వీరాజీయం

గాడిద పాలు మిల్లి గరిటెడు ఐనను చాలు!

S ,7 à 8 RSCA (si SASPAS) et 6 cialis pharmacie cialis rapports de stage.

గాడిద పాలు అనంగానే మొహం అలా పెట్టకూడదు- ఆ మాట ఎబ్బెట్టుగా వుందా? సరే, గార్ధ్భ క్షీరము అనండి. గంగిగోవుపాలు ఓ బిందెడు అయినా - ఓ మిల్లి గరిటేడు గా.పాలు చేసిన మేలు చెయ్యలేవు - ఇది వేమన్నగారి పద్యానికి విపర్యయం - అప్పట్లో, మడేలన్నలు తమ మూటలు మొయ్యడానికి మాత్రమే ఖరరాజుల్ని వినియోగించేవారు కాబోలు. మరి కడివెడు గాడిద పాలు ఎలా? అని అందుకన్నాడు వేమన్జీ! ఇలాంటి మీమాంసలు టీవీల వాళ్లు చర్చల్లో పెట్టి తేల్చాలి - కేవలం ఆవుశ్రేష్ఠత గురించి చెప్పాడేమో మన ఆటవెలది సామి. కాని అంతకు ముందె ఎప్పుడే గార్ధ్భరాజము యొక్క గ్రేట్‌నెస్సుని - వ్యాసమహఋషి గారు గుర్తించాడు. వసుదేవుడు - సాక్షాత్తు అతని నెత్తిమీద తట్టలో ‘గోపాలుడవ’’ వలసిన క్రిష్టప్ప ఉన్నప్పటికీ - గాడిదకాళ్లు పట్టుకున్నాడు.
గాడిదల విలువ చైనా వాడికి తెలుసు - అది అంటే వాళ్లు పడి చస్తారు - ఆఖరికి పాకిస్తాను దగ్గర కూడా గాడిదల కోసం చేజాచారు.. ఆ కథంతా మనకి తెలుసు.. కానీ, గా.పాల గొప్పతనం సైంటిఫిక్‌గా కూడా ఖరారయింది. మహరాష్టల్రోని నాందేడ్ గాడిదలు - ఇప్పుడు మన రాష్ట్రంలో కూడా ఉపవేష్టించి వున్నాయి - నిజామాబాద్‌కో వైజాగ్కో లేదా ఇక్కడ - బెజువాడ పిడుగురాళ్ల ఏది వీలైతే దానికి పొండి - మరీ మిల్లిగరిటెడు కాదు కాని ఓ చటాకుడు తెచ్చుకోండి.. అస్తమా దగ్గు ఆయసం - కీళ్ల నొప్పులు వున్న వాళ్లకి ఇవ్వండి.. తల్లిపాలు లేని లేదా తల్లిపాలు పడని పసికూనలకి పట్టండి - ఒకే ఇకనేం? ఓ నాలుగు లీటర్ల్ కొని ఫ్రిజ్‌లో పడేసుకుంటారా? ‘‘అవేమిటి? ఆవుపాలు బఱ్ఱె పాలు లేదా లొట్టిపిట్ట పాలు అనుకున్నారా? గార్ధ్భ క్షీరము’’. డిమాండుని బట్టి రెండు నుంచి నాలుగు వేల దాకా వుంటుంది ఒరు లీటరు. 2006లో చికెన్గున్యా జనాల మీద పడ్డప్పుడు - కొంత మంది హోమియో మందులు పంచిపెడుతూ వుంటే, తమిళనాడులో ఒక వైద్య అవర్గళ్ -చికిన్గున్యా గార్ధ్భ క్షీరంతో నయమవుతుంది అనేసరికి జనాలు - గాడిదల వెంట పడ్డారు. ఓ గ్లాసో ఒక చిన్న వెంటి గిన్నో తీసుకుని వెళ్లి - గాడిదాసామి దగ్గర పాలు పిండించుకొని రావాలి - లేక గేదెపాలు తెచ్చి పోసేస్తారుట. అయ్యయో - పసికూనలకి అమ్మపాలు లేకపోతే, ఆవుపాలో డబ్బాపాలో పడతాము కాని పోయిపోయి గాడిద పాలు పోస్తామా? అనకండి... లాటిన్ అమెరికా, ఐరోపా దేశాలలో -గా.కి ఆవుకన్నా ఎక్కువ రెస్పెక్టు ఇస్తారు. పసి పిల్లలకి ఇవే శ్రేష్ఠం అచట. గాడిదమ్మ పాలు చిక్కగా కనబడ్డా 85 శాతం నీళ్లు, ఐదున్నర శాతం కొవ్వు వుంటాయి. గేద పాలలాగ ‘‘బలుహారం’’ కాదు - అయితే ఏ మాటకామాటే చెప్పుకోవాలి - దొరికితే గుర్రం పాలు గ్రేట్! అందులో తొంభై శాతం నీళ్లే - వుంటాయి. వేరే కలపనక్కర లేదుకాని కంచర గాడిదలే లేవు మనకి - గుఱ్ఱాలెక్కడ దొరుకుతాయి? - కాకపోతే, గాడిదపాలు కూడా ఎక్కువగా వాటి పెయ్యలు, దూడలూ తాగేస్తాయి - మన పిల్లలకి మిగలవు.. పైగా గార్ధ్భ మాతలు రెండు రెండున్నర ఏండ్లకోసారి మాత్రమె ఈనుతాయి అసలు గాడిద పిల్ల కోమలం అంటారు. ఎంత ముద్దుగా వుంటుందో? కారణం ఇంత దూరం చదివాక అడగొచ్చా?-అది సరే, సందర్భం ఏమిటి? అంటే - ఐరోపా దేశపు గంగి గోవు ‘‘గాడిదే’’ అనుకున్నాంగా - పోయినె్నల చివర ఫ్రాన్సులోని స్త్రాస్బర్గ్‌లో ఐరోపా గాడిద శాంచురీల పార్లమెంటు జరిగింది. అక్కడ గాడిద పాల ఔషధీ గుణగణాలను గానం చేస్తూ ఒక పెద్ద గార్ధ్భ పాడి శాస్త్ర గ్రంధాన్ని విడుదల చేశారు - ఈ ఉద్గ్రంధాన్ని ఇటలీలోని మిలాన్ యూనివర్శిటీ వైద్య నిప్నులు ముగ్గురూ, బ్రిటన్‌లోని ‘సిడ్మౌత్ గార్ద్భ సంరక్షణాలయం’ వారు సంయుక్తంగా తయారు చేశారు. దీనినిబట్టి ఎవరయినా గాడిద పాడి పరిశ్రమలని పెంపొందించుకోవచ్చు. గర్ధ్భక్షీరం సౌందర్య పోషకాలు వున్నవి కనుకనే, వెనుకటికి గుఱ్ఱాలు - దండిగా వున్నా, అందాలరాణి క్లియోపాత్రా బాత్ టబ్ నిండా గా.పాలు నింపుకొని జలకాలాడేది. ఐదొందల ‘‘గాడిదల దొడ్డి’’ ఉండేదిట. ప్రపంచవ్యాప్తంగా - ఈ సంజీవనీ ఔషధ ప్రదాయిని అయిన గాడిద పట్ల ఆసక్తి ఎక్కువ అవుతోంది - ఫలాని కాఫీ ఇంచ్మించు ఫిల్టర్ కాఫీకి సమానం అన్న ప్రకటనలాగ గా.పాలు ఇంచుమించు ఆవుపాలకి అమ్మ పాలకి సమానం అన్న నమ్మకం ఏర్పడిపోయింది. అంతెందుకు? అమెరికన్ డెమోక్రటిక్ పార్టీ గుర్తు ఏమిటి? అని అడిగాడో జి.కె. ప్రియుడయిన బాలుడు. గాడిద కేవలం చాకిరేవు మూటలు మొయ్యడానికి మాత్రమే అయితే - ఇవాళ, మడేలన్న అక్కడయిక్కడా, ఆటోలనే అందుకు వాడుతున్నందువల్ల - ఈ జాతి అంతరించిపోవచ్చు.- కాని గాడిద క్రేట్ కనుకనే - లక్నోలో బ్రహ్మాండమయిన రీసెర్చ్ సెంటరుంది - మొట్టమొదటి గాడిద క్షేత్రం కేరళలో వెలిసింది. కాగా తమిళనాడులో పుదుక్కొట్టై గాడిద శాలలు అవశ్యం దర్శనీయాలు - 2006లో కదూ చికిన్గున్యా దాడి చేసింది? అప్పుడు మన వైద్యులు హోమియోపతి గోలీలు - పంచిపెడుతూ వుండగా అక్కడ తమిళ్‌నాడులో -గాడిద పాలు త్రాగితే గున్యా జబ్బు పరార్ అవుతుందని ఒక డాక్టర్ అవర్గళ్ ప్రకటించగా - ఏమి జరిగిందీ అంటే? జనం ఆటోలు టాక్సీలు ఎక్కి గాడిద (పాల)ల వెంటపడ్డారు - మరి? ‘‘కొత్త రకం డిన్గూ జ్వరాలు వస్తున్నాయట గదా? దీనిమీద కూడా డాంకీ మిల్కు యూజ్ ఫుల్లా?’’ అని అడిగాడో టీనేజర్. (ఏమి తెలుగురా బాబూ! నీ మాడరన్ తెలుగు బంగారం గానూ’’ అని నవ్వేడా పెద్దమనిషి) - ‘‘అలాంటిది ఏమైనా వుంటే - మోదీజీ ట్వీట్ ఇచ్చేవారుగా’’ అన్నాడు భాజపా అభిమాని, ఇంతకీ గాడిద పాలు తమిళనాడులోని పుదుక్కుటైలో పుష్కలంగా లభ్యం అన్నాడో క్యాటిల్ ఇన్సూరెన్సు ఆర్ముగం గారు. అందాకా ఎందుకయ్యా బాబూ, ఖమ్మం వెళ్లు, నిజామాబాద్ కూడా వెళ్లొచ్చు, -అసలు పిడుగురాళ్లలో గోక్షీరమంతటి పవిత్రమయిన గా పాలు లభిస్తాయి - బెజవాడలో నేరుగా నాందేడు గాడిదల్ని తెచ్చి కృష్ణాజలాలు పోసిపెంచుతున్న చాలా కుటుంబాలున్నాయి - గాడిద పాలు ‘‘ఇండ్లకాడికి’’ తెచ్చి పిండుతారు - లేదా వైజాగ్‌లో విజేనగర్ నుంచి వచ్చి సెటిల్ అయిన ‘‘గా’’ సంరక్షక ‘కుతుమ్బాలు’ చాలా వున్నాయి. రెండేళ్ల క్రితమే అక్కడి వ్యాపారులు లీటరు నాల్గు వేలకి - అదీ వాళ్లగెడ్డం పట్టుకు బ్రతిమాలితే అమ్మారుట. లక్నోలో వైద్య ఉపయోగాలకి గాడిద పాలు ఎంతవరకూ ఉపయోగం అని మనవాళ్లు రీసెర్చ్ చెయ్యాలి - యోగీ యాదిత్య నాథ్ గారికి మహజరు పెట్టుకోవాలి అన్నాడో. గోశాలల లాగే గా శాలలకు కూడా ‘‘హెల్పు’’ చెయ్యమని - ‘‘చేస్తాడంటావా’’ ఓ లాండ్రి ఆసామి డౌటు. అసలు, ఎయిడ్స్‌కి కూడా ఈ పాలు దివ్య ఔషధములు అని కొందరు అనుకుంటున్నారు - అల్లా గే, కేవలం చంటి పాపాయిలకే కాదు అందాల పడుచు పిల్లలకి ఈ క్లియోపాత్రా సౌందర్య రహస్యమైన ఈ పాలు నిజంగా అత్యంత ప్రీతిపాత్రములు కావాలి అన్నాడు - తెలుగు కల్చర్ (తెలుగులో ఏంటంటారు?)ని ప్రచారం చెయ్యాలని ఉబలాటపడుతున్న ఒక సోషల్ మీడియా ప్రియుడు. మనవాళ్లు, ఎవరికయినా పరాభవం చెయ్యాలన్నా సంఘపర నేరాలకి పంచాయతీ విధించే శిక్షగా -సదరు శాల్తీని గుండుగీసి గాడిదనెక్కించి ఊరేగిస్తారు. అదో దురాచారం అనీ - గాడిద బదులు సూకరం (తెలుగులో తొంబై నిఘంటువులు వున్నాయి వెతుకుడు) మీద ఊరేగించమని సంపాదక లేఖలు రాయిస్తానని - ఒక లేఖారత్న శపధం.. అసలు మనం గాడిదకళ విషయంలో వెనుకబడి వున్నాము.. విదేశాలలో సౌన్దర్యారాధకులు - గాడిద బ్యూటీ సోపులు, క్రీములు, పౌడర్లు ‘వాడేస్తున్న్రు’’ - గాదిదపాలని ఎవరో ఒకరు పేటెంట్‌గా ఎగరవేసుకోక ముందే మేలుకోవాలి - ఔను సుమా.. తాత్సారం చేశాము - తులసిచెట్టు పోయింది, వేప చెట్టు పోయింది, గాడిద పాలుకూడా పోకముందే - ఉద్యమం లేపాలి... ధర్నా చేస్తే దానికోసం ఓ గాడిదని అద్దెకి తెచ్చుకోవాలి. రస్తారోకో చేస్తే కొన్ని గాడిదల్ని - అడ్డంగా నిలబెట్టడానికి అద్దెకో అందాకా ఎరువుగానో తెచ్చుకోవాలి. అసలు గాడిదా అన్న తిట్టుని బహిష్కరించాలి - అధ్యక్షా శార్దూలం - ఉద్యమసింహంలాంటి బిరుదులకు బదులుగా బాగా సంఘసేవ చేసే వాళ్లకి సేవాగార్దబః సభాధ్యక్ష గార్ధ్భరత్నలాంటి బిరుదులూ విశేషాలు పాపులర్ చెయ్యమని ఎవరి అభిమాన నాయకుల్ని లేదా సినిమా హీరోలను, కమీడియన్‌లను, విలన్స్‌నీ కూడా కోరాలని అభిమాన సంఘాల వాళ్లు - ఎలక్షన్లు వచ్చేదాకా కాలక్షేపం గా వుంటుంది గనుక - చెయ్యాలి. ఆమధ్య, ఓ యువకుడు ఏదైనా ఉద్యమం చెయ్యాలి అన్నాడు. శ్రీశ్రీ అనకపోయినా మనం అందాము ‘‘కాదేదీ ఉద్యమానికి అనర్హం’’ అన్నారు మరికొందరు. ఒకప్పుడు బిరుదులుగా శార్దూలం లాంటి మాంసాహార జంతువులనే పెట్టుకుంటున్నారు అది తగదు- అన్న ఆందోళన వచ్చిందట.. దాంతో, మత్త్భేం వృషభం కూడా ర్యాంకు సంపాదించుకున్నాయిట. అలాగా వై నాట్? గార్ధ్భేస్వర లాంటి మాటలు తయారు చేయరాదు అన్న ప్రతిపాదనను - విని, ఓ పెద్దమనిషి మరో సూచన చేశాడు. ఎప్పుడూ ఆవుమీదే కాకుండా గాడిద మీద కూడా కంపోజిషన్ రాయించాలి. అన్నాడో సీనియర్ సిటిజనుడు.
‘ఓరి నీ సంప్రదాయం మండిపోనూ - ఆవు అంటే ఏమిటి? ‘‘అంటున్నడయ్యా నీ తెల్గు బాలుడు.. మనం అప్పుడు ‘‘కవ్’’ అని చెప్పాలి - ఓహో అలాగా అంటాడు వాడు - నిజంగా గాడిదమీద గౌరవమే వుంటే - వయాగ్ర లాగ కూడా పని చేస్తోంది అంటున్నారు గనుక - రామ్దేవ్ బాబాని పట్టుకోవాలి - దీఎంని ప్రమోట్ చెయ్యాలి. గౌ సబ్బులు, గౌ పేస్టులులాంటివే ‘‘గా’’ సౌందర్య సబ్బులు కూడా మార్కెట్‌లోకి అతి త్వరగా దిగబడతాయి.. (ఆర్ యు ష్యూర్?) - సో జెంటిల్మన్ నెవర్ రిఫెర్ యువర్ ఫ్రెండ్స్ యాజ్ అబ్సల్యూట్ యాస్సెస్!

veeraji.columnist@gmail.com