Others
అడిగినంత ఇస్తేనే...
S ,7 à 8 RSCA (si SASPAS) et 6 cialis pharmacie cialis rapports de stage.
సరైన సినిమా ఒక్కటి పడగానే -రెమ్యునరేషన్ రెండింతలు చేయటం టాలీవుడ్ హీరోయన్లకు కొత్తేం కాదు. డిమాండ్ ఉన్నపుడే డబ్బు చేసుకోవాలన్న ఆలోచనను ఆధునిక హీరోయన్లు వంటబట్టించుకునే ఇండస్ట్రీకి వస్తున్నారు. ఫలానా సినిమాకు ఫలానా హీరోయన్ సూటవుతుందని దర్శకుడు బలంగా ఫిక్సయ్యాడంటే -అది నిర్మాత చావుకొచ్చినట్టే. ఎందుకంటే -ఫలానా అమ్మాయే కావాలనుకుంటే అడిగినంత ఇచ్చుకోక తప్పదు. తప్పదనుకున్న నిర్మాతలు ఒప్పుకుంటున్నారు. తట్టుకోలేమనుకుంటే -తప్పుకుంటున్నారు. ఇదీ టాలీవుడ్‌లో హీరోయిన్ల బెట్టు. హన్సికను కావాలనుకున్న నిర్మాతలు కోటి ఇచ్చుకోడానికి సిద్ధపడితే, రష్మికి అంత సీన్ లేదనుకున్న నిర్మాతలు సీక్వెల్ నుంచి పక్కన పెట్టినట్టు ఇండస్ట్రీలో వినిపిస్తోన్న తాజా టాక్. తెలుగులో చాన్స్‌లు లేకున్నా బబ్లీగాళ్ హన్సిక డిమాండ్ ఏమాత్రం తగ్గలేదు. మంచు విష్ణు హీరోగా రాజ్‌కిరణ్ దర్శకత్వంలో రూపొందనున్న చిత్రంలో హన్సిక హీరోయిన్‌గా చేయబోతున్న సంగతి తెలిసిందే. అయితే, ప్రాజెక్టు చేయడానికి హన్సిక కోటి డిమాండ్ చేసిందంటున్నారు. ఆ పాత్ర ఆమె చేత చేయిస్తేనే బావుంటుందన్న ఉద్దేశంతో కోటి ఇచ్చుకోడానికి నిర్మాతలు సిద్ధపడ్డారన్న టాక్ వినిపిస్తోంది. ఇక చిన్న సినిమాగా హిట్ మార్క్ వేసుకున్న -గుంటూరు టాకీస్ సీక్వెల్‌కూ రంగం సిద్ధమైంది. ‘గుంటూరు టాకీస్’లో పల్లెటూరి సువర్ణగా తన టాలెంట్ ఏంటో అందంగా చూపించి కుర్రకారుకు గట్టి గాలం వేసింది హాట్ యాంకర్ రష్మి. సో.. సీక్వెల్‌లోనూ ఆమెనే తీసుకోవాలని యూనిట్ అనుకుందట. చివరకు సీక్వెల్‌లో మాత్రం ఆమెకు ఛాన్స్ దక్కలేదు. కారణం -ఆమె డిమాండ్ చేసిన రెమ్యునరేషన్ ఇచ్చుకోలేక అంటున్నారు. రష్మి కోరినంత ఇవ్వలేక సీక్వెల్ కోసం సన్నీ లియోన్‌ని తీసుకుంటున్నారనే ప్రచారం జరిగింది. కానీ సన్నీ చేస్తున్నది సువర్ణ పాత్ర కాదని, మరో పాత్రలో ఆమెను చూపించనున్నట్టు ప్రాజెక్టు టీం చెబుతోంది. రష్మి అడిగినంత ఇచ్చేబుదులు, నికిషా పటేల్‌తో సీక్వెల్ చేస్తే బెటరన్న నిర్ణయానికి టీం వచ్చినట్టు తెలుస్తోంది. సో.. ‘గుంటూరు టాకీస్-2’లో పల్లెటూరి అందాల భామ సువర్ణగా నికిషా పటేల్ కనిపించబోతోందన్న మాట.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.