హైదరాబాద్, జూన్ 19: ఇంటర్మీడియట్ మూల్యాంకనం, ఫలితాల్లో నెలకొన్న గందరగోళంతో మనస్తాపానికి గురై ఆత్మహత్యలకు పాల్పడిన విద్యార్థుల కుటుంబాలకు పరిహారం చెల్లించాలని ఆదేశించలేమని హైకోర్టు ధర్మాసనం బుధవారం నాడు తేల్చి చెప్పింది.

భద్రాచలం టౌన్, జూన్ 19: చత్తీస్‌గఢ్ రాష్ట్రంలోని బస్తర్ దండకారణ్యంలోని బీజాపూర్ జిల్లాలో సమాజ్‌వాదీ పార్టీ నేత పూనెం సంతోష్‌ను మావోయిస్టులు కిడ్నాప్ చేసి కిరాతకంగా హత్య చేశారు. ఇటీవల అసెంబ్లీ ఎన్నికల్లో బీజాపూర్ అసెంబ్లీ స్థానం నుంచి ఎస్పీ తరుపున సంతోష్ పోటీ చేసి ఓటమిపాలయ్యారు. ఆ పార్టీ రాష్ట్ర ఉపాధ్యక్షుడిగా వ్యవహరిస్తున్న సంతోష్ గుత్తేదారుడిగా పలు నిర్మాణ పనులు చేపడుతున్నారు.

పెనమలూరు, జూన్ 19: ఒక మహిళ అక్రమ సంబంధం వ్యవహారం మరో అమాయకురాలి ప్రాణాలను బలిగొంది. మరిదితో అక్రమ సంబంధం పెట్టుకున్న మహిళ పెళ్లయ్యాక తనను దూరం పెడుతున్నాడన్న కక్షతో అంతమొందించాలని చేసిన ప్రయత్నం ఆమె ఆడపడుచు ప్రాణాలు తీసింది. మరిది, తోటికోడలు, ఆడపడుచు గదిలో కూర్చొని మాట్లాడుకుంటుండగా ఆమె పెట్రోల్ పోసి నిప్పంటించింది. ఈ దాడిలో ఆమె ఆడపడుచు హుజున్ని (50) మంటల్లో కాలి మృతి చెందింది.

కొత్తూరు రూరల్, జూన్ 19: భర్త అనుమానాస్పదంగా మృతి చెందాడంటూ భార్య ఇచ్చిన ఫిర్యాదుతో పోలీసులు మృతదేహానికి పోస్టుమార్టం నిర్వహించిన సంఘటన కొత్తూరు మండల పరిధిలోని ఇన్ముల్‌నర్వ గ్రామంలో చోటు చేసుకుంది. కొత్తూరు ఎస్‌ఐ కృష్ణ కథనం ప్రకారం.. ఇన్ముల్‌నర్వ గ్రామానికి చెందిన యాదయ్య (45) అనే వ్యక్తి జూన్ 10వ తేదిన విద్యుత్ షాక్‌కుగురై మృతి చెందినట్లు వచ్చిన ఫిర్యాదుతో కేసు నమోదు చేశామని వివరించారు.