సంతమాగులూరు, జూలై 22: ఆగి ఉన్న లారీని వెనుకనుండి వస్తున్న లారీ ఢీకొట్టడంతో ఆగిన్న లారీ ముందు నిల్చుని ఉన్న వ్యక్తిపైకి లారీ దూసుకెళ్లడంతో అతను మృతిచెందగా ముగ్గురు వ్యక్తులకు తీవ్రగాయాలయ్యాయి. ఈ ప్రమాదం అద్దంకి-నర్కెట్‌పల్లి రహదారిలో వైదన సమీపంలోని పెట్రోలు బంకు వద్ద ఆదివారం వేకువజామున జరిగింది.

రామగిరి, జూలై 22 : మండలంలోని ఎం.సీ.పల్లి గ్రామ సమీపంలోని పొలంలో ట్రాక్టర్ బోల్తాపడి ఓ రైతు అక్కడికక్కడే మృతి చెందాడు. ఆదివారం ఉదయం గరిమేకలపల్లి గ్రామానికి చెందిన రైతు నాగేష్ (27) తన పొలంలో ట్రాక్టర్‌తో వ్యవసాయం చేసుకుంటూ వెనుకకు చూసి బోదులు పరిశీలిస్తుండడంతో ట్రాక్టర్ ముందున్న పాడుబావిలోకి వెళ్ళింది. దీంతో ట్రాక్టర్ నడుపుతున్న నాగేష్ ట్రాక్టర్ కిందపడి అక్కడికక్కడే మృతి చెందాడు.

గుత్తి, జూలై 22 : పట్టణ శివార్లలోని ఆశానగర్ శివార్లలో గుర్తు తెలియని వ్యక్తి ఆత్మహత్య చేసుకున్న ఘటన ఆదివారం ఆలస్యంగా వెలుగులోకి వచ్చింది. గుత్తి ఎస్‌ఐ యువరాజ్ తెలిపిన వివరాల మేరకు పట్టణ శివార్లలోని ఆశానగర్ వెనుకవైపు గుట్టల్లో గుర్తు తెలియని 65 సంవత్సరాల వ్యక్తి ఆత్మహత్య చేసుకున్నట్లు స్థానికులు సమాచారం అందించారు. వెంటనే ఘటనా స్థలాన్ని పరిశీలించగా మృతదేహం వద్ద పురుగుల మందు డబ్బా ఉంది.

ఉప్పల్, జూలై 21: బోడుప్పల్‌లో మేడిపల్లి పోలీసులు శుక్రవారం అర్ధరాత్రి నుంచి శనివారం ఉదయం వరకు నిర్భంద తనిఖీలు నిర్వహించారు. తొలుత ప్రధాన వీధులన్నీ నిర్భందించి దేవేందర్ నగర్, ఇందిరానగర్, రాజీవ్ నగర్ కాలనీలను ఆధీనంలోకి తీసుకుని ఇంటింటికి వెళ్లి నిర్భంద తనిఖీలు నిర్వహించారు. ఇంటింటికి వెళ్లి ఇంటి యజమాని ఏమి చేస్తారు, ఎంత మంది నివసిస్తున్నారని పూర్తి సమాచారం సేకరించారు.