అందాల తార శ్రీదేవి ముద్దుల కూతురు జాహ్నవి గూర్చి ప్రత్యేకంగా పరిచయం చేయాల్సిన అవసరం లేదు. శ్రీదేవి ఇద్దరు కూతుళ్లలో పెద్దదైన జాహ్నవి ఇప్పుడు సినీ రంగంలో తన అదృష్టాన్ని పరీక్షించుకునేందుకు సిద్ధవౌతోంది. తల్లి శ్రీదేవి ఇప్పుడే వద్దని వారిస్తున్నా అక్కడక్కడ తన తెరంగేట్రానికి సంబంధించిన విషయాలను జాహ్నవి చెబుతూనే వుంది. ప్రస్తుతం శ్రీదేవి మామ్ చిత్రంలో నటిస్తూ షూటింగ్ కోసం జార్జియ వెళ్లింది.

2001లో ‘ఇష్టం’ సినిమాతో సినీ రంగం ప్రవేశం చేసిన ఢిల్లీ భామ శ్రీయకు సంతోషం సినిమా గుర్తింపు తెచ్చిపెట్టింది. ఆ తర్వాత తెలుగు తమిళ భాషల్లో దాదాపు అందరూ స్టార్ హీరోల సరసన నటించి, మెప్పించింది. స్వతహాగా డాన్సర్ అయిన ఆమె తాజాగా ‘ఊపిరి’లో నాగ్‌కు జోడిగా నటించారు. ఇటీవల అవకాశాలు బాగా తగ్గినప్పటికీ టైమ్స్‌మోస్ట్ డిజైరబుల్ ఉమెన్ లిస్ట్‌లో ఈ ఏడాది శ్రీయ ఆరో స్థానంలో నిలవడం విశేషం.

కేన్స్ ఫిల్మ్ ఫెస్టివల్‌లో బాలీవుడ్ తారలో మరోసారి మెరిశారు. ఈనెల 11న ప్రారంభమైన ఈ చిత్రోత్సవంలో ఇప్పటికి మూడుసార్లు రెడ్‌కార్పెట్‌పై ప్రత్యక్షమైన అందాల తార ఐశ్వర్యరాయ్ ప్రత్యేక ఆకర్షణగా నిలిచారు. మొదట కువైట్ డిజైనర్ అలీ యూనిస్ రూపొందించిన పసిడివర్ణపు దుస్తుల్లో మెరిసిపోయింది. ఆ తరువాత ఎన్‌ఆర్‌ఐ డిజైనర్ నరుూంఖాన్ రూపొందించిన ఎర్రటి దుస్తుల్లో మిలమిల మెరిసింది.

రామ్, సంతోష్ శ్రీనివాస్ కాంబినేషన్‌లో 14 రీల్స్ ఎంటర్‌టైన్‌మెంట్స్ పతాకంపై ఓ సినిమా ప్రారంభమైన సంగతి తెలిసిందే. కథానాయకుడి పుట్టినరోజు సందర్భంగా ఈ చిత్రానికి సంబంధించిన విశేషాలను నిర్మాతలు రామ్ ఆచంట, గోపీచంద్ ఆచంట, అనిల్‌సుంకర తెలియజేశారు.