న్యూఢిల్లీ/ హైదరాబాద్, మార్చి 29: ఎన్నికల ప్రవర్తనా నియమావళికి కేసీఆర్ సర్కార్ తూట్లు పొడుస్తోందని కాంగ్రెస్ పార్టీ విమర్శించింది. టీపీసీ ఎన్నికల కమిషన్ సమన్వయ కమిటీ చైర్మన్ మర్రి శశిధర్ రెడ్డి శుక్రవారం ఇక్కడ ఢిల్లీలో కేంద్ర ఎన్నికల సంఘం ప్రధాన ఎన్నికల కమిషనర్‌ను కలిసి వినతిపత్రం సమర్పించారు.

విజయవాడ, మార్చి 29: కేంద్ర ఎన్నికల సంఘం (ఈసీ) జారీ చేసిన ఆదేశాల్లో తాము జోక్యం చేసుకోలేమని ఏపీ హైకోర్టు ధర్మాసనం స్పష్టం చేసింది. దీంతో రాష్ట్ర నిఘా విభాగ డీజీ సహా ముగ్గురు ఐపీఎస్ అధికారుల వ్యవహారంపై సుప్రీంకోర్టును ఆశ్రయించే అంశాన్ని రాష్ట్ర ప్రభుత్వం పరిశీలిస్తోంది. హైకోర్టు తీర్పు నేపథ్యంలో నిఘా విభాగ డీజీ వెంకటేశ్వర రావును బదిలీ చేస్తూ రాష్ట్ర ప్రభుత్వం శుక్రవారం ఉత్తర్వులు జారీ చేసింది.

న్యూఢిల్లీ, మార్చి 29: శారదా చిట్‌ఫండ్ కేసు దర్యాప్తులో ఎందుకు సహకరించడం లేదో తగిన వివరణ ఇవ్వాలని టెలికాం కంపెనీలైన వోడాఫోన్, ఎయిర్‌టెల్‌ను సుప్రీం కోర్టు ఆదేశించింది. శారదా చిట్స్ కుంభకోణానికి సంబంధించి తాము అడిగిన కాల్స్ వివరాలు, ఇతర డేటాను ఇవ్వడానికి ఈ రెండు సర్వీస్ ప్రొవైడర్లు నిరాకరిస్తున్నాయని సుప్రీంకు సీబీఐ వివరించింది.

న్యూఢిల్లీ, మార్చి 29: 1984లో జరిగిన సిక్కు వ్యతిరేక అల్లర్లకు సంబంధించిన 186 కేసుల దర్యాప్తును పూర్తి చేయడానికి స్పెషల్ ఇనె్వస్టిగేషన్ టీమ్ (సిట్)కు మరో రెండు నెలల సమయం ఇస్తూ సుప్రీంకోర్టు శుక్రవారం ఆదేశాలు జారీ చేసింది. న్యాయమూర్తులు ఎస్‌ఏ బోబ్డే, ఎస్.అబ్దుల్ నజీర్‌లతో కూడిన సుప్రీంకోర్టు ధర్మాసనం ఈ ఆదేశాలు జారీ చేసింది.