చీరాల, ఏప్రిల్ 26: క్రికెట్ బెట్టింగ్ నిర్వహిస్తున్న బృందాన్ని ఒకటవ పట్టణ పోలీసులు అరెస్టు చేశారు. పోలీసులు తెలిపిన వివరాల మేరకు పట్టణంలోని లక్ష్మీ థియేటర్, బండపాలెం ప్రాంతాలలో బెట్టింగ్ జరుగుతుందన్న సమాచారం మేరకు సీఐ సూర్యనారాయణ ఆదేశాలతో సిబ్బంది దాడులు నిర్వహించారు.

మాచర్ల, ఏప్రిల్ 26: ఇంటి పన్ను తగ్గించేందుకు రూ. 18 వేలు లంచం తీసుకుంటున్న మున్సిపల్ ఆర్‌ఐ ప్రసాద్‌ను ఏసిబి అధికారులు దాడి చేసి పట్టుకున్నారు. సంఘటన వివరాలిలా ఉన్నాయి. పట్టణానికి చెందిన కాటేపల్లి వేణుగోపాల్‌కు సొసైటీకాలనీ అన్నపూర్ణేశ్వరి ఆలయం ఎదురు మూడంతస్తుల భవనం ఉంది. కింద ఇంటికి 800 ఇంటి పన్ను ఉండగా మిగిలిన రెండు భవనాలకు కొత్తగా పన్ను విధించాలని ఆర్‌ఐ ప్రసాద్‌ను కలిశారు.

మదనపల్లె, ఏప్రిల్ 26: ఐపిఎల్ మ్యాచ్‌లను క్రికెట్ బెట్టింగ్‌లుగా మార్చుకుని వేర్వేరు ప్రాంతాలలో బెట్టింగ్ జూదాలు ఆడుతున్న 17మంది బెట్టింగ్ రాయుళ్లను గురువారం అరెస్టుచేసినట్లు మదనపల్లె డిఎస్‌పి చిదానందరెడ్డి తెలిపారు. వారి వద్ద నుంచి 19 సెల్‌ఫోన్‌లు, రూ.78,380 నగదు స్వాధీనం చేసుకున్నట్లు తెలిపారు. గురువారం మదనపల్లె వన్‌టౌన్ సర్కిల్ కార్యాలయంలోఏర్పాటు చేసిన విలేఖరుల సమావేశంలో వారు మాట్లాడారు.

ముంబయి, ఏప్రిల్ 25: సోహ్రాబుద్దీన్ షేక్ బూటకపుఎన్‌కౌంటర్ కేసులో సీనియర్ పోలీసులు అధికారులకు విముక్తికల్పించడాన్ని సవాల్ చేస్తూ దాఖలైన రివ్యూపిటిషన్ స్వీకరించిన బాంబే హైకోర్టు జూన్‌లో పునఃవిచారణ జరపనున్నట్టు వెల్లడించింది. సోహ్రాబుద్దీన్ సోదరుడు రుబాబుద్దీన్, సీబీఐ ఈ రివ్యూపిటిషన్లు దాఖలు చేశాయి. మొత్తం మూడు పిటిషన్లు దాఖలయ్యాయి.