హుస్సేన్ షా కిరణ్ దర్శకత్వంలో తరుణ్‌శెట్టి, అవంతికా జంటగా నకమా ప్లానెట్ గ్రీన్ స్టూడియోస్ పతాకంపై రూపొందించిన చిత్రం ‘మీకు మీరే..మాకు మేమే..’ ఈ చిత్రానికి సంబంధించిన పాటల సీడీని హైదరాబాద్‌లో అల్లు అరవింద్ విడుదల చేశారు. ఈ సందర్భంగా ఆయన మాట్లాడుతూ దర్శకుడు చేసిన లఘు చిత్రాలను చూసి ఆశ్చర్యపోయి తనకు ఓ చిత్రం చేయమని అడిగానని, ఉద్యోగం వదిలేసి సినిమాపై ఆసక్తితో ఆయన వచ్చారని తెలిపారు.

బెల్లంకొండ సాయి శ్రీనివాస్, సొనారిక జంటగా తమిళ సందరపాండ్యన్‌కు రీమేక్‌గా భీమనేని శ్రీనివాసరావు దర్శకత్వంలో రూపొందించిన చిత్రం స్పీడున్నోడు. భీమనేని సునీత నిర్మాత. ఫిబ్రవరి 5న విడుదల చేసిన ఈ సినిమా సక్సెస్‌మీట్ హైదరాబాద్‌లో నిర్వహించారు. ఈ సందర్భంగా భీమనేని శ్రీనివాసరావు మాట్లాడుతూ సినిమా అన్ని థియేటర్లలో సక్సెస్‌ఫుల్‌గా రన్ అవుతోందన్నారు. టీం ఎఫర్ట్ వలనే ఈ విజయం సాధ్యమైందన్నారు.

‘హార్ట్ ఎటాక్’ సినిమాతో తెలుగు ప్రేక్షకులకు బాగా దగ్గరైంది అందాల ముద్దుగుమ్మ అదాశర్మ. ఆ తరువాత వరుస అవకాశాలతో దూసుకుపోతోంది. ‘సన్నాఫ్ సత్యమూర్తి’, ‘సుబ్రహ్మణ్యం ఫర్‌సేల్’ చిత్రాల్లో నటించిన ఈ భామ తాజాగా ఆదితో కలిసి గరంగరంగా ప్రేక్షకులను ఆకట్టుకునేందుకు ప్రేక్షకుల ముందుకు రానుంది.

సౌత్ గ్లామర్ భామ త్రిష ఇప్పుడు వరుసగా సినిమాలుచేస్తూ మంచి జోరుమీదుంది. ఇప్పటికే ఈ భామ వరుస అవకాశాలతో దూసుకుపోతోంది. గ్లామర్ భామగా ఆకట్టుకుంటున్న త్రిషకు ఇప్పుడు ఆ హీరోతో నటించాలని తెగ ఆరాటపడుతుంది. ఇప్పటికే స్టార్ హీరోలతో నటించిన ఈ అమ్మడు నటించాలనుకున్న హీరో ఎవరో తెలుసా? తమిళ సూపర్‌స్టార్ అజిత్? అవును ఇప్పటివరకు ఆయనతో ఆమె నటించలేదు. ఆయన సరసన నటించే అవకాశంకోసం రెడీగా ఉన్నానంటూ చెప్పింది.