S ,7 à 8 RSCA (si SASPAS) et 6 cialis pharmacie cialis rapports de stage.
ప్రముఖ నటుడు పవన్‌కళ్యాణ్ క్రేజ్ టాలీవుడ్‌లో ఎలాంటిదో అందరికీ తెలిసిందే. ఆయన తాజాగా నటిస్తున్న ‘సర్దార్ గబ్బర్‌సింగ్’ సినిమాతో బాలీవుడ్‌లోకి ఎంట్రీ ఇస్తున్నాడు. కె.ఎస్.రవీంద్ర దర్శకత్వంలో తెరకెక్కుతున్న ‘సర్దార్ గబ్బర్‌సింగ్’ చిత్రం ఏప్రిల్ 8న భారీగా విడుదల చేయడానికి సన్నాహాలు చేస్తున్నారు.
ప్రముఖ నటుడు నందమూరి బాలకృష్ణ తన వందో చిత్రానికి సన్నాహాలు మొదలుపెట్టాడు. ఈ సినిమాపై రకరకాల వార్తలు వినిపించిన నేపథ్యంలో తన వందో చిత్రాన్ని క్రిష్ దర్శకత్వంలో చేస్తున్నట్టు ప్రకటించాడు బాలకృష్ణ. పురాతనకాలంనాటి కథతో తెరకెక్కే సినిమా కావడంతో దానికి సంబంధించిన హావభావాలు, వేషభాషల విషయంలో శిక్షణ తీసుకుంటున్నట్టు తెలిసింది. ఇప్పటికే ఆయన గుర్రపు స్వారీ కూడా నేర్చుకోవాలని సిద్ధమవుతున్నాడట.
‘ఇలా చేస్తే ప్రేక్షకులు ఆదరించరేమో అనే అనుమానాన్ని మనమే ఎక్కువ చేసుకుంటున్నాం. నిజానికి మనం చూపించేది కరెక్టుగా వుంటే వాళ్లు తప్పకుండా రిసీవ్ చేసుకుంటారు’ అని అంటున్నారు దర్శకుడు వంశీ పైడిపల్లి. ‘మున్నా’ సినిమాతో కెరీర్ ప్రారంభించి ‘బృందావనం’, ‘ఎవడు’ వంటి చిత్రాలతో స్టైలిష్ మేకర్‌గా పేరుతెచ్చుకున్నాడు. ఆయన తాజాగా రూపొందిస్తున్న చిత్రం ‘ఊపిరి’.
సుమంత్ అశ్విన్ కథానాయకుడుగా శ్రీ సత్య ఎంటర్‌టైన్‌మెంట్స్ పతాకంపై జె.వంశీకృష్ణ రూపొందిస్తున్న చిత్రం
కమెడియన్‌గా స్టార్ ఇమేజ్‌ని స్వంతం చేసుకుని ‘అందాల రాముడి’తో హీరోగా మారిన సునీల్, ప్రస్తుతం ‘ఈడు గోల్డెహె’, ‘జక్కన్న’ చిత్రాల్లో నటిస్తున్నాడు. ఈ సినిమాల తరువాత ఆయన చేసే తదుపరి చిత్రానికి సన్నాహాలు మొదలయ్యాయి. సునీల్ హీరోగా నటించే చిత్రానికి క్రాంతిమాధవ్ దర్శకత్వం వహిస్తాడు.
తమిళంతోపాటు తెలుగులోనూ స్టార్ హీరోగా గుర్తింపు తెచ్చుకున్న సూర్య తాజాగా నటిస్తున్న చిత్రం ‘సింగం-3’. సింగం సిరీస్‌లో భాగంగా వచ్చిన రెండు చిత్రాలు సంచలన విజయం సాధించడంతో ఇప్పుడు మూడో సినిమా తెరకెక్కుతోంది. హరి దర్శకత్వంలో రూపొందుతున్న ఈ చిత్రంలో అనుష్క హీరోయిన్‌గా నటిస్తోంది. ఇటీవలే విదేశాల్లో చిత్రీకరణ పూర్తిచేసుకున్న ఈ సినిమా ట్రైలర్‌ను త్వరలో విడుదల చేయడానికి సన్నాహాలు చేస్తున్నారు.
బాలీవుడ్‌లో ఎక్కువగా సినిమాలు చేయకపోయినా కమర్షియల్ యాడ్స్‌లో నటిస్తూ మరోవైపు హాట్ హాట్ ఫొటో షూట్‌లతో క్రేజ్ తెచ్చుకున్న అందాల భామ పరిణీతి చోప్రా త్వరలో దక్షిణాది భాషల్లోకి ఎంటర్ అవడానికి సన్నాహాలు జరుగుతున్నాయి. ప్రముఖ నటుడు మహేష్‌బాబు హీరోగా మురగదాస్ దర్శకత్వంలో తెరకెక్కే చిత్రంలో పరిణీతిని హీరోయిన్‌గా అడిగారు. ఈ సినిమా చేయడానికి ఈ భామ రెమ్యూనరేషన్ బాగానే డిమాండ్ చేసిందట.
జి.వి.ప్రకాష్, శ్రీదివ్య జంటగా హరివెంకటేశ్వర పిక్చర్స్ పతాకంపై మణినాగరాజ్ దర్శకత్వంలో జి.హరి రూపొందిస్తున్న చిత్రం ‘పెన్సిల్’. తెలుగు, తమిళ భాషల్లో రూపొందిన ఈ చిత్రానికి సంబంధించిన ఫస్ట్‌లుక్ గౌతమ్‌మీనన్ విడుదల చేశారు.
సంజీవ్ జాదవ్, పవిత్ర, బ్రమిని ప్రధాన తారాగణంగా ఎస్.జె.ఆర్ట్స్ ప్రొడక్షన్స్ పతాకంపై కుమార్.బి సమర్పణలో రూపొందిస్తున్న చిత్రం ‘జానూ నువ్వెక్కడ?’. సురేష్ దర్శకత్వంలో దీపక్, సోహైల్ జిలాని రూపొందిస్తున్న ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి.
‘పిల్లా నువ్వు లేని జీవితం’, ‘సుబ్రహ్మణ్యం ఫర్ సేల్’, ‘శౌర్య’ వంటి హిట్ చిత్రాలతో స్టార్ హీరోయిన్‌గా మారిన నటి రెజీనా, శ్రీనివాస్ అవసరాల దర్శకత్వంలో తెరకెక్కనున్న ‘జో అచ్యుతానంద’ సినిమాలో హీరోయిన్‌గా చేయనుంది. గతంలో ‘ఊహలు గుహగుసలాడే’ వంటి రొమాంటిక్ సినిమాని ప్రేక్షకులకందించిన అవసరాల శ్రీనివాస్ ఈ సినిమాని ఇద్దరు అన్నదమ్ముల కథకు ప్రేమకథను జోడించి తెరకెక్కించనున్నట్లు తెలుస్తోంది.