రాష్ట్రీయం
తెరాస ఖాతాలోకి మరో ఎమ్మెల్సీ స్థానం
S ,7 à 8 RSCA (si SASPAS) et 6 cialis pharmacie cialis rapports de stage.
స్థానిక సంస్థల కోటా ఎన్నిక ఏకపక్షమే?
నిజామాబాద్, నవంబర్ 28: నిజామాబాద్ జిల్లా నుండి అత్యధిక సంఖ్యలో చట్ట సభల్లో ప్రాతినిథ్యం వహిస్తున్న వారిలో తెరాసకు చెందిన ప్రజాప్రతినిధులే ఉండగా, ప్రస్తుతం అధికార పార్టీ ఖాతాలోకి మరో స్థానం వచ్చి చేరే అవకాశాలు స్పష్టంగా కనిపిస్తున్నాయి. స్థానిక సంస్థల కోటా కింద ఖాళీ అయిన ఎమ్మెల్సీ స్థానం డిసెంబర్ నెలాఖరు నాటికి భర్తీ కానుండగా, ఈ స్థానాన్ని తెరాస దక్కించుకోవడం లాంఛనప్రాయంగా మారింది. ఎమ్మెల్సీ ఎన్నికలో ఓటు హక్కు కలిగిన స్థానిక సంస్థల ప్రజాప్రతినిధుల బలాబలాలను బేరీజు వేసుకుంటే, తెరాస వైపే స్పష్టమైన మొగ్గు కనిపిస్తోంది.
అధికార పార్టీ తరఫున ఎన్నికల బరిలో నిలిచే అభ్యర్థి సునాయాసంగానే పెద్దల సభలో అడుగిడడం ఖాయమని పరిశీలకులు భావిస్తున్నారు. మొత్తం 766మంది ఓటర్లకు గాను తెరాస తరఫున స్థానిక సంస్థల్లో ప్రాతినిథ్యం వహిస్తున్న వారి సంఖ్య 520పైచిలుకుగా ఉంది. దీనిని బట్టి చూస్తే తెరాస అభ్యర్థి విజయం నల్లేరుపై నడకేనని పరిశీలకులు అంచనా వేస్తున్నారు. ఇదే జరిగితే తెరాస ఖాతాలో మరో ఎమ్మెల్సీ స్థానం పెరుగనుంది. ఇప్పటికే ఈ జిల్లా నుండి మరెక్కడా లేని విధంగా చట్ట సభల్లో కొనసాగుతున్న అధికార పార్టీ సభ్యుల సంఖ్య గణనీయంగా ఉంది. 2014 సార్వత్రిక ఎన్నికల్లో జిల్లాలోని మొత్తం 9 అసెంబ్లీ నియోజకవర్గాలతో పాటు రెండు పార్లమెంటు సెగ్మెంట్లలోనూ తెరాస అభ్యర్థులే గెలుపొందారు. ప్రతిపక్షాలకు ఒక్కటంటే ఒక్క స్థానమైనా దక్కలేకపోయింది. జడ్పీ సమావేశాలు, విజిలెన్స్ మానిటరింగ్ కమిటీ మీటింగ్‌తో సహా ప్రజాప్రతినిధులను భాగస్వాములు చేస్తూ నిర్వహించే ప్రతి సమావేశంలోనూ ప్రతిపక్షాల ప్రాతినిథ్యం లేని లోటు కొట్టొచ్చినట్టు కనిపిస్తోంది. ఎన్నికలు ముగిసిన తరువాత కూడా వలసల పర్వంతో తెరాస మరింతగా బలపడింది. ప్రతిపక్ష పార్టీల తరఫున ఎమ్మెల్సీలుగా ఎన్నికైన పలువురు కీలక నేతలు కూడా పరిస్థితులను అంచనా వేసి తమ రాజకీయ భవితవ్యాన్ని కాపాడుకునేందుకు గులాబీ గూడుకు చేరడంతో ప్రతిపక్షాల బలం మరింతగా కుదించుకుపోయింది.
కాంగ్రెస్ తరఫున గవర్నర్ కోటాలో వరుసగా రెండవ సారి ఎమ్మెల్సీగా ఎన్నికై జుక్కల్ నియోజకవర్గానికి పెద్దదిక్కుగా నిలుస్తూ వచ్చిన డి.రాజేశ్వర్‌రావు అసెంబ్లీ ఎన్నికల్లో తనకు అభ్యర్థిత్వం కేటాయించలేదన్న కోపంతో తెరాస తీర్థం పుచ్చుకున్నారు. ఆయన బాటలోనే మరో ఎమ్మెల్సీ విజి.గౌడ్ కూడా గులాబీ కండువా కప్పుకున్నారు. తెదేపా జిల్లా అధ్యక్షుడిగా కొనసాగిన విజి.గౌడ్‌కు ఆ పార్టీ అధిష్ఠానం ఎమ్మెల్సీగా అవకాశం కల్పించిన కొన్నాళ్లకే ఆయన పార్టీ ఫిరాయించి అధికార పక్షానికి చేరువయ్యారు. ప్రస్తుతం ప్రధాన ప్రతిపక్షమైన కాంగ్రెస్ తరఫున ఇద్దరు సభ్యులు షబ్బీర్‌అలీ, ఆకుల లలిత మాత్రమే ఎమ్మెల్సీలుగా కొనసాగుతూ చట్టసభలో కొనసాగుతున్నారు. తెదేపా తరఫున స్థానిక సంస్థల కోటాలో ఎన్నికై ఎమ్మెల్సీగా కొనసాగిన అర్కల నర్సారెడ్డి పదవీ కాలం గత ఆరు మాసాల క్రితమే పూర్తవడంతో, ప్రస్తుతం ఖాళీగా ఉన్న ఆ స్థానానికే ఎన్నిక జరుగుతోంది. ఈ ఎన్నికలోనూ బలాబలాలను బేరీజు వేసుకుంటే తెరాసకే స్పష్టమైన ఆధిక్యత కనిపిస్తున్నందున ఆ పార్టీ అభ్యర్థి విజయం సాధించడం దాదాపుగా ఖాయమని స్పష్టమవుతోంది. ఇదే జరిగితే తెరాస ఖాతాలో మరో ఎమ్మెల్సీ చేరి, ఆ పార్టీ బలం మరింతగా పెరగనుంది. జిల్లాలో ఏకపక్షంగా మారిన సమీకరణలతో ప్రస్తుత ఎమ్మెల్సీ ఎన్నిక విషయమై ప్రతిపక్షాల్లో నిస్తేజం ఆవరించి ఉండగా, అధికార పార్టీలో ఎనలేని ఉత్సాహం కనిపిస్తోంది. విజయం దాదాపుగా ఖాయమని స్పష్టమవుతున్న నేపథ్యంలో అధికార పార్టీ తరఫున అభ్యర్థిత్వాన్ని దక్కించుకునేందుకు తెరాసకు చెందిన ఆశావహులు ముమ్మర ప్రయత్నాలు చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.