శ్రీశైలం టౌన్, ఆగస్టు 21: శ్రీశైలం జలాశయం వద్ద కృష్ణమ్మ సోయగాలను తిలకించేందుకు వచ్చి కృష్ణానదిలో నలుగురు యువకులు గల్లంతైన ఘటన మంగళవారం చోటు చేసుకుంది. పోలీసులు తెలిపిన వివరాల మేరకు ప్రకాశం జిల్లా మార్కాపురంకు చెందిన అనిల్‌కుమార్, జిలాని, కాశీంవలి, వెంకటేశ్వర్లు రెండు బైక్‌లపై శ్రీశైలం డ్యాం వద్దకు మంగళవారం మధ్యాహ్నం చేరుకున్నారు. గేట్లను తిలకించేందుకు శ్రీశైలం డ్యాం వద్దకు చేరుకున్నారు.

ముజఫర్‌పుర్, ఆగస్టు 21: పంజాబ్ మంత్రి నవజోత్ సింగ్ సిద్థూపైన ఇక్కడి కోర్టులో దేశ సమగ్రత దెబ్బతీసే విధంగా వ్యవహరించారని అభియోగంపై స్థానిక న్యాయవాది ఫిర్యాదు చేశారు. ఒకవైపు మన దేశ సరిహద్దుల్లో జవాన్లు ప్రాణాలొడ్డి పోరాటం చేస్తుంటే, శత్రుదేశ ఆర్మీ చీఫ్‌ను ఆలింగనం చేసుకోవడంపై సర్వత్రా విమర్శలు తలెత్తుతున్న విషయం విదితమే. స్థానిక న్యాయవాది సుధీర్ కుమార్ ఓహజా పంజాబ్ మంత్రి సిద్ధూపై ఫిర్యాదు చేశారు.

ఉజ్జయిని (మధ్యప్రదేశ్), ఆగస్టు 21: బాలికపై అత్యాచారానికి పాల్పడిన పధ్నాలుగేళ్ల బాల నేరస్థుడికి కేసు విచారణ వచ్చిన ఏడు గంటల వ్యవధిలోనే జువెనైల్ కోర్టు శిక్ష విధించడం సర్వత్రా చర్చనీయాంశమైంది. ఇక్కడి జువైనల్ జస్టిస్ బోర్డు న్యాయమూర్తి త్రిప్తిపాండే తీర్పునిచ్చిన ఈ కేసు అత్యంత స్వల్ప వ్యవధిలో వేగవంతంగా నిందితుడికి శిక్ష విధించిన కేసుగా గణుతికెక్కింది.

హైదరాబాద్: కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, ఎస్‌ఏ సంపత్ కుమార్ సభాబహిష్కరణ వ్యవహారంలో తెలంగాణ సర్కార్‌కు హైకోర్టులో ఊరట లభించింది. ఇద్దరు ఎమ్మెల్యేల అసెంబ్లీ సభ్యత్వం రద్దుపై హైకోర్టు సింగిల్ బెంచ్ ఆదేశాలను డివిజన్ ధర్మాసనం రెండు నెలలు పాటు నిలిపివేసింది. కోమటిరెడ్డి వెంకటరెడ్డి, సంపత్‌ను ఎమ్మెల్యేలుగా గుర్తించాలని గతంలో సింగిల్ బెంచ్ తీర్పును తెలంగాణ ప్రభుత్వం సవాల్ చేసింది.