బొండపల్లి, అక్టోబర్ 8: మండలంలోని గొల్లలపేట సమీపంలో సాయికృష్ణ పాలిటెక్నికల్ కళాశాల వద్ద ఆదివారం రాత్రి 16.6క్వింటాళ్ళ రేషన్ బియ్యం స్థానిక పోలీసులకు చిక్కాయి. వివరాలు ఇలా ఉన్నాయి. నెల్లిమర్ల మండలం పారశాం గ్రామం నుండి టాటా ఎసి ఆటోలో బండారు అప్పారావు అనే కిరాణా వ్యాపారి బొండపల్లి గ్రామానికి తరలిస్తుండగా స్థానిక ఎఎస్సై జగన్నాథం దాడి చేసి వాహనం బియ్యాన్ని స్వాధీనం చేసుకున్నారు.

గాజువాక/పరవాడ, అక్టోబర్ 8: నిత్యం బిజీగా ఉండే లంకెలపాలెం కూడలికి కూతవేటు దూరంలో ఒక వ్యక్తి హత్యకు గురి అయ్యాడు. హత్యకు గల కారణాలపై అన్ని కోణాల్లో పరవాడ పోలీసులు అనే్వషణ చేస్తున్నారు. అక్రమ సంబంధమే సదురు వ్యక్తి హత్యకు కారణంగా అందరూ పోలీసులు ఒక నిర్థారణకు వచ్చారు. మృతుడు బంధువులు ఇచ్చిన ఫిర్యాదు ఆధారంగానే నిందితుడ్ని పోలీసులు గుర్తించినట్లు తెలిసింది.

హుకుంపేట, అక్టోబర్ 8: మండలంలోని తీగలవలస పంచాయతీ కొన్నగరువు గ్రామ సమీపాన గెడ్డలో గుర్తు తెలియని మృతదేహం మంగళవారం లభ్యమయ్యింది. ఈ మార్గంలో కాలినడకన వెళుతున్న గిరిజనులకు గెడ్డ నుంచి దుర్గంధం వెదజల్లడంతో పరిశీలించగా మృతదేహం కనిపించింది. పురుషుని మృతదేహంపై తెల్లచొక్కా, లుంగీ ధరించి ఉందని, గుర్తించలేని విధంగా ఉన్నట్టు చెబుతున్నారు.

సుల్తానాబాద్, అక్టోబర్ 8: ఎన్నికల నేపథ్యంలో సోమవారం సుల్తానాబాద్ మండలంలోని కాట్నపల్లి, రేగడిమద్దికుంట గ్రామాల్లో బెల్టు షాపులు నిర్వహిస్తున్న షాపులపై పోలీసులు దాడులు నిర్వహించి, పది రూపాయల విలువ గల వివిధ రకాల మద్యం బాటిల్లు స్వాధీనపర్చుకొని ముగ్గురిపై కేసు నమోదు చేసినట్లు ఎస్‌ఐ కె.రాజేష్ తెలిపారు. బెల్టు షాపులు నిర్వహిస్తున్న లింగమూర్తి, ముత్యం, శివకుమార్‌లపై కేసు నమోదు చేశామన్నారు.