నేర్చుకుందాం

క. ఈ వల్కలాజినములకు
నీ వన్యఫలాశనముల కీ విటకుటీ
రావాసములకు నుచితమె
నీ విలసిత రూపకాంతి నిర్మల గుణముల్
భావం: నీ అందమైన రూపం, నీ మేని ప్రకాశం, మచ్చలేని నీ గుణాలు అనేవి ఈ నారచీరలు కట్టటానికి అడవి పండ్లు తింటూ ఉండడానికి ఈ ఆకుగుడిసెలలో నివసించటానికి తగినవి కావు అనిఅంటూ తనలో ఉబుకుతున్న ప్రేమాంబుధిని మాటలలో పొంగిస్తూ శకుంతలతో దుష్యంతుడు పలికాడు. తనలో కలిగిన ప్రేమరాశిని శకుంతలతో చెప్పడానికి అతి సుకుమారవతి సౌందర్యవతివైన నీవు ఈ మునిపల్లె ల్లో ఉండడానికి అనువైన ప్రదేశం కాదని చెబుతూ పంచభక్షపరమాన్నములు తినవలసిన నీవు ఈ అడవి పండ్లు తింటుండం భావ్యం కాదని దుష్యంతుడు శకుంతలతో అన్నాడు.

శ్రీమదాంధ్ర మహాభారతము - ఆదిపర్వము