ఉత్తరాయణం
సింధు విజయం గర్వకారణం
S ,7 à 8 RSCA (si SASPAS) et 6 cialis pharmacie cialis rapports de stage.
వరల్డ్ చాంపియన్ షిప్ ఫైనల్ పోటీలో ఓడించిన జపాన్ బ్యాండ్మింటన్ క్రీడాకారిణి నొజొమి ఒకుహరపై ప్రతీకారం తీర్చుకుని కొరియా సూపర్ సిరీస్‌ను కైవశం చేసుకున్న మన సింధు దేశానికి గర్వకారణంగా నిలిచింది. ప్రపంచ చాంపియన్ షిప్‌లో ఓటమితో కుంగిపోకుండా అదే ప్రత్యర్థిపై అద్భుతమైన పోరాట పటిమతో నెగ్గడం స్ఫూర్తిదాయకం. జాతీయ స్థాయిలో తొలిసారిగా కొరియా సూపర్ సిరీస్‌ను నెగ్గిన భారతీయ క్రీడాకారిణిగా ఆమె చరిత్ర సృష్టించడం విశేషం. బ్యాడ్మింటన్ మహిళా విభాగంలో అప్రతిహతంగా దూసుకుపోతున్న చైనా, జపాన్‌లకు దీటైన బదులిస్తున్న సింధు భారతీయ మహిళలకు దిక్సూచి.
-బి.మధుసూదన్ రెడ్డి, కర్నూలు
యువతకు పగ్గాలు ఇవ్వాలి
తెలంగాణ రాష్ట్ర ప్రభుత్వం ఎస్ కమిషన్ ఏర్పాటుకు కసరత్తు చేయడం హర్షించదగ్గ విషయం. కమిషన్ నియామకంలో చైర్మన్ సహా సభ్యులుగా సమర్థవంతమైన దళిత సామాజిక వర్గానికి చెందిన విద్యావంతులైన యువతకు అవకాశం కల్పించాలి. సమాజంలో ఎన్నో అవమానాలు ఎదుర్కొని ఉన్నత విద్య అభ్యసించిన యువత ఉద్యోగాలవైపు చూడకుండా సామాజిక సేవ చేసేందుకు రాజకీయాల్లోకి వస్తున్నారు. అలాంటి సమర్ధులు, విద్యావంతులైనవారికి ఎస్‌సి కమిషన్‌లో అవకాశం ఇవ్వాలి. అప్పుడే నిజమైన దళితులకు మేలు జరుగుతుంది. వారి కష్టాలు ఏమిటో తెలుసుకుని పరిష్కరించే అవకాశం వారికి ఇచ్చినట్లు అవుతుంది. అధికారంలోకి వచ్చినప్పటి నుంచి దళితుల సంక్షేమం కోసం ఎన్నో చర్యలు తీసుకున్న ప్రభుత్వం ఎస్‌సి కమిషన్ ఏర్పాటులోనూ రోల్‌మోడల్‌గా వ్యవహరించాలి.
-గుండమల్ల సతీష్‌కుమార్, సంస్థాన్ నారాయణపూర్
అడగని వరాలు ఎందుకు?
అడగనిదే అమ్మైనా పెట్టదని సామెత. కానీ ఆంధ్రప్రదేశ్ ముఖ్యమంత్రి చంద్రబాబు ప్రజలు కోరకుండానే ఎప్పటికప్పుడు, ఎక్కడికక్కడ వరాలు కురిపిస్తున్నారు. సమర్థ పాలన కోరుకునే ప్రజలు అది అందితే అందలం ఎక్కిస్తారని ఇతర రాష్ట్రాల ముఖ్యమంత్రులు నవీన్ పట్నాయక్, నితీశ్‌కుమార్, మాణిక్ సర్కార్‌లు నిరూపించారు. ప్రజాకర్షక పథకాలు లేదా తాయిలాలు మనతో పోలిస్తే వారు పెద్దగా పట్టించుకున్నది లేదు. వైఎస్ సర్కారు ఎన్ని ప్రజాకర్షక పథకాలు తెచ్చినా అధికారం కోల్పోయినమాట గుర్తుంచుకోవాలి. ప్రజలను బద్ధకస్తులుగా సోమరులుగా తయారు చేసేవి, రాష్ట్ర ప్రభుత్వాన్ని రుణాల ఊబిలో కూరుకుపోయేలే చేసే పథకాలను అమలు చేయడంవల్ల ఉపయోగం లేదు. తాత్కాలిక లబ్ది తప్ప దీర్ఘకాలంలో ఇది చేటు చేస్తుంది. అవినీతి లేని సమర్థ పాలన, చక్కటి విద్య, నైపుణ్యాల మెరుగు, మేలైన వైద్యం పేదలకు అందుబాటులో ఉండేలా చూస్తే చంద్రబాబు ప్రభుత్వానికి శ్రీరామరక్ష. మనజేబు కొట్టి మనకు భోజనం పెట్టిన చందాన ప్రజాకర్షక పథకాలు అమలు చేస్తే ఆశించిన ప్రయోజనం దక్కుతుందనుకుంటే భ్రమే.
-తిరుమలశెట్టి సాంబశివరావు, నరసరావుపేట
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.