న్యూఢిల్లీ: సీబీఐ మాజీ ప్రత్యేక డైరెక్టర్ రాకేష్ ఆస్థానా అవినీతి కేసు విచారణ జరుగుతున్న తీరుపై ఢిల్లీ కోర్టు తీవ్ర అంసతృప్తి వ్యక్తం చేసింది. ఆస్థానాపై ఆయన పనిచేసిన సంస్థ సీబీఐ విచారణ చేపట్టింది. రాకేష్ ఆస్థానాపై తీవ్రమైన ఆరోపణలు వచ్చినా చార్జిషీట్‌లో ఆయన పేరు తప్పించారు. అవినీతితో ఆయనకు ఎలాంటి సంబంధం లేదని దర్యాప్తు సంస్థ తేల్చింది.

న్యూఢిల్లీ: న్యూఢిల్లీలోని ఈశాన్య ప్రాంతంలో ఉన్న భజన్‌పురాలో ఒక కుటుంబానికి చెందిన ఐదుగురు మృత దేహాలను పోలీసులు కనుగొన్నారు. మృతదేహాలు కుళ్ళిపోయిన స్థితిలో ఉండగా, పోస్టుమార్టం నిమిత్తం మార్చురీకి తరలించారు. పోలీసులు తెలిపిన వివరాల ప్రకారం ఈ-రిక్షా డ్రైవర్ శంభు చౌదరి ఇంట్లో నుంచి దుర్వాసన రావడాన్ని గుర్తించిన స్థానికులు పోలీసులకు సమాచారాన్ని అందించారు.

హైదరాబాద్: ఇటీవల జరిగిన మున్సిపల్ ఎన్నికల్లో తుక్కుగూడ మున్సిపల్ చైర్మన్ ఎంపిక సందర్భంగా రాజ్యసభ సభ్యుడు కే కేశవరావు ఎక్స్‌అఫీషియో ఓటు వినియోగించుకోవడంపై మంగళవారం నాడు హైకోర్టులో విచారణ జరిగింది. ఈ అంశంపై పూర్తి వివరాలను కోర్టుముందుంచాలని రాష్ట్ర ఎన్నికల సంఘాన్ని హైకోర్టు ఆదేశించింది.

ఉయ్యూరు, ఫిబ్రవరి 11: మండలంలోని కాటూరు గ్రామంలో సోమవారం రాత్రి అంతరాష్ట్ర దొంగలముఠా ఇంటి యజమానిని అతని భార్యను తాళ్లతో కట్టి మరీ 10 కాసుల బంగారునగలు దోచుకున్న సంఘటన స్థానికంగా సంచలనమైంది. రూరల్ పోలీసుల కథనం ప్రకారం కాటూరు గ్రామానికి చెందిన రియల్‌ఏస్టేట్ వ్యాపారి ఆరేపల్లి రజని ఇంట్లో దొంగలుపడ్డారు. అర్ధరాత్రి నిద్రిస్తున్న సమయంలో ఇంటి తలుపులు పగులగొట్టి ఇంట్లోకి చొరబడ్డారు.