నేర్చుకుందాం

పాపములొందువేళ రణపన్నగభూతభయజ్వరాదులం
దాపదనొందువేళ, భరతాగ్రజ,మిమ్ము భజించువారికిం
బ్రాపుగ నీవు దమ్ముడిరు ప్రక్కియలం జని తద్విపత్తి సం
తాపముమాని; కాతురట దాశరథీ కరుణాపయోనిధీ.

తా: ఓ దశరథరామా! భరతుని అన్నయైన శ్రీరామా, పాపములు పొందునపుడు, యుద్ధము, సర్పములు, భూతములు, జ్వరములు (తాపము-రోగము) మొదలైన వానిచేత ఆపద కలిగినప్పుడు నిన్ను సేవించేవారిని, కొలిచేవారిని సహాయము చేయబోయి, నీవు, నీ తమ్ముడైన లక్ష్మణుడును రెండు పక్కల నిలిచి వారి ఆపదలను పోగొట్టి రక్షింతువని లోకులు చెప్పుదురు. కాబట్టి నిన్ను సేవించు నన్ను కాపాడవా?

దాశరథీ శతకములోని పద్యము