ఉప్పల్, జూలై 1: బోడుప్పల్‌లో ఓ యువకుడు హత్యకు గురయ్యాడు. స్నేహితులు ఇంటి నుంచి తీసికెళ్లి హత్య చేసిన సంఘటన మేడిపల్లి పోలీసు స్టేషన్ పరిధిలో జరిగింది. పోలీసుల కథనం ప్రకారం బోడుప్పల్ పాత బస్తీలో నివసిస్తున్న ఉప్పరి జంగయ్య కుమారుడు సాయి అలియాస్ కట్టెల సాయి (25) జీహెచ్‌ఎంసీలో హెల్పర్‌గా పని చేస్తున్నాడు. గత నెల 30న ఆదివారం ఇంట్లో ఉన్న సాయిని దయావంశీ అనే యువకుడు వచ్చి బైక్‌పై తీసికెళ్లాడు.

జమ్మూ, జూలై 1: పరిమితికి మించి ప్రయాణికులతో వెళ్తున్న ఒక మినీ బస్సు లోయలో పడిన సంఘటనలో 35 మంది మరణించారు. 17 మంది తీవ్రంగా గాయపడ్డారు. ఈ సంఘటన జమ్మూ-కాశ్మీర్‌లోని కిస్త్వార్ జిల్లాలో సోమవారం ఉదయం జరిగింది.

కొత్తగూడెం, జూలై 1: భద్రాద్రి కొత్తగూడెం జిల్లా లక్ష్మీదేవిపల్లి మండలంలోని లోతువాగు సమీపంలో ఫారెస్ట్ అధికారుల విధులకు ఆటంకం కల్పించారనే ఫిర్యాదు మేరకు కొత్తగూడెం ఎమ్మెల్యే వనమా వెంకటేశ్వరరావుపై కేసు నమోదు చేశారు. చాతకొండ డెప్యూటీ రేంజ్ అధికారి ఎంఆర్‌పీ రావు ఫిర్యాదు మేరకు ఎమ్మెల్యే వనమా వెంకటేశ్వరరావుతో పాటు నలుగురిపై కేసు నమోదు చేసినట్లు లక్ష్మీదేవిపల్లి ఎస్‌ఐ నరేష్ తెలిపారు.

న్యూఢిల్లీ, జూలై 1: పాకిస్తాన్ ఆక్రమిత కాశ్మీర్ (పీఓకే), జిల్‌జిత్‌ను రెండు లోక్‌సభ స్థానాలుగా కేంద్ర గుర్తించేందుకు వీలుగా ఆదేశాలు ఇవ్వాలని రీసెర్చ్ అండ్ అనలైసిస్ వింగ్ (ఆర్‌ఏడబ్ల్యూ) మాజీ అధికారి రామ్ కుమార్ యాదవ్ దాఖలు చేసిన పిటిషన్‌ను సుప్రీంకోర్టు సోమవారంనాడు తిరస్కరించింది. అంతేకాకుండా సదరు ఇంటెలిజెన్స్ అధికారి రామ్ కుమార్ యాదవ్‌కు 50 వేల అపరాధ రుసుం విధించింది.