S ,7 à 8 RSCA (si SASPAS) et 6 cialis pharmacie cialis rapports de stage.
మోహనకృష్ణ, శిరీష, సౌజన్య ప్రధాన తారాగణంగా మాణిక్య మూవీస్ పతాకంపై గంగారపు లక్ష్మణమూర్తి దర్శకత్వంలో రాజు రూపొందించిన చిత్రం ‘బావామరదలు’. ఈ సినిమాకు సంబంధించిన పోస్ట్ ప్రొడక్షన్స్ జరుగుతున్నాయి. ఈ సందర్భంగా దర్శకుడు లక్ష్మణమూర్తి మాట్లాడుతూ ‘ఓ మంచి కథను నిర్మాతే తయారు చేసుకొన్నాడు. దర్శకుడి గురించి ఆలోచిస్తూ, నేను రూపొందించిన ‘అతడు ఆమె ఓ స్కూటర్’ తీసిన విధానం నచ్చడంతో నన్ను పిలిచి అవకాశమిచ్చారు.
అడల్ట్ కంటెంట్‌తో అలరించేందుకు అవసరాల శ్రీనివాస్ సిద్ధమైపోయాడు. అభిషేక్ పిక్చర్స్ అధినేత అభిషేక్ నామా, అవసరాలను హీరోగా పెట్టి నిర్మించిన చిత్రమే ‘బాబు బాగా బిజీ’. బాలీవుడ్ హిట్ చిత్రం ‘హంటర్’కి తెలుగు రీమేక్ ఇది. నవీన్ మేడారం దర్శకుడిగా పరిచయమవుతున్న చిత్రంలో మిస్తీ చక్రవర్తి, తేజస్వి మదివాడ, సుప్రియ ఐసోల, శ్రీముఖి హీరోయిన్లుగా నటిస్తున్నారు.
పవన్‌కళ్యాణ్ హీరోగా త్రివిక్రమ్ దర్శకత్వంలో రూపొందుతున్న చిత్రానికి సంబంధించిన షూటింగ్ ప్రస్తుతం ఆర్‌ఎఫ్‌సిలో వేసిన భారీ సెట్‌లో జరుగుతోంది. జల్సా, అత్తారింటికి దారేది సినిమాల తరువాత హ్యట్రిక్ చిత్రంగా రూపొందుతున్న సినిమా టైటిల్‌పై రకరకాల కథనాలు వినిపిస్తున్నాయి. ఇప్పటికే సినిమాకు ‘దేవుడే దిగివచ్చినా’ అనే టైటిల్ ప్రచారంలో వున్న సంగతి తెలిసిందే. తరువాత ఇంజనీరు బాబు అనే పేరు కూడా వినిపిస్తోంది.
భారతదేశంలో సినిమా పరిశ్రమ అగ్రస్థానంలో నిలిచే స్థాయికి ఎదిగే ప్రయత్నాలు చేస్తోంది. రోజురోజుకూ సినిమాల నిర్మాణం పెరుగుతుండటం, మరోపక్క మల్టీ ప్లెక్స్ థియేటర్ల నిర్మాణం జోరందుకోవడంతో సినిమా పరిశ్రమ అగ్రస్థానంవైపు బలమైన అడుగులేస్తోంది. ఎంటర్‌టైన్‌మెంట్ యాంగిల్‌లో సినిమా ఒక్కటే సులువుగా అందుబాటులో ఉండటంతో ప్రేక్షకులూ పెరుగుతున్నారు. దానికితోడు షార్ట్ఫిలింస్, యాడ్స్ రూపంలోనూ నిర్మాణాలు సాగుతున్నాయి.
సునీల్ హీరోగా క్రాంతి మాధవ్ దర్శకత్వంలో రూపొందుతున్న చిత్రం ‘ఉంగరాల రాంబాబు’. ప్రస్తుతం షూటింగ్ కార్యక్రమాలు పూర్తి చేసుకుని డబ్బింగ్ కార్యక్రమాలు జరుపుకుంటోంది. నిర్మాత పరుచూరి కిరీటి యునైటెడ్ కిరీటి మూవీస్ లిమిటెడ్ బ్యానర్‌పై చిత్రాన్ని నిర్మిస్తున్నారు. ఉంగరాల రాంబాబును మేలో థియేటర్లకు తెచ్చేందుకు చిత్రబృందం సిద్ధమవుతోంది. సునీల్ సరసన మియా జార్జ్ అలరించనుంది.
వైజాగ్, అరకు, రాజమండ్రి అందాలను చూపిస్తూ కొత్తనటులు గోపీకిరణ్, ఐశ్యర్య లీడ్‌రోల్స్‌లో నటిస్తున్న చిత్రం 3నేత్ర2 మై స్వీట్ హార్ట్. రామ్ క్రియేషన్స్ పతాకంపై పీరికట్ల రాము నిర్మిస్తోన్న చిత్రానికి దర్శకుడు రెడ్డెమ్ యాదకుమార్. పోస్ట్ ప్రొడక్షన్స్ పనులు ముగింపులో ఉన్నాయని, లవ్, హారర్, కామెడీ ఎంటర్‌టైనర్‌గా చిత్రం అందరినీ అలరిస్తుందన్నారు.
బాహుబలి -కన్‌క్లూజన్ విడుదలకు సిద్ధమవుతోంది. ఐదేళ్లు ఈ ప్రాజెక్టు కోసమే సమయాన్ని కేటాయించిన ప్రభాస్ కూడా కొత్త ప్రాజెక్టు కోసం దాదాపు రంగం సిద్ధం చేసుకున్నాడు. బాహుబలి విడుదలవ్వడమే తరువాయి, తరువాతి ప్రాజెక్టును పట్టాలెక్కించేందుకు ఆతృతతో చూస్తున్నాడు. బాహుబలి-కన్‌క్లూజన్ విడుదల కోసమే నేనూ చూస్తున్నా.
ప్రస్తుతం దేశవ్యాప్తంగా స్వదేశీ ఉత్పత్తుల ప్రచారం జరుగుతున్న నేపథ్యంలో సినీ పరిశ్రమకూ స్వదేశీ పరిజ్ఞానం తోడవుతోంది. పరిశ్రమలో ప్రతి ఒక్కరూ భారతీయత ఉట్టిపడేలా చిత్రాలు రూపొందించాలని సన్నాహాలు చేస్తున్నారు. ఈ నేపథ్యంలో రజనీకాంత్- శంకర్‌ల కాంబినేషన్‌లో రూపొందుతున్న రోబో 2 కూడా స్వదేశీ పరిజ్ఞానంతోనే రూపొందుతుండటం విశేషం.
శే్వతా బసుప్రసాద్ కీలక పాత్రలో గోదావరి సినీ టోన్ పతాకంపై ఎమ్‌వి సతీష్‌కుమార్ దర్శకత్వంలో కలపటపు శ్రీలక్ష్మీప్రసాద్, కంటే వీరన్న చౌదరి, లంకపల్లి శ్రీనివాసరావు సంయుక్తంగా అందిస్తున్న చిత్రం మిక్చర్ పొట్లం. జయంత్, గీతాంజలి జంటగా నటించిన సినిమాకు సంబంధించిన అన్ని కార్యక్రమాలు పూర్తయ్యాయి.
అనువాద చిత్రాలకు తెలుగులో గిరాకీ బాగానే ఉంది. దీనికితోడు ఇటీవలి కాలంలో మోహన్‌లాల్‌కు మంచి మార్కెట్ ఏర్పడింది. దీంతో మలయాళ చిత్రాలను తెలుగుకు తెచ్చేందుకు నిర్మాతలు ఆసక్తి చూపిస్తున్నారు. మోహన్‌లాల్, అమలాపాల్ జంటగా మలయాళంలో రూపొందించిన చిత్రాన్ని తెలుగులో బ్లాక్‌మనీ పేరిట అనువదించారు. మాజిన్ మూవీ మేకర్స్ పతాకంపై సయ్యద్ నిజాముద్దీన్ తెలుగులో ఈ చిత్రాన్ని అందిస్తున్నారు.