ఉత్తరాయణం
నాసిరకంగా భవన నిర్మాణాలు
S ,7 à 8 RSCA (si SASPAS) et 6 cialis pharmacie cialis rapports de stage.
ప్రధాన నగరాల్లోనే కాదు, చిన్న పట్టణాల్లో సైతం నేడు బిల్డర్లు, రియల్ ఎస్టేట్ సంస్థలు విచ్చలవిడిగా అపార్ట్‌మెంట్లను నిర్మించడం పరిపాటిగా మారింది. ధనార్జనే ధ్యేయంగా అడ్డగోలుగా బహుళ అంతస్థుల భవనాలను నిర్మిస్తున్నారు. సంబంధిత శాఖల నుంచి ఎలాంటి అనుమతులు లేకుండానే అపార్ట్‌మెంట్లను నిర్మిస్తున్నారనే ఆరోపణలు వెల్లువెత్తుతున్నాయి. ఇంటి స్థలం లభ్యం కావడం అసాధ్యం కావడంతో అపార్ట్‌మెంట్ల వైపు జనం మొగ్గు చూపుతున్నారు. ప్రజల నుంచి వస్తున్న డిమాండ్‌ను ఆసరాగా చేసుకొని బిల్డర్లు నాసిరకం నిర్మాణాలను చేపడుతున్నారు. దీంతో నిర్మాణ దశలోనే బహుళ అంతస్థుల భవనాలు కుప్పకూలుతున్నాయి. తాజాగా వరంగల్ అర్బన్ జిల్లాలోని కాజీపేటలో నాలుగు అంతస్థుల భవనం ఆకస్మికంగా కుంగిపోవడం ఇందుకు ప్రత్యక్ష నిదర్శనం. భవన నిర్మాణం లోపాల మయం కావడంతో కుంగిపోయిందని అధికారులు తీరుబడిగా చెబుతుంటారు. ఇలా భవనాలు కుప్పకూలినపుడు ఎంతోమంది ప్రాణాలు కోల్పోవడం, క్షతగాత్రులు కావడం సర్వసాధారణమైంది. ఈ ఘటనలపై విచారణలు తూతూమంత్రంగా ముగుస్తాయి. టౌన్ ప్లానింగ్ అధికారులు లంచాలకు అలవాటు పడి, తమ విధులను నిర్లక్ష్యం చేయడం వల్ల ఎన్నో అనర్థాలు జరుగుతున్నాయి. దుర్ఘటనలు జరిగినపుడు మృతుల కుటుంబాలను పరామర్శించడం, నష్టపరిహారం ప్రకటించడం కన్నా- అనుమతులు లేకుండా భవనాలను నిర్మించేవారిని ముందుగానే గుర్తించి చట్ట ప్రకారం వారిపై చర్యలు తీసుకోవాలి. నిర్మాణంలో ఉన్న భవనాలను టౌన్ ప్లానింగ్ సిబ్బంది క్షుణ్ణంగా పరిశీలించాలి. నిబంధనలను ఖాతరు చేయని బిల్డర్లపై, కాంట్రాక్టర్లపై కేసులు నమోదు చేసి కఠిన శిక్షలు అమలు చేయాలి. ప్రజలు కూడా అనుమతుల గురించి ఆరా తీసి ఇళ్లను కొనాలి.
-కామిడి సతీష్ రెడ్డి, జెడలపేట
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.