తమిళ హీరోలకు సినిమాల్లో ప్రయోగాలు చేయడం ఇవాళ కొత్తకాదు. కమల్‌హాసన్ నుండి ఇప్పుడొస్తున్న హీరోలవరకూ అందరూ విభిన్న పాత్రలతో వైవిధ్యమైన ప్రయోగాలు చేసినవారే. తాజాగా సూర్య ‘24’ చిత్రంలో మూడు పాత్రలు చేసిన విషయం తెలిసిందే. ఇప్పుడు అదే కోవలో ఆయన తమ్ముడు కార్తి మూడు పాత్రల్లో నటించేందుకు సిద్ధమయ్యాడు. ‘కాష్మోరా’ పేరుతో తెరకెక్కే ఈ చిత్రంలో మూడు పాత్రల్లో కన్పించనున్నాడు.

పాకిస్తాన్ జైలులో మగ్గి హత్యకు గురైన భారతీయ పౌరుడు సరబ్‌జిత్ జీవితకథ ఆధారంగా తెరకెక్కుతున్న ‘సరబ్‌జిత్’ సినిమా ప్రమోషన్‌లో భాగంగా ముంబైలో ఓ టీవీ రియాల్టి షోలో పాల్గొన్న బాలీవుడ్ తార ఐశ్వర్యరాయ్. మనీష్ మల్రోత్రా రూపొందించిన ప్రత్యేక దుస్తుల్లో మిలమిల మెరిసిన ఐష్ ఈ చిత్రంలో సరబ్‌జిత్ సోదరిగా నటిస్తున్న విషయం తెలిసిందే. సరబ్‌జిత్ విడుదలకోసం అతడి సోదరి చేసిన పోరాడిన తీరు అందరికీ తెలిసిందే.

సౌత్‌లో టాప్ హీరోయిన్‌గా వెలుగొందుతున్న అందాల భామ కాజల్, ప్రస్తుతం తెలుగు, తమిళ భాషల్లో బిజీగా వుంది. ఇప్పటికే స్టార్ హీరోల సినిమాల్లో వరసగా ఛాన్సులు కొట్టేస్తున్న ఈమె ప్రస్తుతం మహేష్ సరసన బ్రహ్మోత్సవం, తమిళ్‌లో విజయ్ సరసన ఓ చిత్రంలో నటిస్తోంది. ప్రస్తుతం కాజల్‌కు టాలీవుడ్‌లో క్రేజ్ బాగానే వుంది. ముఖ్యంగా ఆమె సోషల్ నెట్‌వర్కింగ్ సైట్లను బాగానే ఫాలో అవుతోంది.

ప్రస్తుతం హారర్ చిత్రాల హవా ఎక్కువవ్వడంతో దక్షిణాదిలో ఈ చిత్రాలను రూపొందించేందుకు దర్శక నిర్మాతలు అమితాసక్తిని ప్రదర్శిస్తున్నారు. మరోవైపు హీరోయిన్లు కూడా ఈ తరహా చిత్రాల్లో నటించి క్రేజ్ తెచ్చుకునేందుకు పోటీపడుతున్నారు. ప్రస్తుతం ‘నాయకి’ చిత్రంలో నటిస్తోన్న త్రిష, ఇటీవలే తన 32వ పుట్టినరోజును జరుపుకున్న విషయం తెలిసిందే. ఈ సందర్భంగా మరో హారర్ సినిమాలో నటించేందుకు ఓకె చెప్పిందట.