వాసిలి వాకిలి

నేను.. గెలుపును

S ,7 à 8 RSCA (si SASPAS) et 6 cialis pharmacie cialis rapports de stage.

1
నేను గెలవాలి
నన్ను నేను గెలవాలి
దేహం గెలుపు నాకు తెలుసు
మనసు గెలుపు నాకు తెలుసు
నిన్ను గెలవటం తెలుసు
గుంపును గెలవటం తెలుసు
నీ భాషను గెలవటం తెలుసు
గుంపు భావాన్ని గెలవటం తెలుసు.
*
నిన్ను గుంపును గెలవటం గెలుపేనా?
నాకిది తగునా?
*
గెలుపునకు నేను నిర్వచనాన్ని
నేను గెలుపునకు మనోవ్యాపారాన్ని
గెలుపు నాకు జీవితమా?
జీవితమంటేనే గెలుపా?
*
జీవించేదీ నేనే! జీవితమూ నాదే!!
గెలుపు నా జీవన సహచరీ కాదు
నా ఆత్మపథమూ కాదు
*
మొదలు నాదే.. ముగింపు నాదే
రెండూ నాకు కనిపించవు
రెంటి నడుమా జీవితం నాదే
గెలుపూ నాదే.
*
నేను గెలవాలి
జీవితాన్ని గెలవాలి
గెలుపును గెలవాలి
జీవితాన్ని జీవించాలి
జీవించటం గెలుపా?
గెలుపు జీవితమా?
2
జీవితం ఒక్కటే
కొమ్మలు రెమ్మలైన ఆటలే కొల్లలు
అన్నీ గెలుపు పోరాటాలే
గెలిచి ఓడినవి కొన్ని.. ఓడి గెలిచినవి కొన్ని
అన్నీ జీవితాన్ని గెలవటానికే
నన్ను గెలిపించటానికే
నా పుట్టుకే గెలుపని
తెలుసుకోలేని గెలుపు ఆటలవి.
అవును,
నాటి గర్భాలయంలోని నా ప్రదక్షిణలు
నేటి నా ఆత్మ గెలుపు దర్శనలే!
*
గెలుపునకు ఆటలెక్కువ
లెక్క లెక్కువ.. అటక లెక్కువ
అలక లెక్కువ
అమ్మ ఒడిన బుడిబుడి ఆటలు
నాన్న నీడన వడివడి ఆటలు
మిత్రత్వంలో మొలిచిన ఆటలు
మీసాల దాగిన మాటల ఆటలు
పెదాలు దాటని పదాల ఆటలు
కౌమారంలో కదలని ఆటలు
వనంలో చలించిన ఆటల
వృద్ధత్వంలో చరించని ఆటలు
ఇహంలోని గెలుపు పందిరులే!
ప్రాపంచిక జీవన నిర్వచనాలే!!
*
అవును
నాకు వినిపించాల్సింది
గెలుపు పిలుపు కాదు.. నా పిలుపు
గెలుపునకు వినిపించాలి
3
గాలికి వీయటం గెలుపా!
నీటికి ప్రవహిస్తే విజయమా
అగ్నికి కీలలు కీర్తికిరీటాలా!
మట్టికి ధూళి చిరునామానా!
నింగికి నీలిమ గెలుపు పిలుపా
ఆత్మకు దేహం విజయసారథా
*
కొలమానం రూప దేహానిది
కాలమానం అరూప ఆత్మది
కొలమానానికి గెలుపు లెక్కలు
కాలమానానికి అంతటా రెక్కలే
గెలవటానికి లెక్క కావాలి
జీవించటానికి రెక్క కావాలి
*
సూర్యుడు ఉదయించి అస్తమిస్తే బ్రతికినట్టు
క్షణం క్షణం వేడెక్కిస్తేనే గెలిచినట్టు
చంద్రుడు వెనె్నల కురిపిస్తే జీవించినట్టు
కడలిని ఉసిగొల్పితేనే గెలిచినట్టు
నీటిబొట్టు ఆవిరి అయితే బ్రతికినట్టు
దాహార్తిని తీరిస్తేనే గెలిచినట్టు
మేఘం మేఘంగా కదిలితే బ్రతికినట్టు
మేఘం వర్షమైతేనే గెలిచినట్టు
నాది నీది జనన మరణాల మధ్య బ్రతుకు
మనీషి కాగలిగితేనే నీ నా గెలుపు
*
నేను
కాలానికి కనుపాప నవ్వాలి
కాలానికి కనురెప్ప నవ్వాలి
కాలానికి కనువిప్పు నవ్వాలి
మిత్రమా
ఇంతే నా గెలుపు జీవితం
ఇదే నా గెలుపు రహస్యం.

-విశ్వర్షి 93939 33946