రాజమహేంద్రవరం, సెప్టెంబర్ 17: రాజమహేంద్రవరం కందకంరోడ్డులోని పరుపుల గోదాములో సోమవారం ఉదయం అగ్నిప్రమాదం సంభవించింది. ఈసంఘటనలో సుమారు రూ. 8లక్షల వరకు ఆస్తినష్టం సంభవించినట్లు అంచనా వేస్తున్నారు. వివిధ కంపెనీల పరుపులు విక్రయించే శ్రీ్ఫమ్ ఏజెన్సీస్, సూర్య జనరల్‌స్టోర్ దుకాణానికి చెందిన పరుపులను గోదావరి రైల్వేస్టేషన్‌ను ఆనుకుని ఉన్న ఒక గోదాములో నిల్వ ఉంచారు.

ఏలూరు, సెప్టెంబర్ 17 : విజిలెన్స్ అధికారులు ఏలూరు ప్రాంతంలో సోమవారం విస్తృతంగా దాడులు నిర్వహించారు. ఈ సందర్భంగా మాదేపల్లి రోడ్డులోని గాయత్రి నగర్‌లో ఒక టిపొడి గోడౌన్‌పై దాడిచేసి కల్తీ టిపొడిని స్వాధీనం చేసుకున్నారు. శ్రీను అనే వ్యక్తిని అదుపులోకి తీసుకుని లక్షా 83 వేల రూపాయలు విలువచేసే 1300 కేజీల కల్తీ టిపొడిని విజిలెన్స్ అధికారులు స్వాధీనం చేసుకున్నారు.

సంగం, సెప్టెంబర్ 17: ఓ గుర్తుతెలియని వాహనం కారును ఢీకొన్న ఘటనలో ఒక మహిళ మృతి చెందగా, ఐదుగురికి గాయాలైన సంఘటన సోమవారం సంగం మండల పరిధిలోని పెరమన గ్రామ సమీపంలో జాతీయ రహదారిపై చోటుచేసుకుంది. పోలీసులు తెలిపిన వివరాల మేరకు నెల్లూరుకు చెందిన ఓ కుటుంబం కడప జిల్లాలోని దర్గాను దర్శించుకుని తిరిగి కారులో నెల్లూరు వస్తుండగా గుర్తుతెలియని వాహనం ఢీకొట్టింది.

శ్రీకాళహస్తి, సెప్టెంబర్ 17: శ్రీకాళహస్తి పట్టణంలోని శ్రీరామనగర్ కాలనీలో తొట్టంబేడు జడ్పీటీసీ సభ్యురాలు అనుసూయమ్మ కుమారుడి ఇంట్లో ఆదివారం అర్ధరాత్రి భారీ దోపిడీ జరిగింది. ఈ సంఘటనలో సుమారు 38లక్షల రూపాయలు నగదు, 12లక్షలు విలువ చేసే రెండు వజ్రాల గాజులు వెరసి 50లక్షల రూపాయల భారీ దోపిడీ జరిగింది.