యువ
వీడియో కాల్స్‌ను రికార్డు చేయడం ఎలా?
S ,7 à 8 RSCA (si SASPAS) et 6 cialis pharmacie cialis rapports de stage.
నేటి ఆధునిక కమ్యూనికేషన్ ప్రపంచంలో వీడియో కాల్స్ కీలకపాత్ర పోషిస్తున్నాయి. సామాజిక సంబంధాల వెబ్‌సైట్‌ల ద్వారా ఇద్దరు వ్యక్తులు లేదా గ్రూప్స్ మధ్య జరిగే సంభాషణలకు వీడియో కాల్స్ మరింత వాస్తవికతను తీసుకువస్తున్నాయి. వీడియో కాలింగ్ అందుబాటులోకి రాకముందు కేవలం వాయిస్ కాల్స్ ద్వారా మాత్రమే సంభాషణలు సాగేవి. ఈ క్రమంలో అవతలి వ్యక్తుల స్వరాన్ని మాత్రమే వినగలిగే అవకాశం వుండేది. వీడియో కాల్స్ అందుబాటులోకి వచ్చిన తరువాత అవతలి వ్యక్తులను ప్రత్యక్షంగా చూస్తూ మాట్లాడుకోగలుగుతున్నాం. ఈ క్రమంలో మనుషులు మధ్య కొత్త కొత్త ఎమోషన్స్ చిగురిస్తున్నాయి.
ఇద్దరు వ్యక్తులకు సంబంధించిన సంభాషణల దృశ్యాలను వారి వారి ఫోన్ ఫ్రంట్ కెమెరాల ద్వారా లైవ్ వీడియో రూపంలో చిత్రీకరించి, ఆ విజువల్స్‌ను ఏకకాలంలో ఇంటర్నెట్ ఆధారంగా పనిచేసే ప్రత్యేకమైన సాఫ్ట్‌వేర్ ద్వారా ఒకరి విజువల్‌ను మరొకరికి ట్రాన్స్‌ఫర్ చేయడమే వీడియో కాలింగ్ ముఖ్య ఉద్దేశం. వాట్సాప్, ఫేస్‌బుక్ వంటి సోషల్ మీడియా వెబ్‌సైట్‌లు డీఫాల్ట్‌గా వీడియో కాలింగ్ సదుపాయాన్ని ఆఫర్ చేస్తున్నప్పటికీ, వాటిని రికార్డ్ చేసుకుని సేవ్ చేసుకనే ఆప్షన్‌ను మాత్రం ఇప్పటివరకు ఇవ్వలేకపోయాయి. మరి ఇటువంటి పరిస్థితుల్లో ఏదైనా వీడియోకాల్‌ను రికార్డ్ చేయవల్సి వస్తే ఏం చేస్తారు? సోషల్ మీడియా వెబ్‌సైట్‌ల ద్వారా నిర్వహించుకునే వీడియో కాల్స్‌ను ఎప్పటికప్పుడు రికార్డ్ చేసుకునేందుకు కొన్ని ప్రత్యామ్నాయ మార్గాలు అందుబాటులో ఉన్నాయి. మీరు కూడా ఇలాంటి వాటికోసమే ఎదురుచూస్తున్నట్లయితే ఇది చదవండి.. వాస్తవానికి వాట్సాప్, ఫేస్‌బుక్‌ల ద్వారా నిర్వహించుకునే వీడియో కాల్స్‌ను రెండు మార్గాలలో రికార్డ్ చేసుకోవచ్చు. ఈ పనిని పూర్తిచేయటం కోసం రెండు ప్రత్యేకమైన స్క్రీన్ రికార్డర్ యాప్స్ గూగుల్ ప్లే స్టోర్‌లో సిద్ధంగా ఉన్నాయి. వాటి గురించిన వివరాలను తెలుసుకుందాం..
డియూ రికార్డర్
ఈ అప్లికేషన్‌ను చాలా సింపుల్‌గా ఉపయోగించుకోవచ్చు. డియూ రికార్డర్ యాప్‌ను మీ ఫోన్‌లో ఇన్‌స్టాల్ చేసుకున్న తరువాత స్క్రీన్‌పై ఓ ఫ్లోటింగ్ ఐకాన్ ప్రత్యక్షమవుతుంది. ఈ ఐకాన్‌పై ‘టాప్’ చేసిన ప్రతిసారి అనేక ఆప్షన్స్ ఓపెన్ అవుతాయి. వీటిలో రికార్డ్ ఆప్షన్‌ను సెలెక్ట్ చేసుకున్నట్లయితే ఫోన్ స్క్రీన్‌పై జరిగే ప్రతి విషయం రికార్డ్ అయిపోతుంది. వీడియోలను రికార్డ్ చేసే సమయంలో సౌండ్‌ను కూడా ఈ యాప్ రికార్డ్ చేసి సేవ్ చేస్తుంది. ఈ యాప్ ద్వారా అన్ని రకాల వీడియో కాల్స్‌ను రికార్డ్ చేసుకునే వీలుంటుంది.
ఎజెడ్ స్క్రీన్ రికార్డర్
డియూ రికార్డిర్ మాదిరిగానే ఎజెడ్ స్క్రీన్ రికార్డర్ యాప్‌ను కూడా చాలా సింపుల్‌గా ఉపయోగించుకోవచ్చు. ఈ యాప్ మీ స్మార్ట్ ఫోన్‌లో పని చేసేందుకు ఎటువంటి రూట్ యాక్సెస్ అవసరం ఉండదు. నోటిఫికేషన్ ప్యానెల్ నుంచే వీడియోలను రికార్డ్ చేసుకునే వీలుంటుంది. ఈ యాప్ ద్వారా వాట్సాప్, ఫేస్‌బుక్ తదితర యాప్‌లకు సంబంధించిన వీడియో కాల్స్‌ను నిర్వహించుకోవచ్చు. ఈ స్క్రీన్ రికార్డర్ యాప్ వీడియోలను రికార్డ్ చేసే సమయంలో సౌండ్‌ను కూడా చాలా క్లియర్‌గా క్యాప్చర్ చేస్తుంది.
Related Articles
ఏ విషయంలోనైనా మితి మీరితే అవస్థలు అనివార్యం కాకతప్పదు. అందుకే ‘అతి సర్వత్రా వర్జయేత్’ అన్నారు పెద్దలు. పరిధులు, పరిమితులు దాటితే ఉపయోగం కన్నా లేనిపోని సమస్యలు తప్పవు. మన పెద్దలు ఏనాడో చెప్పిన ఈ సూత్రం నేటి ఆధునిక యుగంలో స్మార్ట్ఫోన్లకు నూటికి నూరుపాళ్లూ వర్తిస్తుంది.
మైక్రోసాఫ్ట్ నుంచి అతి త్వరలో అత్యంత తక్కువ ధరకే అత్యాధునిక ల్యాప్‌టాప్ దూసుకురానుంది. లెనెవో, జెపి సంస్థలతో కలిసి మైక్రోసాఫ్ట్ అతి త్వరలోనే రూ.12వేల ప్రారంభ ధరలో విండోస్ 10, విండోస్ 10 ఎస్ పేరిట విద్యార్థుల కోసం ప్రత్యేకంగా ఓ ల్యాపీని ఆవిష్కరిస్తోంది.
ప్రఖ్యాత కార్బన్ కంపెనీ తన నూతన స్మార్ట్ఫోన్ టైటానియం ఫ్రేమ్స్ ఎస్7ను తాజాగా విడుదల చేసింది. ఈ ఫోన్‌ను వినియోగదారులు షాప్‌క్లూస్ వెబ్‌సైట్ ద్వారా కొనుగోలు చేయవచ్చు. దీని ధరను కంపెనీ రూ.6999గా నిర్ణయించింది.
స్వాతంత్య్రం వచ్చాక మన దేశం గణతంత్ర రాజ్యంగా ఏర్పడటానికి, ఆ తరువాతి పరిణామాల్లో ఎన్నో ప్రత్యేకతలు ఉన్నాయి. ఆ విశేషాలు కొందరికి తెలుసు.. కొందరికి తెలియకపోవచ్చు. నేడు గణతంత్ర దినోత్సవం సందర్భంగా కొన్ని అంశాలపై సమాచారం ఎంతవరకు తెలుసో కనుగొనేందుకు ఈ ‘క్విజ్’...
కుర్రకారే కాదు, అన్ని వయసుల వారూ నేడు స్మార్ట్ఫోన్లు వాడుతూ ‘అంతర్జాలం’లో విహరిస్తున్నందున మొబైల్ యాప్స్‌ను డౌన్‌లోడ్ చేసుకునే వారి సంఖ్య నానాటికీ పెరుగుతోంది.