యాడికి, సెప్టెంబర్ 29 : మండల పరిధిలోని వీరారెడ్డిపల్లికి చెందిన రైతు పేరం శిరీష్‌రెడ్డి (25) విద్యుదాఘాతంతో శనివారం మృతి చెందాడు. స్థానికులు, పోలీసులు తెలిపిన వివరాల మేరకు తన పొలంలో ట్రాన్స్‌ఫారం వద్ద లైన్‌ను ఆఫ్ చేస్తుండగా ప్రమాదవశాత్తు విద్యుత్ షాక్ తగలడంతో అక్కడిక్కడే కుప్పకూలిపోయాడు. వెంటనే రైతులు, కుటుంబీకులు 108 సహాయంతో యాడికి ప్రభుత్వ ఆసుపత్రికి తరలించారు.

మైలవరం, సెప్టెంబర్ 29: మైలవరంలో ఇంజనీరింగ్ చదువుతున్న గోళ్ళ రామకృష్ణ(18) అనుమానాస్పద స్థితిలో మరణించాడు. పోలీసుల కధనం ప్రకారం గుంటూరు జిల్లా వినుకొండ మండలం వేముల గ్రామానికి చెందిన స్థానిక ఎల్బీఆర్సీఇలో సీఎస్సీ ప్రధమ సంవత్సరం చదువుతున్నాడు. ఇతను మైలవరంలోని విజయవాడ రోడ్‌లో ఉన్న గాంధీ కోపరేటివ్ అర్బన్ బ్యాంకు భవనం పై అంతస్తులో ఉన్న ప్రైవేటు హాస్టల్‌లో ఉండి చదువుకుంటున్నాడు.

బొబ్బిలి(రూరల్), సెప్టెంబర్ 29: రైలు ఢీకొని వివాహిత మృతిచెందిన సంఘటన వెలుగుచూసింది. ఇందుకు సంబంధించి రైల్వే పోలీసులు అందించిన వివరాలు ఇలా ఉన్నాయి. మండలం గున్నతోటవలస గ్రామానికి చెందిన కె కళావతి(55) శనివారం ఉదయం పశువులను మేపునకు తరలిస్తు రైల్వేట్రాక్‌ను దాటుతుండగా బొబ్బిలి నుంచి విశాఖ గూడ్స్ రైలు ఇంజన్ వెళ్లడాన్ని గమనించకపోవడంతో ఢీకొంది. దీంతో కళావతి అక్కడికక్కడే మృతిచెందింది.

బాలాపూర్, సెప్టెంబర్ 28: బడంగ్‌పేట్‌లోని ఓ రియల్టర్ ఇంటి తాళాలు పగులగొట్టి దాదాపు రూ.20 లక్షల నగదు, 12 తులాల బంగారు నగలను దోచుకెళ్లిన సంఘటన మీర్‌పేట్ పోలీస్‌స్టేషన్ పరిధిలో శుక్రవారం చోటు చేసుకుంది. సంఘటనకు చెందిన వివరాలు ఈవిధంగా ఉన్నాయి. బడంగ్‌పేట్‌లో నివాసం ఉండే సత్యనారాయణ గౌడ్ కుటుంబ పెద్దలకు బియ్యం ఇవ్వటానికి కుటుంబ సమేతంగా గురువారం మధ్యాహ్నం 11 గంటలకు గగన్‌పహాడ్‌కు వెళ్లాడు.