ఉత్తర వాయవ్యం పెరిగింది (వాస్తు)

రమాదేవి (తాండూరు)
ప్రశ్న: మేం 15 సం.లుగా ఈ ఇంట్లో నివసిస్తున్నాం. ఈ ఇంటికి వచ్చిన దగ్గర నుండి ఇంట్లోని కుటుంబ సభ్యులు ఎవరో ఒకరికి తరచూ ఆరోగ్యం బాగోలేక పోవడం జరుగుతోంది. కారణం తెలియడం లేదు.
జ: ఇంటి స్థలంలో నైరుతి మూల పెరగడం జరిగింది. అదే విధంగా నైరుతి భాగం ఇంటి కట్టుబడిలో కూడా పెరిగింది. ముందుగా స్థలంలో పెరిగిన నైరుతి భాగాన్ని వేరుచేస్తూ బేస్‌మెంట్ నిర్మాణం చేసి తర్వాత ప్రహరీగోడను నిర్మించుకోండి. దీనివల్ల నైరుతి దోషం పోతుంది. తర్వాత ఇంటి కట్టుబడిలో పెరిగిన నైరుతి దోషాన్ని యంత్రాల ద్వారా సరిచేసుకోండి. ఈ నైరుతి దోషం కూడా తొలగిపోతుంది. మీ ఇంట్లో ఉన్న ఆరోగ్యపరమైన సమస్యలు తొలగి సంపూర్ణ ఆరోగ్యవంతులుగా ఉంటారు.
విజయశేఖర్ (తిరుపతి)
ప్రశ్న: మేం ఒక స్థలం కొన్నాం. అందులో ఇంటి నిర్మాణం చేద్దామని 2 సం.లుగా అనుకొంటున్నాం. కానీ ఆ పని జరగడం లేదు. ఏదో ఒక కారణంతో వాయిదా పడుతోంది?
జ: మీ స్థలానికి ఉత్తర వాయవ్య భాగం 5 అడుగుల మేర పెరిగి ఉంది. అది ఒక కారణం. అదే విధంగా ఉత్తర వాయవ్యంలో చిన్న రోడ్డుపోటు ఒకటి ఉంది. ఇది మరో కారణం. ముందుగా పెరిగిన వాయవ్య భాగాన్ని వేరుచేస్తూ ఒక ప్రహరీగోడ నిర్మాణం చేయండి. తర్వాత వాయవ్య వీధి పోటు నివారణ యంత్రాన్ని ప్రతిష్ఠించుకోండి. దీనివల్ల వీధి పోటు దోషం తగ్గి మీ ఇంటి నిర్మాణం మొదలవుతుంది.
పార్వతి (వైజాగ్)
ప్రశ్న: మేం ఒక అపార్ట్‌మెంట్‌లో నైరుతి భాగంలోగల ఫ్లాట్‌లో ఉంటున్నాం. కానీ ఇందులోకి వచ్చిన దగ్గర నుండి నాకు ఆరోగ్యం బాగుండటం లేదు.
జ: మీ ఫ్లాట్‌కి ఆగ్నేయ భాగంలో దిగే మెట్లు ఉన్నాయి. అందువల్లనే ఆడవారికి ఆరోగ్యపరంగా సమస్యలు ఉన్నాయి. అదే విధంగా మెట్ల మధ్యలో లిఫ్ట్ కూడా ఉంది. ఇదొక దోషం. ఆగ్నేయ దోషాలు ఉంటే అవి ఆడవారి మీద ప్రభావం చూపుతాయి. కావున ఆ ఆగ్నేయ దోష నివారణ కోసం యంత్రాలను ప్రతిష్టించుకొని నివారణ పొందగలరు.
సుబ్బారావు (ఒంగోలు)
ప్రశ్న: మా ఇంటి నిర్మాణం మొదలుపెట్టిన తర్వాత స్లాబ్ లెవల్ వరకు వచ్చి ఆగిపోయింది. ఇలా జరిగి ఐదు నెలలైంది. ఎంత ప్రయత్నించినా ఒక అడుగు కూడా ముందుకు జరగడం లేదు.
జ: ప్లాన్ ప్రకారం మీరు నిర్మిస్తున్న ఇంటికి బేస్‌మెంట్ నిర్మాణంలో నైరుతి పెరిగింది. అందువలన ఇలా జరుగుతున్నది. ముందుగా ఆ పెరిగిన నైరుతి భాగాన్ని సరిచేసుకోండి. దీనివల్ల దోషం తొలగుతుంది. తర్వాత స్థలంలో ఒక యంత్రాన్ని ప్రతిష్ఠించుకోండి.
శైలజానాథ్ (నిజామాబాద్)
ప్రశ్న: మేం ఈ ఇంటికి వచ్చిన దగ్గర నుండి ఆర్థికంగా చాలా బాధలు పడుతున్నాం. ఎప్పుడూ అప్పు చేయని మేం ఇక్కడకు వచ్చిన దగ్గర నుండి అప్పులు చేయాల్సిన పరిస్థితి.
జ: మీరు నివసిస్తున్న ఇంటకి ఉత్తరంలోని ఇల్లు ఎత్తుగా ఉంది. ఇది ఒక కాణం. అలాగే నైరుతిలో టాయిలెట్స్ ఉన్నాయి. ముందుగా నైరుతిలో ఉన్న టాయిలెట్స్‌ని తీసివేసి దక్షిణ మధ్యభాగంలోకి నిర్మించుకోండి. దీనివల్ల కొంత పరిష్కారం దొరుకుతుంది. అలాగే ఉత్తర దోష నివారణకు యంత్రాన్ని ప్రతిష్ఠించుకోండి.
బహదూర్ (హైదరాబాద్)
ప్రశ్న: మా స్థలానికి నైరుతిలో (దక్షిణ) వీధి పోటు ఉన్నది. ఇందులో ఇంటి నిర్మాణం చేద్దాం అనుకొంటున్నాం. చేయవచ్చా?
జ: దక్షిణ నైరుతి పోటుగల స్థలంలో ఇంటి నిర్మాణం చేయకపోవడం ఉత్తమం. నిర్మాణం మొదలు పెట్టిన దగ్గర నుండి సమస్యలు వస్తాయి. కావున ఆ స్థలాన్ని అమ్మివేయండి.