రాష్ట్రీయం
కళ్లుచెదిరే ఆస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
కోట్లకు పడగెత్తిన సబ్ రిజిస్ట్రార్!
విశాఖపట్నం, డిసెంబర్ 29: విశాఖ నగరంలో ఇటీవల ఏసిబి అధికారుల దాడులు పెరిగాయి. ప్రభుత్వ ఉద్యోగులుగా పనిచేస్తూ, అక్రమంగా భారీ ఎత్తున కూడబెట్టిన ఆస్తులు ఈ దాడుల్లో వెలుగులోకి వస్తున్నాయి. ఇటీవల ఇద్దరు మోటార్ వెహికల్ ఇన్‌స్పెక్టర్ల ఇళ్ళపై ఏసిబి సెంట్రల్ ఇనె్వస్టిగేషన్ యూనిట్ దాడులు జరపగా కోట్ల రూపాయల అక్రమ ఆస్తులు బయటపడ్డాయి. తాజాగా మధురవాడ సబ్ రిజిస్ట్రార్ ఆనంద్‌కుమార్ ఆస్తులపై ఏసిబి అధికారులు మంగళవారం దాడులు జరిపారు. ఆనంద్‌కుమార్ మంగళవారం నుంచి ఐదు రోజులు సెలవులో వెళ్లడంతో, ఆయన ఇంటిని ఏసిబి అధికారులు సీజ్ చేశారు. ఏసిబి డిఎస్పీ రామకృష్ణ కథనం ప్రకారం స్టాంప్స్ అండ్ రిజిస్ట్రేషన్ కార్యాలయంలో జూనియర్ అసిస్టెంట్‌గా విధుల్లో చేరిన ఆనంద్‌కుమార్, అనతికాలంలోనే సీనియర్ అసిస్టెంట్‌గా, కొద్ది కాలం కిందటే సబ్ రిజస్ట్రార్‌గా పదోన్నతి పొందాడు. విధి నిర్వహణకు సంబంధించిన ఆయనపై అనేక ఫిర్యాదులు అందాయి. రంగంలోకి దిగిన ఏసిబి అధికారులు విశాఖ నగరంలోని ఏడు చోట్ల, ఆనంద్‌కుమార్ స్వస్థలం నర్సాపూర్ దగ్గర కొప్పర్రులో ఆయన బంధువుల ఇళ్ళపై మంగళవారం ఏక కాలంలో దాడులు నిర్వహించారు.
విశాఖలోని లాసన్స్ బే కాలనీలో నాలుగు అంతస్థుల భవనాన్ని ఆనంద్ నిర్మించారు. ఆనంద్‌కుమార్ ఇంట్లో లేకపోవడంతో ఆ ఇంటిని ఏసిబి అధికారులు సీజ్ చేశారు. సాగర్‌నగర్‌లో డాక్యుమెంట్ విలువను తగ్గించి ఒక స్థలాన్ని కొనుగోలు చేసి, త్రీ బెడ్ రూం డ్యూప్లెక్స్ ఇంటిని నిర్మిస్తున్నారు. దీని విలువ సుమారు 40 నుంచి 50 లక్షల రూపాయల వరకూ ఉంటుందని అంచనా. ఎంతలేదన్నా మార్కెట్ విలువ కోటిన్నర రూపాయలు ఉంటుందని చెప్పారు. భీమిలిలో 85 సెంట్ల స్థలంలో అత్యంత ఖరీదైన ఫాం హౌస్‌ను కుమార్ నిర్మించుకున్నాడు. ఈ స్థలాన్ని అతని తండ్రి, తమ్ముడు, బినామీ పేర్లతో కొనుగోలు చేశారు. ఈ ఫాం హౌస్ మార్కెట్ విలువ కనీసం రెండు నుంచి మూడు కోట్ల రూపాయలు ఉంటుందని అధికారులు తెలిపారు.
పోతిన మల్లయ్యపాలెం ఎస్సీ కాలనీలో బినామీ పేర్లతో నాలుగైదు స్థలాలు ఉన్నట్టు కనుగొన్నారు. స్వస్థలమైన కొప్పర్రులో ఐదు ఎకరాల వ్యవసాయ పొలం ఉన్నట్టు ఏసిబి అధికారులు కనుగొన్నారు. అలాగే ఆఫీసులో ఔట్‌సోర్సింగ్ ఉద్యోగిగా పనిచేస్తున్న రమేష్ ఇంటిపై దాడులు కొనసాగుతున్నాయి. సోదాల్లో ఇప్పటి వరకూ బయట పడిన ఆస్తుల విలువ సుమారు 10 కోట్లకు పైగానే ఉంటుందని అంచనా.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.