న్యూఢిల్లీ, ఫిబ్రవరి 26: బాంబే హైకోర్టు ప్రధాన న్యాయమూర్తిగా బీపీ ధర్మాధికారి పేరును సుప్రీం కోర్టు కొలీజియం సిఫార్సు చేసింది. జస్టిస్ ధర్మాధికారి ప్రస్తుతం బాంబే హైకోర్టులోనే తాత్కాలిక సీజేగా ఉన్నారు. ఆయనను పూర్తికాలం ప్రధాన న్యాయమూర్తిగా ఎంపిక చేస్తూ కొలీజియం నిర్ణయం తీసుకుంది. సుప్రీం కోర్టు ప్రధాన న్యాయమూర్తి ఎస్‌ఏ బాబ్డే అధ్యక్షతన ఈనెల 24న జరిగిన కొలీజియం సమావేశంలో ఈ నిర్ణయం తీసుకున్నారు.

లక్నో, ఫిబ్రవరి 26: సమాజ్‌వాది పార్టీ నాయకుడు, పార్లమెంటు సభ్యుడు అజం ఖాన్‌ను జ్యుడీషియల్ కస్టడీకి తరలించారు. ఆయనతో పాటు భార్య, ఎమ్మెల్యే తాన్‌జీన్ ఫాతిమా, కుమారుడు ఎమ్మెల్యే అబ్దుల్లా ఆజంను కూడా మార్చి 2వ తేదీ వరకు జ్యుడీషియల్ కస్టడీకి తరలించినట్లు రాంపూర్ పోలీసు సూపరింటెండెంట్ సంతోష్ కుమార్ మిశ్రా బుధవారం పిటీఐ వార్తా సంస్థ ప్రతినిధితో మాట్లాడుతూ తెలిపారు.

న్యూఢిల్లీ, ఫిబ్రవరి 26: దేశ రాజధాని ఢిల్లీలో జరిగిన అల్లర్లపై విచారం వ్యక్తం చేసిన సుప్రీం కోర్టు పోలీసుల తీరుపై తీవ్ర అసంతృప్తి వ్యక్తం చేసింది. అలాగే అల్లర్లకు సంబంధించి దాఖలైన పిటిషన్లను విచారణను నిరాకరించింది. ఈశాన్య ఢిల్లీలో సీఏఏ వ్యతిరేక, అనుకూల వర్గాల ఘర్షణల్లో 20 మంది చనిపోయిన సంగతి తెలిసిందే.

తాడిపత్రి, ఫిబ్రవరి 25: అనంతపురం జిల్లా తాడిపత్రి నుంచి తెలంగాణ రాజధాని హైదరాబాద్‌కు అక్రమంగా బంగారం బిస్కెట్లు రవాణ చేస్తున్న ముఠా సభ్యులను మంగళవారం తెల్లవారుజామున షాద్‌నగర్‌వద్ద డీఆర్‌ఏ స్క్వాడ్ అదుపులోకి తీసుకున్నట్లు సమాచారం.