రాష్ట్రీయం
కాళోజీ వర్శిటీ విసిగా కరుణాకర్ రెడ్డి
S ,7 à 8 RSCA (si SASPAS) et 6 cialis pharmacie cialis rapports de stage.
ఉత్తర్వులు జారీ
హైదరాబాద్, నవంబర్ 26: వరంగల్ కాళోజీ నారాయణరావు ఆరోగ్య విశ్వవిద్యాలయం వైస్ చాన్సలర్‌గా ప్రొఫెసర్ బి కరుణాకర్‌రెడ్డి నియమితులయ్యారు. ఆయనకు పూర్తి అదనపు బాధ్యతలు అప్పగిస్తూ, శాశ్వత విసి నియమించే వరకు కొనసాగాలని పేర్కొంటూ తెలంగాణ ప్రభుత్వం గురువారం జివో జారీ చేసింది. ప్రస్తుతం ప్రొ.కరుణాకర్‌రెడ్డి వరంగల్ ఎంజిఎం హాస్పిటల్ జనరల్ సర్జరీ విభాగం అధిపతిగా, సూపరింటెండెంట్‌గా అదనపు బాధ్యతలు నిర్వహిస్తున్నారు.
అటవీ అభివృద్ధి సంస్థ ఎండిగా డికె పాండే
హైదరాబాద్, నవంబర్ 26: తెలంగాణ రాష్ట్ర అటవీ అభివృద్ధి సంస్థ వైస్ చైర్మన్, మేనేజింగ్ డైరక్టర్‌గా ఐఎఫ్‌ఎస్ అధికారి డి.కె.పాండేను ప్రభుత్వం నియమించింది. ఈ మేరకు గురువారం ప్రభుత్వం ఉత్తర్వులు జారీ చేసింది.
నేడు చండీయాగానికి కెసిఆర్ ప్రత్యేక పూజలు
హైదరాబాద్, నవంబర్ 26: ఆయత మహా చండీయాగం నిర్వహించడానికి ముందు శుక్రవారం తెల్లవారు జామున తన ఫాం హౌస్‌లో తెలంగాణ ముఖ్యమంత్రి కెసిఆర్ ప్రత్యేక పూజలు నిర్వహించనున్నారు. డిసెంబర్ 23 నుంచి 27వ తేదీ వరకు ఐదు రోజుల పాటు ఆయత మహా చండీయాగం నిర్వహించనున్నారు. దేశంలో అరుదుగా నిర్వహించే ఆయత మహాచండీయాగం నిర్వహించడానికి ముందు ప్రత్యేక పూజలు నిర్వహిస్తారు. ఈ మహాయాగానికి రాష్టప్రతి, పలు రాష్ట్రాల గవర్నర్లు, ఆంధ్రప్రదేశ్ ముఖ్యమంత్రి చంద్రబాబు తదితరులను ఆహ్వానించనున్నారు.
అయ్యప్ప దీక్షలో ఉన్న పోలీసులకు యూనిఫాం వెసులుబాటు ఇవ్వాలి
సిఎం కెసిఆర్‌ను కోరిన బిజెపి నేత కిషన్‌రెడ్డి
హైదరామాద్, నవంబర్ 26: అయ్యప్ప దీక్షలో ఉన్న పోలీసు సిబ్బందికి యూనిఫాం ధరించడంపై వెసులుబాటు ఇవ్వాలని భారతీయ జనతా పార్టీ తెలంగాణ రాష్ట్ర అధ్యక్షుడు జి.కిషన్‌రెడ్డి ముఖ్యమంత్రి కె.చంద్రశేఖరరావును కోరారు. ఈ మేరకు సిఎంకు లేఖ రాసినట్లు కిషన్‌రెడ్డి తెలిపారు. 45 రోజుల పాటు చేపట్టే ఈ దీక్ష సందర్భంగా నల్లటి వస్త్రాలు ధరించడం తప్పనిసరి అయినందున వారికి యూనిఫాం ధరించే వెసులుబాటు కల్పించాలని సిఎంను కోరారు. అయ్యప్ప దీక్షలో మరింత క్రమశిక్షణతో, అంకితభావంతో భక్తులు తమ తమ వృత్తుల్లో పని చేస్తున్న విషయం అందరికీ తెలిసిందేనని అన్నారు. నల్లటి వస్త్రాలతో పాటు పోలీసు యూనిఫాం ధరిస్తూ కాళ్లకు బూట్లు వేసుకోకుండా పని చేస్తున్నారని తెలిపారు.
ఏపిలో ఇద్దరు ఐపిఎస్‌ల బదీలీ
హైదరాబాద్, నవంబర్ 26: ఆంధ్రప్రదేశ్‌లో ఇద్దరు ఎస్పీలను బదిలీ చేస్తూ గురువారం డిజిపి ఉత్తర్వులు జారీ చేశారు. ఎన్‌సి వెయిటింగ్‌లో ఉన్న ఎస్పీ ప్రకాష్ జాదవ్‌ను యాంటీ ఎర్రచందనం స్మగ్లింగ్ టాస్క్ఫోర్స్(తిరుపతి)కి బదిలీ చేశారు. అదేవిధంగా వెయిటింగ్‌లోనే ఉన్న టి జనార్దన్ సిఐడి విభాగం ఎస్పీగా బదిలీ అయ్యారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.