సింహ ఫిలింస్ పతాకంపై షకలక శంకర్, పోసాని కృష్ణమురళి ప్రధాన పాత్రల్లో గంటా రామకృష్ణ నాయుడు దర్శకత్వంలో అనిల్‌కుమార్.జి నిర్మిస్తున్న చిత్రం ‘నా కొడుకు పెళ్లి జరగాలి మళ్లీ మళ్లీ’. ప్రముఖ దర్శకుడు వి.వి.వినాయక్ చేతుల మీదుగా ఈ చిత్రం గురువారం హైదరాబాద్‌లోని అన్నపూర్ణ స్టూడియోస్‌లో ప్రారంభం జరుపుకుంది.

ఈమధ్య హీరో రవితేజ ఏ సినిమా చేయడానికి ఓకె చెప్పడం లేదు. ఇప్పటికే పలువురు దర్శకులు కథలు చెప్పినా ఎవరికీ కమిట్‌మెంట్ ఇవ్వడం లేదు. ‘బెంగాల్ టైగర్’ విడుదలై ఏడాది పూర్తయినా రవితేజ కొత్త సినిమాకు ముహూర్తం కుదరలేదు. ‘పటాస్’ దర్శకుడు అనిల్ రావిపూడితో సినిమా చేసేందుకు రవితేజ ఓకే చెప్పాడు. ఇప్పటికే స్క్రిప్ట్ వర్క్ పూర్తిచేసుకున్న ఈ సినిమా సంక్రాంతి తరువాత సెట్స్‌పైకి రానుంది.

ఓకె బంగారం సినిమాతో తన మ్యాజిక్ ఏంటో మరోసారి నిరూపించుకొని, సూపర్‌హిట్ కొట్టిన క్రేజీ దర్శకుడు మణిరత్నం తాజాగా మళ్లీ ఓ రొమాన్స్ డ్రామాతోనే మెప్పించేందుకు సిద్ధమైన విషయం తెలిసిందే. ‘కాట్రువేళదియై’ పేరుతో తెరకెక్కుతున్న ఈ సినిమాలో కార్తీ, అదితి రావు హైదరి హీరో హీరోయిన్లుగా నటిస్తున్నారు. తెలుగులో ఈ సినిమాను ‘డ్యూయెట్’ పేరుతో దిల్‌రాజు విడుదల చేస్తున్నారు.

నాని, కీర్తి సురేష్ జంటగా శ్రీ వెంకటేశ్వర క్రియేషన్స్ పతాకంపై త్రినాథరావు నక్కిన దర్శకత్వంలో దిల్‌రాజు రూపొందిస్తున్న ‘నేను లోకల్’ చిత్రానికి సంబంధించి పోస్ట్ ప్రొడక్షన్ కార్యక్రమాలు శరవేగంగా జరుపుతున్నారు. ఈ సందర్భంగా నిర్మాత మాట్లాడుతూ, తొలి పాటను శుక్రవారం సాయంత్రం విడుదల చేస్తున్నామని, దేవిశ్రీ ప్రసాద్ అందించిన సంగీతం హైలైట్‌గా నిలుస్తుందని, ఫిబ్రవరిలో సినిమా విడుదల చేస్తామని తెలిపారు.