నక్కపల్లి, సెప్టెంబర్ 21: విశాఖ జిల్లా నక్కపల్లి జాతీయ రహదారిపై శుక్రవారం జరిగిన వేర్వేరు రోడ్డు ప్రమాదాల్లో నలుగురు దుర్మరణం చెందారు. మరో ఆరుగురి పరిస్థితి విషమంగా ఉంది. స్థానిక పోలీసులు తెలిపిన వివరాల ప్రకారం శుక్రవారం తూర్పుగోదావరి జిల్లాకు చెందిన వారు మహేంద్ర వ్యాన్‌లో వస్తూ నక్కపల్లి మండలం గొడిచర్ల జంక్షన్ వద్ద జాతీయ రహదారి సమీపంలో వాహనాన్ని ఆపారు.

చిత్తూరు, సెప్టెంబర్ 21: ఆటోలోనే గర్భిణీ ప్రసవించిన సంఘటన జిల్లా కేంద్రమైన చిత్తూరులోని జిల్లా వైద్యశాల ఆవరణలో శుక్రవారం చోటు చేసుకుంది. ఇంటి వద్ద పురిటి నొప్పులు ఎక్కువ కావడంతో ఆ మహిళను ఆసుపత్రికి తీసుకొస్తుండగా, ఆటో ఆసుపత్రి అవరణలోకి రాగానే ఈ నొప్పులు ఎక్కువ కావడంతో వైద్య సిబ్బంది అప్రమత్తమై ఆటో చుట్టు తెరలు ఏర్పాటు చేసి డెలివరీ చేశారు.

తోటపల్లిగూడూరు, సెప్టెంబర్ 21: బుచ్చిరెడ్డిపాళెంకు చెందిన గంటా అనిత అనే యువతి శుక్రవారం తోటపల్లిగూడూరు మండలంలోని కోడూరు బీచ్‌లో ఆత్మహత్యాయత్నానికి పాల్పడింది. పోలీసులు, స్థానికుల సమాచారం మేరకు వివరాలిలా ఉన్నాయి. గంటా అనిత శుక్రవారం కోడూరు బీచ్‌కు ఒంటరిగా వచ్చి అనుమానాస్పదంగా సంచరిస్తూ సముద్రంలో మునిగి లోతుకుపోవడంతో ఈమె చర్యలను గమనించిన పోలీసులు పసిగట్టి ఆమెను సురక్షితంగా ఒడ్డుకు చేర్చారు.

బంటుమిల్లి, సెప్టెంబర్ 21: మండల పరిధిలోని ముంజులూరు గ్రామంలో ద్విచక్ర వాహనం అదుపు తప్పి పల్టీ కొట్టిన ప్రమాదంలో ఓ యువకుడు దుర్మరణం చెందాడు. సేకరించిన వివరాల ప్రకారం పశ్చిమ గోదావరి జిల్లా ఆకివీడు గ్రామానికి చెందిన వల్లభ శ్యాం కుమార్ చంద్ (19) మచిలీపట్నం నుండి బంటుమిల్లి వైపు ద్విచక్ర వాహనంపై శుక్రవారం వెళుతుండగా ముంజులూరు గ్రామంలోని కంచడం అడ్డ రోడ్డు వద్ద ప్రమాదానికి గురయ్యాడు.