దర్శకురాలు జయ రూపొందించిన ‘వైశాఖం’ చిత్రం లవ్‌లీ చిత్రం కంటే పెద్ద విజయం సాధిస్తుందని, మహిళా దర్శకురాలిగా విజయనిర్మల తరువాత ఎక్కువ సినిమాలకు దర్శకత్వం వహించిన ఘనత ఆమెకే చెందుతుందని దర్శకుడు వివి వినాయక్ అన్నారు. హరీశ్, అవంతిక జంటగా ఆర్‌జె సినిమాస్ పతాకంపై బిఎ రాజు రూపొందించిన చిత్రం ‘వైశాఖం’. అన్ని కార్యక్రమాలు పూర్తి చేసుకుని త్వరలో విడుదలకు సిద్ధమవుతోంది.

రానా కథానాయకుడిగా తేజ దర్శకత్వంలో రూపొందిస్తున్న చిత్రం ‘నేనే రాజు నేనే మంత్రి’. కాజల్ కథానాయికగా నటిస్తున్న ఈ పొలిటికల్ థ్రిల్లర్ చిత్రానికి సంబంధించిన టీజర్‌ను కథానాయకుడు రానా తన ట్విట్టర్ ద్వారా విడుదల చేశారు. తాతగారి జయంతి సందర్భంగా టీజర్‌ను విడుదల చేస్తున్నామని, తాను పోషిస్తున్న జోగేంద్ర పాత్ర స్వభావాన్ని టీజర్‌లో పరిచయం చేశామన్నారు.

నూతన నటీనటులు సజీవ్, రాజు, లావణ్యరావ్, టీనా రాథోడ్‌లను హీరో హీరోయిన్లుగా పరిచయం చేస్తూ న్యూటాలెంట్ ప్రొడక్షన్స్ బ్యానర్‌పై శ్రీ సాయిగణేష్ నిర్మిస్తున్న చిత్రం ‘లోకల్ ఆటో’. నందు జెన్న ఈ చిత్రం ద్వారా దర్శకుడిగా పరిచయం అవుతున్నాడు. ప్రేమ, మాఫియా బ్యాక్‌డ్రాప్ నేపథ్యంలో రూపొందుతున్న చిత్రం టైటిల్ మరియు చిత్ర యూనిట్ వివరాలను నిర్మాత శ్రీ సాయిగణేష్ వెల్లడించారు.

ఏ గ్రీన్ ట్రీ ప్రొడక్షన్స్ పతాకంపై ఇంద్రగంటి మోహనకృష్ణ దర్శకత్వంలో నరసింహరావు కెసి రూపొందించిన చిత్రం ‘అమీ తుమీ’. శ్రీనివాస్ అవసరాల, అడివి శేష్, ఈషా, అతిథి ప్రధాన తారాగణంగా నటించిన ఈ చిత్రానికి సంబంధించిన ప్రీ రిలీజ్ వేడుక మంగళవారం హైదరాబాద్‌లో జరిగింది. ఈ సందర్భంగా చిత్ర దర్శకుడు మోహనకృష్ణ మాట్లాడుతూ పూర్తి హాస్యభరిత చిత్రంగా రూపొందిన చిత్రంలో అన్ని పాత్రలు కడుపుబ్బ నవ్విస్తాయన్నారు.