కాలేజీలో సెక్స్ కుంభకోణం!

సర్దుకుపోతే చాలు అమ్మాయిలూ.. మార్కులూ మీవే - ప్లస్ డబ్బులూ మీకే వస్తాయి’- అని మూడో కంటికి తెలియకుండా చెప్పింది లెక్కల ప్రొఫ్ఫెసరమ్మ నిర్మలాదేవి (46). విద్యార్ధినులు ప్రాయంలో ఉన్న పిల్లలు- ప్రస్తుత ఇంటర్నెట్ కాలంలో అడ్జస్ట్మెంట్ అంటే అర్థం చేసుకోలేరా? అందుకే నిర్మలాదేవి చెప్పిన ఇరవై నిమిషాల హితబోధల్ని రికార్డు చేసు కున్నారు. కాకపొతే లెక్కల ప్రొఫెసర్‌కీ సంగతి తెలియదు. ఈ కాలేజీ విరుద్ద్‌నగర్ జిల్లాలో (తమిళనాడు) అరుపుకోట్టై నగరంలో విరాజిల్లుతోంది. కో-ఎడ్యుకేషన్ ఆర్ట్స్ అండ్ సైన్స్‌లున్నాయి. కామరాజ్ నాడార్ యునివేర్సిటీకీ అనుబందించబడ్డది. పైగా నిర్మలాదేవి అక్కడ బాగా సీనియర్ . పదేళ్లుగా . లెక్కలు ఎంత బాగా చెబుతుందో - లౌకిక రీతులు కూడా అంత చక్కగా బోధిస్తుంది అని పేరు గాంచింది . యునివర్సిటీ వీసీ దగ్గర కూడా ఆమెకు పలుకుబడి వుంది.
‘తెలుసుకొనవె చెల్లీ! అలా నడుచుకోనవే తల్లీ !
శీలము మానము అభిమానము ఆ భరణమే మళ్ళీ’
-అని చెబుతూ, జీవితంలో సర్దుబాటు కూడా అంత ముఖ్యమని కూడా చెప్పడం ఆమె విధి గా చేసుకున్నది. డబ్బులు మీ అకౌంట్‌లోకి పోతాయి -ఇష్టమైన వాళళు మీ పేరెంట్స్‌కి చెప్పినా ఒకే అనండని నిర్మలాదేవి చెప్పినట్టు ఆరోపణ. వాట్సాప్ - ఫేసుబుక్ వగైరాలున్న రోజుల్లో -నిర్మలా దేవి మరీ ఇంత నిర్మలంగా వుండటంతో -ఉచ్చు ఎందరికో చుట్టుకునేటట్లే వుంది. డిఎంకే, పిఎం కేలు- సిబిఐకి ఈ కుంభ కోణం విచారణ అప్ప చెప్పలని డిమాండ్ చేస్తున్నాయి.
నిర్మలాదేవి అంత మంచిగా చెప్పిన సర్దుబాటు- ప్రాయంలో వున్నకాలేజీ పిల్లలకి అర్థం కాలేదు అనడం ఇంటర్నెట్ కాలానికే అవమానం. దిక్కుమాలిన ‘లీకుల’ కాలం కదండీ ఇది- గోడలకి చెవులు కూడా .. కాదు కళళు కూడా ఉంటున్న అత్యంత ఆధునికమాయ జాలం -అయిన అంతర్జాలం రోజులివి . మీకు చివరికి మరుగు దొడ్లో కూడా వైఫై ఇస్తాము ..యూ ట్యూబ్ మీ ద వొట్టు అంటు న్నారు సర్కారు వారు. కాని గ్రహచారం బాగో లేక పొతే మన పార్టీ వాడే కాంగ్రెస్ పార్టీ తీర్ధం పుచ్చేసుకుని -వాళ్ళకి గుట్టు కాస్తా లీకు చేస్తాడేమోడన్న భయం మరచి పోతారు. నిర్మలాదేవి- కొంతమంది పైఅ ధికారులతో-మంచం పొత్తు.. అబ్బే చాలా తాత్కాలికంగా పెట్టుకుంటే.. రెండు లాభాలు - ఒకటి 85 శాతం దాకా మార్కులు కొట్టేయవచ్చు.. రెండు నగదు బహుమతి గ్యారంటీ. ఇది ఎంతకాలంగా సాగుతున్నదో సదరు పై అధికారులలో వీసీ మొదలు క్లర్కు దాకా ఎవరెవరు వున్నారేమో? తెలియదు.. కాని ఇరవై నిమిషాల టేపు - వాయిస్ టేపు మాత్రమె లెండి.. చేసిన అమ్మాయో చేయించిన మరో ప్రతిపక్షో.. దీన్ని వైరల్ చేసేసాడు లేక చేసేసింది అని కూడా అనుకోవచ్చు. వైరల్‌అన్న మాటకి -లీకు అన్న మాటకి , అడజెస్ట్ మెంట్ అన్న పదానికి అర్థం తెలియని వాళళు ఈ మొబైల్ రోజుల్లో ఉండరు. ఉండ దగరు. వైరల్ అయి వైరల్ అయి అది గడ్డివాములో పడ్డ అగ్గిపుల్ల అయ్యింది. కుంభ కోణం అయ్యింది. సెక్స్ కోణం అందాము.. కుంభకోణం ఏమి పాపం చేసింది? ప్రతి అవినీతి బాగోతాన్ని దానికి అంటగట్టడమ్ అన్యాయం.
పోయిననెలలోనే ఆమెని సస్పెండ్ చేశాము అన్నరుట. ఈలోగా - వాళ్ళల్లో వాళ్లకి సర్దుబాటు లు కుదరలేదో ఏమో .. టేపు సో కాల్డ్ సోషల్ మీడియా కి -రామసామి అనే అధికారి పోలీసుల దగ్గరకి చేరింది. జనాలు మజా అందుకున్నారు. పోలీస్ వాళళు ఫిర్యాదు అందుకున్నారు. వార్త లీక్ కాంగానే .. ఏమవుతుంది.. ? ఏ నేరం చెయ్యని సిటీబస్సుల మొహాలు పగు లుతాయి.. ఈ యవ్వారం సదరు యూనివర్సిటీ ప్రో చాన్స్‌లర్‌గా ఉన్న గవర్నర్ అయిన తమిల్నాడు రాష్ట్ర గవర్నర్ భాన్వరిలాల్ పురోహిత్ గారి దాక పోయింది. ఇవతల పోలీసులు నిర్మలాదేవిని ఎందుకేనా మంచిదని ఆమె గారి ఇంటికి వెళ్లి కాసేపు అంటే ఓ అయిదు గంటలు పాటు గ్రుచ్చి గ్రుచ్చి ప్రశ్నిం చి తీసుకుపోయారు.. పురోహిత్ జీ - నేరుగా జోక్యం చేసుకుని - తానే ఓ రిటైర్డ్ ఐ ఎ ఎస్ ఆఫీసర్ సంతానం అనే పెద్దాయనను దర్యాప్తు కమిటీ గా వేసేశాడు. (వై?) మొత్తం కూపీ లాగండి అన్నాడుట గవర్నర్. వెంటనే డీజీపీ టి కె రాజేంద్రన్ కేసు సిబి- సిఐడికి ఇచ్చెయ్యండని ఇచ్చేశాడు. అవతల వైస్ చాన్స్‌ల ర్ గారు - ఓ అయిదు మంది అస్మదీయుల్ని పిలచి కమిటీ అని పెరేట్టేసి -ఒక ప్రకటన్ రిలీజ్ చేశాడు. అది చెల్లదు నేనుండగా నేను సర్వాధికారిని అన్నారు గవర్నర్ గారు.
స్టాలిన్‌కి - అదేనండీ డిఎంకే పార్టీ - షాడో ముఖ్య మంత్రికి మండింది. మధ్యలో గవర్నర్ కెందుకు ఉలుకు? అంటూ రంగం లోకి దిగాడు. టేపులో ఏమున్నది? అని ఇప్పుడు వినక్కరలేదు .. పేపర్లకన్న ముందే జనాలకి తెలిసిపోయింది. పై అధికారులు కొందర్ని అదే ఆ విధంగా - కేవలం కాలేజీకి, మంచి సదుపాయాలకోసం-కాస్త రాజీ పడలేరా? అని ఒక నిర్మలమైన గొంతు అన్నట్లు టేపులో వుంది. ఆ గొంతు నిర్మలాదేనని పలువురు గుర్తించినట్లు -అనిపిస్తోంది. ఈ లోగా గవర్నర్ గారు మంగళవారమే అత్యవసరంగా ప్రెస్ కాన్ఫరెన్స్‌కి మీడియాను పిలిచాడు..
‘అయ్యా.! నిర్మలమ్మగారు మిమ్మల్ని ఎరుగుదును’ అంటున్నారు. మరి మీరేమిటి అంటారు? అంటూ తగుల్కున్నారు ప్రెస్సు వాళళు. వాళళు పొడుస్తారు మామూలు మాటలతో అడగరు.. పురోహిత్ గారు.. కొంచెం హర్ట్ అయ్యారు. చాల ‘ఇది ‘అయ్యారు. కంగారు పడ్డారట కూడా. ‘ఆమె ని నేను ఇప్పటిదాకా ఎలావుంటుందో? కూడా చూడ లేదు- కాన్వోకేషన్ మీటింగులలోకూడా అటువంటి లలనామణిని నేను చూడ లేదబ్బా..అని విస్తుపోయి విసుక్కున్నారు. యూనివర్సిటీ బద్నాం కాకుండా - నిజం నిగ్గు తేల్చాలి అని మాత్రమే నాకు ఉన్న బాధ్యతని నిభాయిస్తున్నాను అన్నాడు.. నాకా పవర్స్ ఉన్నాయి అంటాడాయన. అసలు’ సెక్స్ కోణం ‘సెట్టిల్ అయింది కాని అవినీతి శృంగార బాగోతం లో భాగస్వాములైన అధికారులు, పెద్దలు యారు? ‘’ (ఎవరు) అన్నది తెలియలేదే...
పాపం ! నిర్మలదేవి తన కోసం ఇదంతా చేసిందా? కాలేజీ ఉన్నతి కోసం - అందాల విద్యార్ధినుల లోకజ్ఞానం కోసం చేశాను అంటున్నదిగా ఆమె . నిజమే , ఈ కర్ణపేయమైన సంభాషణలు వినే దాకా ఎవ్వరూ ఇదేదో సెక్స్ బాపతు లీకు అని గ్రహించ లేకపోయారు.తనని అపార్థం చేసుకున్నారు అంటుందామె. అరెస్టు అయినాక అంతలో అంతలోనే ఓ చానల్‌కి తన ‘‘మన్కీ బాత్’’ విడమర్చి చెబుతూ .. చాలా చెప్పుకొచ్చింది. తమిళనాడు గవర్నర్ గారు భన్వరిలాల్ పురోహిత్‌ను తాను బాగా ఎరుగుడును అని కూడా చెప్పుకొచ్చింది.
తరచూ, ప్రధాని మోదీజీ ఏమి చెప్పారు? బేటీ కో పడావో అని కదా? కాలేజి లెవెల్లో ‘చదువు చెప్పటం ‘ఇలా ఉంటుదన్న మాట? . నమో గారికి ఇంతపిసరు తెలియదన్నమాట. లెక్కల టీచర్ - అందరికి తెద్దు నా? కొందరికే తేద్దునా? అన్న సామెత చందాన మధురై నుంచి చెన్నై దాకా పబ్లిక్ రిలేషన్స్ బ్రహ్మాండంగా నిభాయించిం ది
ఇక వాయిస్ టెస్టులు అవీ ఎందుకు? ఆడపిల్ల బ్యాంక్ అకౌంట్స్ చూస్తాం అనొచ్చు. - ఆమె కోర్టులో- అది నా గొంతు కాదు అని బుకాయిస్తే తప్ప -నిర్మలాదేవి వ్రేలు ఎటు చూపెడితే అటు కదుల్తుంది పోలిస్ దర్యాప్తు. దుఃఖమ్ -ఆవేదన చింత.. లాంటి డేలికేటు, ఓల్డ్ టైపు భావాలన్నీ ‘బేటీ’ లని కాలేజీకి పంపించిన తల్లి దండ్రులకు మాత్రమే వర్తిస్తాయి. తేలుకుట్టిన దొంగల్లాగా ఊరుకోవాలా? రోడ్డునబడి నిర్మలాదేవి దిష్టి బొమ్మలు తగలెట్టాలా? పొలిటికల్ కలర్ వచ్చేసింది ఈ సెక్స కోణానికి అప్పుడే. రజనీ కాంత్ ఎన్న సోల్రెన్? - బాషా ఒక సారి చెబితే వంద సార్లు చెప్పినట్లు ? అంటాడా? అది తెలీదు కాని - ఒకసారి ఎవరు ఇలాంటి స్కాండల్ స్కాం గురించి చెప్పినా టీవీ చానే్నల్స్ మాత్రం వెయ్యి సార్లు నొక్కి నొక్కి వదిలి పెడతాయి.. కమల్ హసన్ రియాక్షన్ ఎన్న- మధురై టూర్ పోయి పార్తి (చూసి) వంది ( వచ్చి )సెపుతనంటాదేమో?
ఎందుకొచ్చిన పెద్ద చదువలమీ.. ఏ రంగం చూసినా సెక్స్ కారుతూ -అసభ్య అశ్లీల అక్రమ భయానక అవినీతి పేరుకు పోయి వెక్కిరిస్తున్నది. ఏమైనా అంటే జనం ఇంటర్నెట్ యుగం లో సుఖాలని -కర్టసీ గవర్నమెంటు తో ఎంజాయ్ చేస్తూ వుంటే -విద్యారంగం మడికట్టుకు కూర్చోవాలని - చెబుతాడేమిటీ కాలమిస్టు? సత్తే కాలపు రోజులు కావు ఇవి. . మాడ్రన్ ఏజ్ లో వున్నాం.. మోరల్ పోలీసింగు- సినిమాలకి,చాన్నల్స్ కి ఎందుకు? పైగా ఎవరి పొట్ట తిప్పలు వాళ్ళవి.. పొట్ట తిప్పలు ( ఫుడ్ హంటింగ్) నేరమా? కాదే .. ఫండ’మెంటల్ ‘ రైట్ కాదా? -
స్టాప్ మోరల్ పోలీసింగ్ అండ్ గో టూ ‘యూ ట్యూబ్’!
*