బిజినెస్
విల్‌ఫుల్ డిఫాల్టర్లపై సెబీ కొరడా
S ,7 à 8 RSCA (si SASPAS) et 6 cialis pharmacie cialis rapports de stage.
మార్కెట్ల నుంచి నిధుల సమీకరణపై నిషేధం
మదుపరుల ప్రయోజనాల కోసం ప్రభావవంతమైన చర్యలు
న్యూఢిల్లీ, మార్చి 12: మార్కెట్ రెగ్యులేటర్ సెబీ విల్‌ఫుల్ డిఫాల్టర్లపై కొరడా ఝుళిపించింది. బ్యాంకుల నుంచి రుణాలు పొంది వాటిని తిరిగి ఉద్దేశపూర్వకంగానే చెల్లించని ఘనులతో మదుపరుల ప్రయోజనాలకు భంగం తప్పదని భావించిన సెబీ.. స్టాక్స్, బాండ్ల ద్వారా ప్రజల నుంచి నిధులను సమీకరించకుండా వారిపై నిషేధించింది. అంతేగాక స్టాక్ మార్కెట్లలో లిస్టయిన సంస్థల బోర్డుల్లో కూడా విల్‌ఫుల్ డిఫాల్టర్లు ఉండరాదని స్పష్టం చేసింది.
ప్రభుత్వరంగ బ్యాంకుల నుంచి 9,000 కోట్ల రూపాయల రుణాలు తీసుకున్న విజయ్ మాల్యాకు తాజా సెబీ నిర్ణయం ఇబ్బందికరం కానుంది. మాల్యా నేతృత్వంలోని కింగ్‌ఫిషర్ ఎయిర్‌లైన్స్ 17 ప్రభుత్వరంగ బ్యాంకుల వద్ద వేలాది కోట్ల రూపాయల అప్పులు తీసుకుని, వాటిని చెల్లించడంలో విఫలం కావడంతో ఎస్‌బిఐ, పంజాబ్ నేషనల్ బ్యాంక్, యునైటెడ్ బ్యాంక్‌లు మాల్యాను ఉద్దేశపూర్వక ఎగవేతదారుగా ప్రకటించినది తెలిసిందే. ప్రస్తుతం ఈ వ్యవహారం కోర్టుల చుట్టూ తిరుగుతుండగా, శనివారం జరిగిన సెబీ కీలక సమావేశం విల్‌ఫుల్ డిఫాల్టర్ల భరతం పట్టేలా పలు నిర్ణయాలు తీసుకుంది. ఇదిలావుంటే ఈ సందర్భంగా సెబీ చైర్మన్ యుకె సిన్హా విలేఖరులతో మాట్లాడుతూ బ్యాంకుల ద్వారా విల్‌ఫుల్ డిఫాల్టర్ల ముద్ర వేసుకున్నవారికి మార్కెట్ ప్రవేశానికి అర్హత లేదన్నారు. స్టాక్ మార్కెట్లలోకి ప్రవేశించిన సంస్థలు తమ ఆర్థిక వివరాలన్నింటినీ క్షుణ్ణంగా, సమయానుసారం తెలపాలనీ సిన్హా స్పష్టం చేశారు. అంతేగాక సామాన్య మదుపరుల రక్షణార్థం నిఘా వ్యవస్థను మరింత పటిష్టం చేస్తున్నట్లు చెప్పారు. సస్పెండెడ్ కంపెనీల డీలిస్టింగ్‌కు మార్గం సుగమం చేస్తున్నామన్న ఆయన విలీనాలు, కొనుగోళ్ల అంశంలో మరింత స్పష్టతను తీసుకువస్తున్నట్లు పేర్కొన్నారు. విదేశీ పోర్ట్ఫోలియో మదుపరులకు (ఎఫ్‌పిఐ) మ్యూచువల్ ఫండ్స్‌ను మరింత దగ్గర చేర్చే ప్రయత్నాలనూ సెబీ చేసింది. మరోవైపు స్టాక్ మార్కెట్ కార్యకలాపాల్లోకి ప్రత్యక్షంగా దిగాలనుకుంటున్న బాంబే స్టాక్ ఎక్స్‌చేంజ్‌కు సెబీ సూత్రప్రాయ ఆమోదం తెలిపింది. ఇనీషియల్ పబ్లిక్ ఆఫర్ (ఐపిఒ) వెళ్లవచ్చని చెప్పినట్లు సిన్హా తెలిపారు. ఇక కొత్త కమాడిటీ ఉత్పత్తులను పరిచయం చేయనున్నామని, కమాడిటీ డెరివేటివ్ మార్కెట్‌లో మరికొందరిని భాగస్వాములను చేయాలని భావిస్తున్నామని చెప్పారు. మరోవైపు మార్కెట్ వ్యవహారాలపై జాగ్రత్తగా ఉండాలని జైట్లీ సెబీకి సూచించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.