నేర్చుకుందాం

చ. అతిశయ రూప వన గణాధిక సుందర మైన యాసత్
ద్వితయమునందు సంతత రతిన్ విపశుం డయి రాజకృత్యముల్
మతి నొకనాఁడుఁ జేయ కహిమద్యుతి తేజుఁడై రాజయక్ష్మ బా
ధితుఁడయి దేవలోకసుదతీప్రియుఁ డయ్యె విచిత్ర వీర్యుఁడన్
భావం: సూర్య ప్రకాశుడైన విచిత్ర వీర్యుడు రూపంలోను, వనంలోనా గుణాలలోను అత్యంత సుందరులైన ఆ భార్య లిరువురి యందును నిరంతర రతిభావానికి వశుడై రాజవిధులను గురించి యెన్నడూ మనసుకు పట్టించుకొనక క్షయరోగ పీడితుడై స్వర్గస్థుడైనాడు. శంతనమహారాజు యోజనగంధి అని పిలువబడే సత్యవతిని పెళ్లిచేసుకొన్నాడు. ఆ శంతనసత్యవతులకు చిత్రాంగదుడు, విచిత్ర వీర్యుడు అనువారు పుట్టారు. ఆ విచిత్రవీర్యుడు చిన్నవాడైనప్పటికీ చిత్రాంగదుడు గంధర్వుల చేత చంపినందువల్ల విచిత్రవీర్యుడే రాజ్యాధికారాన్ని పొందాడు. ఆ విచిత్రవీర్యునకు అంబిక, అంబాలి కలనే కాశీరాజు కుమార్తెలను ఇచ్చి భీష్ముడు వివాహం చేశాడు.

శ్రీమదాంధ్ర మహాభారతము - ఆదిపర్వము