ఆగ్రా, డిసెంబర్ 19: ఉత్తరప్రదేశ్‌లోని ఆగ్రా పోయాఘాట్ వద్ద దారుణం చోటుచేసుకుంది. బీటెక్ ఫస్టియర్ విద్యార్థినిపై సామూహిక అత్యాచారం జరిగింది. విద్యార్థిని కోచింగ్ సెంటర్‌కు వెళ్తుంగా భగవాన్ టాకీస్ వద్ద ఇద్దరు వ్యక్తులు అటకాయించారు. ఇది జాతీయ రహదారిని ఆనుకునే ఉంది. ఆమెను బలవంతంగా నిర్మానుష్య ప్రాంతానికి తీసుకెళ్లారు. పోయాఘాట్ వద్ద అప్పటికే నలుగురు కామాంధులు అక్కడ వేచి ఉన్నారు.

సైదాబాద్, డిసెంబర్ 19: కార్యాలయంలో అధికారి వేధింపులు భరించలేక ప్రైవేట్ ఉద్యోగి ఆత్మహత్యకు పాల్పడ్డాడు. సైదాబాద్ ఠాణా పరిధిలో చోటు చేసుకుంది. వివరాల్లోకి వెలితే... సైదాబాద్ కాలనీలో నివసించే నర్సింగ్ (30) లోయర్ ట్యాంక్ బండ్‌లోని ప్రైవేట్ కార్యాలయంలో పనిచేస్తున్నాడు. మంగళవారం సాయంత్రం విధులు ముగించుకోని వచ్చిన నర్సింగ్ ఇంట్లో ఎవరులేని సమయంలో ఫ్యాన్‌కు ఉరివేసుకుని ఆత్మహత్య చేసుకున్నాడు.

అంబాజీపేట, డిసెంబర్ 19: గత రెండు రోజులుగా వీస్తున్న చలిగాలులకు తట్టుకోలేక అంబాజీపేట మండలం కొర్లపాటివారిపాలానికి చెందిన తెలగారెడ్డి జగన్నాదం(72) బుధవారం తెల్లవారుజామున మృతి చెందారు. కుటుంబ సభ్యులు తెలిపిన వివరాలు ప్రకారం బుధవారం రాత్రి వీచిన చలిగాలులు తట్టుకోలేక జగన్నాదం మృతి చెందాడని వారు తెలిపారు. ఈ మేరకు మృతుడు భార్య పద్దాలు తహసీల్ధార్, పోలీసులకు ఫిర్యాదు చేశారు.

యలమంచిలి, డిసెంబర్ 19: పెథాయ్ తుపాను కారణంగా యలమంచిలి మండలం కొంతేరు గ్రామంలో కురిసిన వర్షాలకు తాటియాకు ఇల్లు కూలి దిరిశాల అనసూయ (82) అనే వృద్ధురాలు మృతి చెందింది. అనసూయ కుమారుడు వెంకటేశ్వరరావు అదే గ్రామంలో అద్దె ఇంట్లో ఉంటున్నాడు. బుధవారం ఉదయం ఇంటికి వచ్చి చూసిన వెంకటేశ్వరరావు తల్లి మృతి చెందినట్టు గుర్తించాడు. సమాచారం అందుకున్న యలమంచిలి పోలీసులు కేసు నమోదు చేసి దర్యాప్తు ప్రారంభించారు.