అంతర్జాతీయం
వీసా ఫీజు రెట్టింపు
S ,7 à 8 RSCA (si SASPAS) et 6 cialis pharmacie cialis rapports de stage.
భారతీయ ఐటి కంపెనీలపై అమెరికా బాదుడు
ద్రవ్య వినిమయ బిల్లుపై నేడు ఓటింగ్
వాషింగ్టన్, డిసెంబర్ 17: భారత్ తీవ్ర అభ్యంతరాలు తెలియజేసినప్పటికీ హెచ్-1బి, ఎల్-1 వీసాలపై విధించే ప్రత్యేక ఫీజును రెట్టింపు చేయాలని అమెరికా నిర్ణయించింది. 9/11 హెల్త్‌కేర్ చట్టానికి, బయో మెట్రిక్ ట్రాకింగ్ సిస్టమ్‌కు నిధులను సమకూర్చడం కోసం హెచ్-1బి వీసాపై ఫీజును 4 వేల డాలర్లకు, ఎల్-1 వీసాపై ఫీజును 4500 డాలర్లకు పెంచాలని నిర్ణయించింది. బుధవారం 1.1 లక్షల కోట్ల డాలర్ల ద్రవ్య వినిమయ బిల్లును అంగీకరించిన అమెరికా కాంగ్రెస్ నేతలు హెచ్-1బి వీసాలకు చెందిన కొన్ని కేటగిరీలపై ప్రత్యేక ఫీజును 4 వేల డాలర్లకు, ఎల్-1 వీసాపై ఫీజును 4500 డాలర్లకు పెంచాలని నిర్ణయించారు. ద్రవ్య వినిమయ బిల్లుపై అమెరికా ప్రతినిధుల సభలో ఓటింగ్ శుక్రవారం జరగనుంది.
ప్రత్యేక ఫీజు ద్వారా లభించే సొమ్ము ఏడాదికి వందకోట్ల డాలర్లకు పైగానే ఉండవచ్చని భావిస్తున్నారు. ఈ సొమ్మును 9/11 దాడుల బాధితుల( ఫస్ట్ రెస్పాండెంట్స్) ఆరోగ్య పరీక్షలు, చికిత్సల కోసం ఉపయోగిస్తారు. ద్రవ్య వినిమయ బిల్లులో ఈ ప్రత్యేక ఫీజుకు సంబంధించిన నిబంధనలు ప్రత్యేకించి భారతీయ ఐటి కంపెనీల గురించి ప్రస్తావించనప్పటికీ బిల్లులోని భాష మాత్రం భారతీయ ఐటి కంపెనీలపైనే ఎక్కువ భారం పడే విధంగా ఉంది. తమ ఉద్యోగుల్లో 50 శాతం హెచ్-1బి, ఎల్-1 వీసాలపై ఉన్న కంపెనీలపై ఈ ప్రత్యేక ఫీజు విధిస్తారు. 2010నుంచి అయిదేళ్ల పాటు హెచ్ -1బి వీసాలపై 2 వేల డాలర్ల ప్రత్యక ఫీజు విధించడానికి ఉద్దేశించిన గత నిబంధన ఈ ఏడాది సెప్టెంబర్ 30తో ముగిసింది. కాగా, ప్రధాని నరేంద్ర మోదీ బుధవారం ఈ అంశాన్ని అమెరికా అధ్యక్షుడు బరాక్ ఒబామా వద్ద ప్రస్తావించారు కూడా. పారిస్‌లో జరిగిన పర్యావరణ సదస్సులో చరిత్రాత్మక ఒప్పందాన్ని సాధించడంలో నాయకత్వ పాత్ర పోషించినందుకు మోదీకి కృతజ్ఞతలు తెలపడం కోసం ఒబామా ఫోన్ చేసినప్పుడు హెచ్-1బి, ఎల్-1 వీసాలకు సంబంధించి ప్రతిపాదించిన బిల్లు పట్ల భారతీయ ఐటి కంపెనీలు ఆందోళనను మోదీ వివరించారని పిఎంవో కార్యాలయం తెలియజేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.