక్షిత మంచినీటి పథకాలు మూలనపడడంతో ప్రైవేటు వాటర్ ప్లాంట్లు విరివిగా వెలుస్తున్నాయి. ప్రజలకు నీటి సౌకర్యం కల్పించే బాధ్యత పాలకులు మరచిపోతున్నారు. ఎంపీలు, ఎమ్మెల్యేలు తమకు వచ్చే నియోజకవర్గ నిధులను మంచినీటి సౌకర్యాలను కల్పించేందుకు వినియోగించాలి. స్వాతంత్య్రం వచ్చి 70 ఏళ్లు పూర్తయినా ఇంకా తాగునీటి సమస్య కొనసాగడం దారుణం.
- గూరుడు అశోక్, గోదూర్
‘అవిశ్వాస’ రాజకీయం!
కేంద్ర ప్రభుత్వంపై అవిశ్వాస తీర్మానం పెడతామని వైకాపా అధినేత జగన్ ప్రకటించినపుడు- మెజారిటీ ఉన్న ప్రభుత్వాన్ని ఓడించడం కుదరదని ఈసడించిన ఏపీ సీఎం చంద్రబాబు ఇప్పుడు అవిశ్వాసం అంటూ అదే పల్లవి అందుకున్నారు. లోక్‌సభలో చర్చ సందర్భంగా ప్రతిపక్షాలన్నీ భాజపాపై దుమ్మెత్తిపోసి బద్నామ్ చేస్తే వచ్చే ఎన్నికల్లో తనకు లాభిస్తుందని చంద్రబాబు ఆలోచన. అయితే ఆరోపణలకు సమాధానం చెప్పేటప్పుడు ప్రతిపక్షాలు గలభా సృష్టించి ప్రభుత్వ వాదన ప్రజలకు చేరకుండా చేస్తాయోమోనని భాజపా అనుమానం. అందుకే అవిశ్వాస తీర్మానం సభలో చర్చకు రాకుండా చూస్తోంది భాజపా.
- శుభ, కాకినాడ
కాంగ్రెస్ మాటల్ని నమ్మాలా?
‘కాంగ్రెస్ పార్టీ గతంలో ఏపీకి ‘హోదా’ ఇస్తామన్నా, మీకెందుకు సాధ్యం కాదు’ అని ఏపీ సీఎం, తెదేపా అధినేత చంద్రబాబు భాజపాని ప్రశ్నించడం అమాయకత్వమా? నంగనాచి తనమా? నిజంగా ‘హోదా’ ఇవ్వదలచుకుంటే ఆ విషయాన్ని కాంగ్రెస్ విభజన చట్టంలోనే చెప్పేది. ఇప్పుడు అధికారంలో లేని, వచ్చే ఎన్నికల్లో గెలిచే అవకాశం లేని కాంగ్రెస్ ఇచ్చే హామీలను ఎవరు నమ్ముతారు? ఒకాయన తన ఆస్తిని సంతానానికి, భార్యకు ఇచ్చేస్తూ వీలునామా రాయించాడు. నీ ఆస్తులు ఎక్కడున్నాయని అడిగితే- ‘ప్రస్తుతం రూపాయి కూడా లేదు. ఇకపై సంపాదించాలి’ అన్నాడట! అలా ఉంది కాంగ్రెస్ వ్యవహారం!
- ప్రసాద్, గొడారిగుంట
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.