నాగచైతన్య, మంజిమా మోహన్ జంటగా గౌతమ్‌మీనన్ దర్శకత్వంలో తెరకెక్కుతున్న సాహసం శ్వాసగా సాగిపో చిత్రం త్వరలో విడుదలకు సిద్ధవౌతోంది. ఏం మాయ చేశావే సంచలన హిట్ తర్వాత వీరిద్దరి కాంబినేషన్‌లో వస్తున్న ఈ సినిమాపై భారీ అంచనాలే నెలకొన్నాయి. రొమాంటిక్ యాక్షన్ ఎంటర్‌టైనర్‌గా తెరకెక్కిన ఈ సినిమాకు ఎ.ఆర్.రెహమాన్ సంగీతం అందిస్తున్నారు. ఈ చిత్రంలోని పాటల్ని ఈనెల 25న విడుదల చేసేందుకు సన్నాహాలు చేస్తున్నారు.

అందాల భామ శ్రుతిహాసన్‌కు దక్షిణాదిలో మంచి పాపులారిటీ వుంది. ముఖ్యంగా తెలుగులో ఈమెకు శ్రీమంతుడు, ఎవడు, రేసుగుర్రం సినిమాల విజయాలతో జోరుమీదున్నా కూడా ప్రస్తుతం తెలుగులో చెప్పుకోదగ్గ చిత్రాల్లో మాత్రం నటించడంలేదు. మరోవైపు తమిళంలో కూడా అంతంతమాత్రంగానే సినిమాలను ఎంచుకుంటోంది. ప్రస్తుతం ఆమె తెలుగులో చేస్తున్న ఒకే ఒక చిత్రం ‘ప్రేమమ్’. ఇందులో కూడా తన పాత్ర కొద్దిసేపే ఉంటుంది.

కార్తీక్, శే్వతావర్మ జంటగా జి.కె.సినిమాస్ పతాకంపై నౌషాద్ దర్శకత్వంలో రూపొందుతున్న చిత్రం ‘లవ్ చెయ్యాలా వద్దా’. జి.వి.రమణ, సి.సంతోష్ నిర్మాతలు.

ప్రదీప్, ధీరేంద్ర, కిరణ్, సాయితేజ, అంబేద్కర్, మమత ప్రధాన పాత్రలుగా తార, నీలు కోఆపరేషన్ బ్యానర్ పతాకంపై ఎం.ఎస్.బాబు స్వీయ దర్శకత్వంలో తెరకెక్కుతున్న ‘మంత్రం తంత్రం యంత్రం’ చిత్రం శనివారం హైదరాబాద్‌లో ప్రారంభమైంది. ముహూర్తపు సన్నివేశానికి ప్రముఖ దర్శకుడు దాసరి నారాయణరావు క్లాప్‌నివ్వగా, వరంగల్ ఎం.పి. దయాకర్ కెమెరా స్విచ్చాన్ చేయగా, గీత రచయిత చంద్రబోస్ గౌరవ దర్శకత్వం వహించారు.